你哋平時工作上會唔會接觸到一啲品牌，了解過後就會討厭，甚至罷買？
話說阿媽叫我幫佢買支香水，食完lunch就順道去啦，咁其實坊間最多分店嘅A公司就買到㗎喇，梗有一間喺左近，偏偏近在眼前我唔買，要走去兩條街後面嘅B公司買，你知今日幾熱啦！陪我個同事就問喇：「頭先A公司咪有囉，應該仲平少少，做咩走咁遠？」
我：「A公司搵過我請人，仆佢個街500蚊都壓價，仲要唔止一次，然後叫人早半個月去返工，但又唔幫人賠錢，所以公事上唔再幫佢哋請人，私人亦唔會去佢間舖買嘢。」
同事：「你又幾愛恨分明喎。」
跟住我哋又去咗超市，期間我話要買方包做早餐，偏偏其他牌子賣晒，得返一隻香港最經典品牌，成貨架都係，好似有得揀，其實冇得揀，然後我話寧願冇得食都唔買，同事又問點解？
我：「嗰次辦公室日報接廣告，個柒頭前後改咗幾個版本都唔滿意，但每次都係前言不對後語，而且佢哋度咗句slogan九唔搭八，明明唔健康都要吹到係健康，不負責任亂咁嚟，好在最後推到個job，之後見另一位運動員幫佢出咗隻廣告，啲留言畀人小到上天花板，話佢唔睇食物標籤，我真係執返身彩，但對呢個brand好反感。」
同事：「但係成個超市得佢一隻方包喎！」
我：「咁我寧願去啲細麵包舖買，冇就寧願唔食。」
同事：「其實你唔幫襯好小事，佢咁大間公司唔會執，唔會有影響。」
我：「我知，但有啲嘢係要對自己有交代，唔一定要有結果先去做。」
佢繼續壟斷係佢嘅事，我繼續唔buy係我嘅事。
食物標籤 在 食品標示- 優惠推薦- 2022年9月| 蝦皮購物台灣 的相關結果
代算營養標示餅乾西點營養成分標籤餐飲八大營養成分防水貼紙標籤貼紙包裝貼紙食品甜點烘焙珠光貼紙. $130 - $450. 已售出1,902. 臺北市中山區 · 【B3S標籤機】精臣B3S ... ... <看更多>