那些年，PND食完想再食多次嘅三清洞人氣年糕鍋，終於，都帶大隊嚟香港開分店喇！
感動中！當年睇台灣博客推薦，20年歷史嘅首爾三清洞《吃、休、錢、走》總店嘅抵食芝士年糕鍋，喺香港係原汁原味出現返！問完店長，報告潮友：呢度嘅食材、份量同首爾一樣。
呢個鍋，點玩法呢？
第一步：先揀潮友鍾意食嘅《辣炒年糕鍋底》$68/款，無論潮友係毒毒一個定包場，芝士、海鮮、牛肉、部隊、蔬菜等潮友必需最好揀2款，最多可以揀哂。即是咁，最平食法就係$136。咩都唔加。鍋內會有年糕、海鮮類魷魚，少少蔬菜等。湯底絕對係靈魂。
第二步：麵，當然必加。$15/款，有辛辣麵、粉絲、烏冬同細麵揀，潮友可按食量揀。
第三步：共他配料，$18/款，好似雞蛋、火腿、魚糕、炸餃子、炸粉絲卷等；想要海量芝士，可以加$25囉。
最後一步：更加係必食，就係追加炒飯$25 / 芝士炒飯$35喇！咁樣加上去，人均應該大概一百蚊啦。
老實講，個年糕鍋紅當當咁，但其實辣度唔算強，湯底由20分鐘後開始越煮越杰，食落更加濃郁同重口味，麵、年糕同配菜會更入味，咁先開始會有辣感。
如果潮友有叫炒飯，店員會將飯、紫菜、粟米同埋芝士加入淨返嘅濃湯入面炒香，呢個飯根本就係成餐嘅精粹！韓國食完，有「思鄉病」嘅潮友番香港潮聖喇！
三清洞摩西 Mukshidonna 먹쉬돈나
電話：55739331
星期一至日：11:00-23:00
地址：旺角彌敦道726號1樓
備註：***試業期間無加一，飲品免費！***
送完即止，加一收費在試業後將會更改。
#pnd旺角 #PND韓國菜 #PND芝士 #PND火鍋 #PND小食
pnd小食 在 Pin on The Top Korean Food in Hong Kong 的八卦
食物主打韓式炸雞、拌飯、小食、雪糕，想食飽啲仲有set揀添，好似Set C咁就有炸雞啤酒喇！ PND當然又叫咗最愛嘅《韓式炸雞》($45)啦，有一籃雞！呢度有兩款口味揀：甜 ... ... <看更多>