Search
PND都係一次偶然上錯朗晴坊，😂先知道原來呢度有間台式小店喎！
這，不是朗豪坊。呢度係朗晴坊，一幢普通大廈，只有兩部細𨋢，多潮友嘅時間，都要排隊先上到去開餐架。
入到去，發現小店細細，竟然都有分室外同室內，Outdoor有6張枱，中午有太陽，唔係太大風嘅話都幾好坐，落雨嘅話當然係坐返入面最好啦。
台式、西式食品都有，咁當然台式小台食返台灣菜係最安全啦！意粉類、飯類、扒類、小食類都有，價錢唔太貴呀，由$5x起，仲有珍珠茶類、台式特飲、花茶等，都幾齊！
PND就叫叫咗《炸雞溏心蛋肉燥飯》，仲用咗小鐵盒便當裝添，就係一位潮友嘅份量～肉燥煮得幾份味，唔係太鹹，仲有件件炸雞，惹味同脆口，加埋拳熟溏心蛋撈埋熱辣辣嘅白飯食，飲埋杯《珍珠奶茶》，小確幸！
屋喔
電話：23215131
星期一至日：11:30-02:00
地址：旺角砵蘭街215號朗晴坊4樓
#PND旺角 #PND台灣菜 #PND小食
玩完鐳射槍成日濕哂，唔使驚，行過見到呢間台灣過江龍鮮果現打果汁小店，仲有小食賣，掃街慳錢必食！
呢間由台北市內湖區嚟嘅小店，主角係水果，當然，珍珠奶茶都有，仲有窩夫同埋豆腐脆條添。
PND最愛有《紅肉火龍果切打》$28一杯，攞果汁時朋友堅係「嘩」咗聲，啲火龍果係足料到嚇親，因為係睇住佢地真材實料成隻火龍果用機現打，滿到漏出嚟，夠兩個人share。
潮友平時勁驚食到車胎/鞋底整嘅QQ珍珠，店主拍心口同PND介紹，呢度嘅主角叫「健康」。一杯《水晶珍珠奶茶》只係$18，粒粒都無用痴肥焦糖嚟煮，味道清甜啲但一樣煙韌。想keep fit但口痕嘅潮友必飲。
仲有朋友們嘅《奇異檸檬切打》、右上嘅《愛文芒果切打》、《Oreo奶昔》同《翡翠檸檬綠茶》，絕對唔係糖水溝茶咁簡單。最正係呢度唔用cheap bom bom白砂糖，用PND未聽過嘅熬糖，飲落無咁死甜，而係清甜。
無薯條，換成《豆腐脆條》，$15一份，可以揀點香辣芥末醬、胡麻醬或蜜糖芥末醬食，豆腐脆條好有豆香，點埋醬汁食係非常刺激。
仲有抵食嘅《方鬆餅》只係$12一份，非常抵食仲要好好味。口感鬆酥但紮實，少少餅乾感覺，但咬落又有強烈蛋香，必試！
果物憩席
電話：2397 6608
星期一至日：11:00-00:00
地址：太子弼街64號地舖
#PND旺角 #PND台灣菜 #PND外賣 #PND小食
--------------------------------------------------
PND旺角區食、玩行程(登打士街出發)：
Hot.com→Cafe Aboong(鯛魚燒)→肥姐小食店(三寶)→BboKki(韓國小食)→Eat with Me(朱古力/芝士雞蛋仔)火鍋→Candy Shake(芝士撻)/御前上茶→WOFT(芝士火鍋)→
兆萬中心→百寶利→朗豪坊LINE聖誕主題擺設→ResaLaser(暗黑螢光鐳射槍戰) →「果物憩席」→
彌敦道726: Mukshidonna (三清洞人氣年糕鍋)/Running燒(韓燒炸雞放題)→GangnamOppa(Running Man主題大件夾抵食) →甜棧227(甜品)→The Live House(宵夜/飲野)
走過熱辣辣嘅大地真係好熱～！西灣河，太安樓，又有新嘅甜品食喇！冰凍嘅刨冰、芋圓、粉圓、煉奶，正呀！
呢間新嘅台式小店，有大約10個堂食位，本身都無諗住行入去，不過PND聽到台灣人男老闆問「食唔食挫冰呀？」又見到其他潮友食緊嘅挫冰好大碟，好，就食一次。
台式刨冰、豆花、牛奶冰，飲品都有架，好似養樂多綠茶、新鮮水果茶咁，好解暑！
PND揀嘅《台灣黑糖刨冰》，有分$30嘅三種冰同$35嘅五種冰，前者可揀3款配料；後者可揀5款配料，可加$2耍煉奶，配料有手工芋圓、紅豆，仙草凍、布丁、粉圓、手工粉粿、寒天、地瓜、芋頭...真係幾齊呢。
亮點係，成份刨冰有雙手捧起咁大碗嘅份量，冰山仲有10cm高，兩人開心share先食得哂，非常抵食！三色芋圓嘅芋頭對麵團嘅比例都幾高，芋頭味好香，QQ彈彈，幾有地道台灣味呢。
刨冰食落冰冰涼涼，啖啖透心涼，加埋珍珠同芋頭⋯⋯好有口感。
來來小吃店
#PND西灣河 #PND甜品 #PND台灣菜
@西灣河筲箕灣道57-87號太安樓第二街A33B號鋪
台灣 小吃創業夢用料澎湃隱藏版麵線吸睛《進擊的 台灣 》第190集 · 70年黑金東坡肉黃金比例Q彈滷豬腳入口即化超過癮《進擊的 台灣 精選》 · 討海人私房菜五星級 ... ... <看更多>
2022台灣地圖png-保養品美妝品推薦心得，精選在Youtube的熱門影片，找台灣地圖png,台灣銀行,台灣彩券,台灣運彩在Youtube的熱門話題就來美妝保養護理 ... ... <看更多>
pnd台灣菜 在 PND Food•網上雜誌•潮遊食玩情報(@hkplayndine) on Instagram 的八卦
係喇，呢間係一間多國菜餐廳，相機食先嘅台韓料理餐廳，成間都係湖水藍色，門口嘅櫃上面仲有溫暖嘅枱燈同聖誕裝飾，對，就是偽文青，你懂的。…” ... <看更多>