［香港 沙田］BREAKFAST TIME🌞食粢飯梗係要配豆漿！早幾日喺沙田工作完去河畔花園搭巴士時，見到有間小舖『 #豆乳狂人』 門口好多人🧐行去睇下，原來呢間舖主打 #豆乳，講明每日新鮮即磨，不加防腐劑，而且用手工純黑糖代替白糖，比較健康👍🏻見到咁多街坊幫襯，就決定買少少幫襯下😊
豆漿味道有好多選擇，有D味道已經售罄，好彩我最想飲嘅手工芋泥豆乳仲有！買定多兩支做明天早餐：
🌱有機原味豆乳($13)
🌱手工芋泥豆乳($25)
🌱仙草豆乳($20)
所有 #豆漿 本身都係 #無糖，付款後店員會問你想要幾甜，然後先加入 #手工純黑糖，咁樣幾貼心，可以滿足到唔同人嘅需要。因為我自己好鍾意飲 #無糖豆漿，身邊嗰位就鍾意有糖😅
當晚即刻試咗 #手工芋泥豆乳，#芋泥 份量十足😋入口軟綿，混和香滑嘅豆乳一齊飲，每啖都食到芋泥嘅顆粒感，好有口感⚡️無論芋頭嘅味道定係黃豆嘅豆香都味道好突出，唔會互相搶去風頭。
第二日早餐我就飲 #有機原味豆乳，鍾意黃豆香味嘅人一定唔好錯過，黃豆味都好濃郁，好飲😋.
👦🏻就飲加咗糖嘅 #仙草豆乳，佢大讚甜度恰到好處，飲到淡淡嘅黑糖香氣，飲嘅時候仲有滑捋捋嘅 #仙草🤤
#粢飯($20)好大條，要切開一半分享先得。餡料有榨菜、肉鬆、油炸鬼，鹹脆惹味，配豆漿別有一番風味。如果有埋咸豆漿賣就仲好啦！
㊙️ PS. 可惜我唔係住嗰邊，否則一定會成日買豆漿飲😂
——
加返地址先，小店冇location tag😅
📌豆乳狂人
📮地址：沙田河畔花園D座地下29 號舖
豆乳狂人 在 oneOne | 新派豆品專門店豆乳狂人 - YouTube 的八卦
oneOne | 新派豆品專門店 豆乳狂人. 37 views · 10 days ago ...more. OneOne. 4.93K. Subscribe. 4.93K subscribers. 1. Share. Save. Report ... ... <看更多>