【#娛樂Gossip - 2018年十大潮語 & 網絡紅人登場！】
Yahoo 雅虎香港喺今日公布 2018 年「Yahoo全年搜尋人氣榜」，本年度「十大熱搜潮流用語」第一名，就係呢句：「係愛呀？定係責任？」
話說今年流出一段影片，有位戴住耳環嘅職安真漢子喺暴雨下仍然留守工作崗位，被工友問：「年青人，究竟有咩動力，驅使你喺呢個暴雨下工作呀？係愛呀？定係責任？」呢位職安真漢子回應：「係窮呀，DLGH！」片段旋即被瘋傳，呢位工友更被封為「DLGH哥哥」，早前更紅到同張敬軒一齊拍廣告。「係愛呀？定係責任？」更成為萬能 key，同上年阿嬌嘅「個個都 XX，唔通個個都 XX 咩？」不相伯仲，金句之首，實至名歸！排三甲嘅另外兩句，分別係「佛系」同「Skr」
至於十大網紅方面，由香港消防處創作嘅「任何仁」榮登榜首，呢位帶點 AV 變態視感嘅藍色人，主要為消防處宣傳急救訊息，推出後隨即被網民惡搞。而有「龍馬精神」之稱嘅兩大網絡紅人「維園霆鋒」龍心，以及「天水圍林芊妤」劉馬車，分別排第2同第5名；今年參選港姐黑面黑到同黃心穎爆發罵戰嘅日本妹工藤佑采打入第3位，力壓排第4，憑「汪阿 tag 」係年尾標尾會爆紅嘅 #我就是ig紅人 汪明荃！另外兩大飲食界 KOL 「飯腳 Karen」同 Youtuber Catgirl 分別排第6同第10。
（圖片來源：香港消防處 facebook / 張敬軒 facebook / 蘋果日報 / 龍心、劉馬車、Catgirl Youtube Channel）
飲食界kol 在 3個YouTube飲食界人氣KOL 其中一位用生命拍片｜飲食熱話 的八卦
YouTube飲食界KOL 1. 肥豪 · 點擊睇第二位YouTube 飲食界人氣KOL · 馬田——香港難得靠飲食內容吸引過百萬人訂閱的YouTuber · 隔日教觀眾煮簡單甜品和小食. ... <看更多>