pnd聖誕燒錢100蚊有找系列的八卦，YOUTUBE和Yahoo名人娛樂都在討論

《 #PND聖誕燒錢100蚊有找系列 》呢啲凍凍地嘅天氣，最啱就係提取溫暖以後度嚴寒，咁如果毒自一人又有咩啱食呢？

PND帶大家平食呢個$62三杯雞火鍋啦！

呢個《無骨香辣三杯雞涮涮鍋》$62，加多幾蚊有杯珍珠奶茶，半張枱係唔夠架，要好似小學生咁過界先僅僅夠位擺嘅。

呢個一人Shabu Shabu，其實份量都幾多：無骨三杯雞件、美國穀飼肥牛、花枝丸、章魚餅、椰菜、紅蘿蔔、玉子豆腐、豆腐卜、台灣腸，仲配公仔麵 / 渝川麵 / 新竹米粉或者選擇加4蚊要碗男仔食都夠飽嘅肉燥飯！三杯雞甜甜辣辣好惹味，偏向爽滑，而且大大舊肉仲無骨，完全係懶人鍋之選。

如果3個人，可以食佢地嘅$208二人餐火鍋 (其實係3人份量)，火鍋料比一人鍋多一倍，兩杯飲品加加大，仲包碟安格斯頂級火鍋肥牛、沙律同鹽酥玉子豆腐，平均每人都係$70-$80就飽到GG。
PND表示，減肥從來都係好簡單嘅一件事。
101肉燥飯專門店
三間分店地址：旺角家樂坊對面屈臣氏電梯上二樓、尖沙咀厚福街地鋪、屯門巴黎倫敦戲院對面 (暫時未有火鍋供應)
供應時間：每日下午6時後 (售完即止)
#PND旺角 #PND尖沙咀 #PND屯門 #PND火鍋

#PND聖誕燒錢100蚊有找系列 PND⋯⋯本身諗住過吓口癮，諗吓架咋，點知架一經太安樓就出事，仲要成個食哂，聽日真係要食多啲嚟減肥喇。

小店嘅老闆好客非常，班戟有甜有咸，做甜品定午飯都得，即叫即做，新鮮到爆係事實嚟。都Pancake會吹成乾身脆身、有嚼勁先用嚟包唔同嘅餡料！

我同自己講，三啖。食三啖好停喇！

PND呢啲勁鐘意食木糠布甸嘅人，一定係揀佢地招牌嘅《焦糖木糠班戟配雪糕》$27，第一啖係熱辣辣、脆身、有蛋香嘅crepe；第二啖係甜甜嘅忌廉同木糠層層疊，第三啖就係雪糕，好有食緊木糠蛋糕嘅梘角，而且都大份，今舖真係想全脂燃都難喇😖，不過呢，兩個潮友買嚟share你一啖我一啖啱哂！

I Love 戟 - 日式班戟專門店
地址：西灣河筲箕灣道57-87號太安樓地下55A號舖
#PND西灣河 #PND西式 #PND甜品 #PND外賣

《潮找紅葉的故事🍁》大棠，行山記，黃金時間：呢2個星期。

尋日熱到爆爆，今日聖誕終於都涼返少少，去行山影相做男神女神襯衫都易啲。

#PND聖誕燒錢100蚊有找系列

PND今日(好多外藉人士)就直鏟上山，雖然逼到似年宵，但元朗大棠楓香林終於都局部地區性變紅喇。

要睇紅葉就要行吓山，真心會成身濕，最好帶衫換，唔識行嘅跟人行都得嘅，潮玩友喺入口可能仲係見到好綠好黃嘅樹，不過再向前行到大棠山道同大欖自然教育徑嘅分叉路口，屈入大棠山道，就會見到楓香樹，顏色鮮艷，果度嘅樹已經見紅喇！

唔好expect係好多好多樹，人同樹嘅比例可能高達1000:1，同埋PND係用C牌相機影相嘅，有單反當然要帶單反啦。

正常嘅路線應該係：
1.屏山搭巴士K66($4.5單程約15分鐘車程)喺大棠山道路口下車
2.沿大馬路直行上山
3.或者搭的直到大棠郊野公園燒烤場落車
4.上山途經漁護署苗圃
5.上山再過大欖林道大棠段
6.上山大概45分鐘起(利申:PND係行山人士)，最後喺休憩處前面嘅紅粉色楓香樹係最靚最密最好影(影咗45分鐘)。連埋落山，全程只用咗2個半鐘。

P.S.燒烤味勁香，潮友可以帶定野食上去picnic或燒烤。同埋呢個地方係屬於全香港人嘅，唔係淨係屬於一部分嘅潮友，要有公德心呀。

#PND元朗 #PNDouting