我的「主播」生涯
10:40 自稱毛記PA留言，問有無興趣接受訪問😱
11:50 終於得閒回覆：點解咁遲搵我😬
12:28 心急如焚短訊追問時間地點😰
14:15 踩上毛記工廠大廈錄影廠🤓
14:35 PA羅若Off解釋劇本對白，驚魂甫定聽唔明😍
14:55 攝影哥哥大叫：錄影，同事靜靜，3-2-1😇
15:25 除褸著老西帶紅呔讀稿扮主播😘
15:50 又係羅若Off：小小車馬費，唔該簽收😭
16:05 Selfie完，心滿意足鬆人😄
好過癮。我嘅第一次咁就畀咗毛記電視，有得玩，有得selfie，又有得瘋狂偷影浴室辦公室，淨係見唔到盤菜瑩子、利君牙、東方昇，有啲啲若有所失。
好感動。上鏡同真人一樣嘅愛情專家的神、著住白色長裙嘅可愛羅若Off、唔黑面有偈傾嘅林日A、吊腳褲嘅導演哥哥、兩位無乜出聲嘅攝影大哥，行經過畀我捉住selfie嘅黃慘盈，個個全情投入做嘢嘅神情好迷人。
好慚愧。影響香港年輕人咁大嘅媒體，原來喺條件咁差嘅工作環境「掙扎」求生。大家想像吓 ...
門口招牌都無個，黑麻麻簡陋辦公室錄影廠合二為一，roll機就要所有人肅靜，行路拉凳開門打字唔嘈得，但阻唔到樓上機器廠偶然發出巨響，惟有NG由頭錄過。
用咗幾個月嘅字幕機遙控器神神地，服裝老西殘殘地，兩部的骰攝影機有啲兒戲，撥開雜物至坐得嘅3-seater，一路食杯麵一路望住個mon做嘢嘅工作人員，我有啲心噏，但見到一班無比朝氣幹勁嘅毛毛，做到咁好成績，即使資源有限，連車馬費都記得，反而好多大機構無能為力，我突然對香港信心大咗。
支持毛毛，買書買雜誌買台慶飛落廣告做主播，求其一樣都得，今日坐言起行。呢篇文送畀我尊敬嘅年青人。
六點半左右新聞：
https://www.facebook.com/tvmosthk/videos/1689852301263100/
工廠大廈住 在 工業大廈租務陷阱！租工廈必讀10大注意事項 - 千居 的相關結果
2022年9月13日 — 香港住宅樓價年年蟬聯全球最貴，不少港人為求一處棲身之地，只好鋌而走險，違例租住工廈，令到工廈劏房的非法問題日益嚴重。 租用工廈劏盤，如果不被 ... ... <看更多>