好多時我地做深蹲，要定斷我地做得好唔好，經常會談及一個重點就係腳掌嘅重心，就在於當你所有嘅關鍵設置(槓鈴放置,握距,站距,臗伸展,核心穩定)都做好後，仍然都覺得動作不穩定，做嘅時候有啲傾前左或者係後傾左，其實就係你響控制腳掌重心上做得唔好，可能係用左腳後踭做重心，又或者用左腳前掌做重心，就係唔能夠完整咁運動到成個腳掌嘅觸及面令你拎到個中位去穩定，呢個關鍵就係你嘅腳趾
有好多人總係會覺得深蹲時前後重心會難以平衡，首先就係佢地缺少左一個概念，腳掌足弓形成嘅”三腳架”腳，英文就係叫Tripod Foot，當我地形成三腳架重心嘅時候，我地嘅足弓內部範圍會拱起，令到我地全腳掌嘅外弧形部分牢固咁觸及地面，令到腳掌重心置中
咁究竟弧形足弓嘅三腳架腳姿要如何形成呢，講就易，方法又係點呢???
首先我地需要確定嘅第一件事係腳掌係可以自然活動，有超過25塊骨頭分佈響腳嘅四個不同關節上，所以其實我地腳掌嘅靈活度係可以好大嘅，而形成三腳架嘅關鍵就係腳趾啦，好多人都忽略左其實我地嘅腳趾係可以進行”抓實”嘅動作，而呢個抓實嘅動作就正正可以幫我地嘅腳掌形成高弓嘅狀態，當我地進行”抓實”嘅時候，我地只需要感覺到腳趾有用力牢固觸及地面便可弓位便會形成，否則如果你太過用力將腳趾抓至拳頭狀態反而會令腳趾頭撐著地板做成不舒服感覺
有扁平足做唔做到??
事實係有扁平足嘅朋友更加應該嘗試練習三腳架站立嘅狀態，無論係正在深蹲或是平常站立，走路，都要嘗試去做，因為呢個三腳架站立嘅狀態係對你扁平足嘅改善有百利而無一害，而你足弓嘅狀況係會直接影響到你嘅身體站姿同深蹲嘅動作姿勢，因為一個四平八穩嘅深蹲動作係需要膝關節外翻支撐嘅配合(圖中嘅紮馬姿勢)，如果你受扁平足影響或你放鬆腳掌去做，就有機會出現膝內翻嘅狀況，另外如果無良好嘅足弓狀態，站姿都容易出現X形腳
所以無論係做硬拉，直立推舉，深蹲時都唔好忽略腳掌，腳趾嘅重要性!!!!
圖:KAPO 文：Burger
#kofgym #toes #feet #legday #balance #strength #squat #deadlift #muscle #training #practicemakesperfect #tripodfoot #腳趾 #腳掌 #深蹲 #力量 #訓練 #練習 #肌肉
