Search
#PND聖誕燒錢100蚊有找系列 PND⋯⋯本身諗住過吓口癮，諗吓架咋，點知架一經太安樓就出事，仲要成個食哂，聽日真係要食多啲嚟減肥喇。
小店嘅老闆好客非常，班戟有甜有咸，做甜品定午飯都得，即叫即做，新鮮到爆係事實嚟。都Pancake會吹成乾身脆身、有嚼勁先用嚟包唔同嘅餡料！
我同自己講，三啖。食三啖好停喇！
PND呢啲勁鐘意食木糠布甸嘅人，一定係揀佢地招牌嘅《焦糖木糠班戟配雪糕》$27，第一啖係熱辣辣、脆身、有蛋香嘅crepe；第二啖係甜甜嘅忌廉同木糠層層疊，第三啖就係雪糕，好有食緊木糠蛋糕嘅梘角，而且都大份，今舖真係想全脂燃都難喇😖，不過呢，兩個潮友買嚟share你一啖我一啖啱哂！
I Love 戟 - 日式班戟專門店
地址：西灣河筲箕灣道57-87號太安樓地下55A號舖
#PND西灣河 #PND西式 #PND甜品 #PND外賣
「華」字行頭嘅食店，似乎都有品質保證？
所謂隱世，因為佢「佔領橫巷」，小店只有4-5個座位，計埋擴張嘅後巷排檔位，確係唔易搵，仲要無冷氣，潮友大熱天時最好帶定電風扇同水以備不時之需。
小店唔需要餐牌，因為食客都係「潮」住目標而嚟：蛋包飯、三文治(多士)、撈丁、餐腸麵、蛋牛治等。食餐飯，都講運氣，事關呢度由大隻哥型廚主理嘅招牌蛋包飯太受歡迎，好快就賣哂，潮友一定要早去早享受。
每日中午12點到2點就會供應呢個好快售罊嘅《蛋包飯》連飲品(e.g.凍奶茶)只需$33！上枱時，嘩，我最期待的畫面出現了。
蛋包飯絕對絕對要加芝士，大大份嘅半熟炒蛋哥炒得非常滑溜，一扒開就見到裡面極度豐富嘅蛋汁，加埋已經溶化嘅芝士，畢一啖無咖哩汁嘅蛋同芝士，咸咸香香，入口好！嫩！滑！
咖喱汁應該係日式口味甘甘地甜甜地果款，呢個時候，轉一轉隻羹，起手一反蛋皮，將豉油色嘅嘅雞脾肉飯，送入口...果然，無令人失望！炒飯有醬油、麻油香，仲有雞肉、茄肉，半熟滑蛋同咖哩汁，以小店、呢個價錢嚟講，世界級。
芝士茄汁鹹牛肉三文治$15，其實個樣係多士，經過烘煎嘅三文治係輕輕脆口，夾住茄汁炆煮嘅鹹牛肉煮同芝士，蕃茄味好濃郁，好香口。飲啖奶茶，味道尚可。
食完飯，去埋太安樓掃街，perfect池。
華記士多
星期一至日：08:00-15:00，營業時間不定
#PND西灣河 #PND港式 #PND小食 #PND芝士
@西灣河筲箕灣道48號地下3B號
鳴謝潮友 @Maru_rubiiii 溫馨推介 & PND助手
走過熱辣辣嘅大地真係好熱～！西灣河，太安樓，又有新嘅甜品食喇！冰凍嘅刨冰、芋圓、粉圓、煉奶，正呀！
呢間新嘅台式小店，有大約10個堂食位，本身都無諗住行入去，不過PND聽到台灣人男老闆問「食唔食挫冰呀？」又見到其他潮友食緊嘅挫冰好大碟，好，就食一次。
台式刨冰、豆花、牛奶冰，飲品都有架，好似養樂多綠茶、新鮮水果茶咁，好解暑！
PND揀嘅《台灣黑糖刨冰》，有分$30嘅三種冰同$35嘅五種冰，前者可揀3款配料；後者可揀5款配料，可加$2耍煉奶，配料有手工芋圓、紅豆，仙草凍、布丁、粉圓、手工粉粿、寒天、地瓜、芋頭...真係幾齊呢。
亮點係，成份刨冰有雙手捧起咁大碗嘅份量，冰山仲有10cm高，兩人開心share先食得哂，非常抵食！三色芋圓嘅芋頭對麵團嘅比例都幾高，芋頭味好香，QQ彈彈，幾有地道台灣味呢。
刨冰食落冰冰涼涼，啖啖透心涼，加埋珍珠同芋頭⋯⋯好有口感。
來來小吃店
#PND西灣河 #PND甜品 #PND台灣菜
@西灣河筲箕灣道57-87號太安樓第二街A33B號鋪
地址: 西灣河筲箕灣道57-87號太安樓地下A28號B舖 #香港人加油 #五大訴求缺一不可 #天佑香港 #黃絲餐廳 #黃色經濟圈 ... #PND西灣河#PND小食#PND外賣#PND港式 ... ... <看更多>
就算嚟到西灣河，都要支持小店，同埋搵一搵PND嘅刺身的誘惑！小店只有10個位，8年嚟，由一家三口打理，擺咗仔仔嘅細個嘅書、公仔、玩具. ... <看更多>
pnd西灣河 在 魚蛋佬筲箕灣的鄉民必推理由跟評價，在dcard、foodpanda、ptt網友 ... 的八卦
地址: 西灣河筲箕灣道57-87號太安樓地下A28號B舖 #香港人加油 #五大訴求缺一不可 #天佑香港 #黃絲餐廳 #黃色經濟圈 ... #PND西灣河#PND小食#PND外賣#PND港式 ... ... <看更多>