話說有個專頁，為左推自然療法，竟然將特敏福的其中一段抽出黎，曲解話係特敏福會導致神經錯亂及致死。好彩，呢個時代都多左人識英文，大家睇埋前文後理，原來係講「患上流感的兒童，可能出現神經錯亂並致死」，並唔係特敏福會致死。
再睇多啲，係話服用特敏福都有機會導致神經錯亂的狀況，唔好將兩者混淆，如果小朋友出現神經錯亂，就要帶佢睇醫生，等醫生判斷是因爲流感還是因爲藥物出現這個狀況。
呢隻特敏福，副作用真係好大，唔止食左有可能會神經錯亂，連睇佢嘅說明書，似乎都會令小部分信仰自然療法的信徒出神秘的語文能力下降和神經錯亂的情況，腦荀未生埋者，還可能會出現罕見的「無定向喪心病狂間歇性全身機能失調症」，我相信這是醫學界視覺與藥物產生交互作用的首次案例，建議搵《刺針》發婊一下。
其實，自然療法我講過好多次，小病可以信，大病就唔好亂黎，當個細路嚴重到要食特敏福，我唔認為薑或洋蔥、熱能按摩可以幫到啲咩手，真的，來到生關死劫還信這個，不如在熱能按摩之餘插條磁能線電一電佢？
啲人成日都話邊個邊個皇室、富豪都係用呢個自然療法，我心諗，你去啪骨啪返埋個腦荀先講野啦，人地富豪幾十億等緊佢洗，佢病左第二朝唔返工可以慢慢休養，學 #噴噴怪 講句「啲錢湧埋黎」，你發緊燒都要回email 呀，你有冇被動收入呀？你被動收皮咋！皇室班友仔仲癲，工都唔駛返仲有專屬醫療團隊，個個大國手爭住幫手醫爭出名，怕咩出事？你試下英女皇食一匙洗衣粉同你食一匙洗衣粉？你去急症室輪到乾埋衣都未叫到你呀！好心啦，幾廿歲人都唔化嘅。
仲有，邊條粉皮成日講話咩古代人點醫病，然後又叫人走去跟？我唔講咁多，你望下古代的平均壽命，以前人生七十古來稀，依家我地傾緊退休年齡上調到七十歲呀，你訓醒未呀？你跟古代的醫療，結果咪就係跟返古人的壽命囉，你唔信？非洲啲村落都仲有巫醫架，好古法架，幾千年歷史智慧、兼且係人類發源地，結果佢地平均壽命有幾長？
最後，大家鍾意講自然療法時拉埋中醫齊講呀嘛？好，咁我地睇下清代溫病名家吳鞠通講咩：
天下無不偏之藥，無不偏之病。醫者原以藥之偏，矯病之偏。如對症，毒藥亦仙丹； 不對症，穀食皆毒藥。無論病家、醫士，只當講求病系何病，法當用何法，方當用何方， 藥當用何藥，對准病情，寒熱溫涼，皆在所用，無好無惡，妙手空空，無不見效。—《論藥不論病論》
英文你又唔睇，依家俾中文你，你同我讀好佢呀！
#不對症穀食皆毒藥
#對准病情寒熱溫涼皆在所用
#係呀按摩就好架啦
#我傳啲內功俾你呀下
#迫返啲毒出黎
#搵個旱天雷劈一下打通埋任督二脈添呀
#天外飛仙
#新年流流好趕住俾人開年咩
間歇性英文 在 德國型男賀少俠Sascha：『間歇性斷食』相關的 ... - YouTube 的八卦
德國型男賀少俠Sascha：『 間歇性 斷食』相關的 英文 說法一次打包！｜HOPE English希平方x John Drummond 陽昊恩. HOPE English 希平方. ... <看更多>