風水佬呃你十年八年，噴噴好過風水佬，只係呃你十日八日，早兩個月前我婊力四射地婊揚了傳銷界的敗類噴噴，今日竟然傳出爆煲疑雲。
啲噴噴吹銷員成日話我阻人發達，喔呵呵呵呵，你唔係真係以為處於食物鏈最底層的你，以那低得可憐的智商可以發到達呀嘛？要不是香港連墳場都有土地問題，我唔想你地贏在起跑線，早著先機搶個靚靈位，我真係唔會攔住你地輸身家囉唔該～喔呵呵呵呵呵！
呢個世界有兩種蠢人，一種係唔死都冇用，另一種係死左都冇用。而呢啲噴噴怪大部份都係屬於後者，自己買貨都算了，仲要拉埋屋企人入員「有錢齊齊搵」，結果就癡癡呆呆坐埋一檯，集體六位數字被凍結帳戶，真係正宗陀衰家。
對了，你地個星級導師、時代之星、泛民智將黎則奮Q仔呢？你地話佢教左你好多野，咁佢有冇教你點樣睇商業合約、又有冇教你戶口被凍結了點算，又有冇教你「便宜莫貪」呢？我代你答啦，著名老害黎則奮已經飛左去加拿大啦，各位香港噴噴吹銷員，人地早排著草你仲同人慶祝歡送。被人賣了還幫人數錢，已經很笨了，被人賣了還要幫對方搞歡送會，人地黎則奮做波蘿雞去時代廣場Ｒ果籃都算了，你地做弟子嘅竟然淪落到做波蘿釘，起完俾人劈，你話你係咪抵婊？
唔好話人妻先生淨係識開post恥笑你啦，各位吹銷員除左一大堆噴噴外，都買左好多藍莓汁，我建議你反正呢啲死貨都係賣唔出，你不如自己飲啦，藍莓補眼，飲晒一百枝就唔會再有眼無珠架啦。另外，如果你真係碌爆卡去賣噴噴嘅話，唔駛擔心，即刻買張火車飛返大陸，做咩？梗係去賣腦啦，你幾廿歲人都未用過，全新嘅腦好值錢架！賣完之後，噴一噴個頭就會生返個腦架啦，不過唔好賣腎，虧嘅就唔好拎出黎害同胞啦，你嫌啲噴噴害得少人咩。
好啦，我點撥你地班智障兩句啦，呢單野你地搵警察之餘，你試下搵建制派班議員啦，如果佢地識玩，一定會開盡輿論機器幫你打爆對家，有咩juicy得過黎則奮搞壇咁嘅野出黎？敵人的敵人就是盟友，何況你地同建制派都係咁垃圾，癡埋去啦，岩架啦，會有協同效應架啦。
#蠢人有惡報
#世上萬物向心公轉
#沉沒湖底欣賞月圓
#有咩開心得過睇人hihi
#就係睇一大班蠢人同時hihi
#何其壯觀
#有請小鳳姐
#3個月年輕10歲
#係呀講緊你銀行戶口個結餘呀
