#香香食好西
又到週末，總要俾藉口犒賞一下自己，只要肯行少少路，中環區都可以搵到唔少有水準嘅餐廳嘅。
Miso主打鐵板燒，一入內有條小梯，邊下樓邊可以俯瞰師傅認真烹調嘅過程。餐廳佔地面積不小，即使廚房為開放式，都唔會有局促感同油煙味。
⚜️
$750 午市二人鐵板燒套餐🥓
🥗蟹籽沙律·青芥末沙律醬
份量十足，猶如小山丘，表面鋪上滿滿蟹籽，入口爆汁充分提鮮；
精萃沙拉醬加咗芥末，香甜之餘帶刺鼻感，令整體更清爽醒胃。
🍣錦繡刺身（六款）
餐牌上無標明，由餐廳即日按貨源決定，保證質素新鮮鮮美。
生魚片如相中肥厚，特愛帶子、吞拿魚同鯛魚；
帶子厚嫩爽口，略帶鮮甜；
中拖與鯛魚帶明顯油香，口感豐腴。
餐廳給予自由用膳嘅時間值得一讚。
每道菜上菜後約十至十五分鐘先再上下一味，一反中環區急促嘅節奏，俾客人真正享受午膳。
🐟銀鱈魚西京燒
外皮香脆，魚皮與魚肉之間夾住適量脂肪，脂香十足，份量剛好，一人一件不至於過膩。
🐚鐵板燒帶子
帶子以牛油香煎，同刺身一樣爽彈，味道中規中矩。
🍖鐵板燒肉眼薄燒
本日MVP，薄切肉眼外在焦脆、入口即化，加上包裹住嘅蔥花，辛香又中和肉膩，無諗過味道咁出色🤩
蘸上燒肉汁突出返肉香，更香口惹味。
🍚鐵板燒炒飯
加入蘿蔔、洋蔥、小蝦同蛋炒成，略微結團，偏油，味道一般。
🍧甜品
尾聲可選咖啡或甜品，餐廳所供應嘅「雪糕」居然係雪葩，香港鮮少見到。
冰凍嘅刨冰口感刺激味蕾，甜中帶酸嘅柚子同檸檬口味清涼解暑，為今餐帶嚟圓美尾聲～
#食在中環
#Miso
