stellasheaa青衣的八卦，Yahoo名人娛樂都在討論

😈青衣戲棚第2擊！😈

又係青衣戲棚？無錯！兩個星期前係「真君誕」，而今次係「天后誕」！
原本我以為啲小食檔會一模一樣！但原來有好多都轉咗！檔位多咗，有部分野食係未見過嘅！
早少少出Post大家有興趣可以今晚去試吓～
🎉🎉🎉🎉🎉🎉🎉🎉🎉🎉
當然今次都係有大量 #黃金乜乜乜 炸雞皮嗰檔依然喺到！但同場有幾檔個賣相真係⋯流咗啲⋯（今次我醒咗，睇咗個樣先）
另外幾檔「長發」小食、醉鮑魚、燒海鮮、重慶串燒、梳乎班戟、芋圓、蚵仔煎、牛柳粒、玉子燒等等⋯都照舊喺到！
🔎🔎🔎🔎🔎🔎🔎🔎🔎🔎
今次試咗6樣野，同大家分享下～
⭕️= 推介。❌=伏。🤔=可試可不試
🤔 #臭豆腐 $16
［分數：6.5/10］
$16蚊件都幾貴⋯外皮脆而不韌幾好，但入面啲豆腐好硬身，所以感覺特別嚡同飽肚，味道方面唔夠臭。同場都仲有幾間，可以試下第2間。
.
🤔燒菠蘿豬扒 #菠蘿包 $30
［分數：6.5/10］
原價$40，我琴日去見佢改咗$30，菠蘿包個皮好偏，無烘反鬆脆。豬扒大大件，仲有片罐頭燒菠蘿，屬於飽肚之選，其實$30蚊算抵食同可接受，但個菠蘿包真係差咗少少，再加上塊罐頭菠蘿出水⋯無幾耐連個包底都濕晒⋯所以自行決定試唔試⋯記得要食快啲！
.
⭕️ #醉鮑魚 $35/隻 $100/3隻
［分數：6.5/10］
依間都幾多人買，標榜自家秘方浸，用咗幾款酒，出面買唔到。但我覺得酒味唔夠濃，我鍾意濃花雕味。不過啲鮑魚都幾軟食，好易咬開。
.
⭕️黃金雞皮卷 $25/條 $45/2條
［分數：6.5/10］
用雞皮包住雞脾肉，再燒香佢。幾有特色，雞脾肉都算嫩有肉汁，但啲雞皮就無燒到脆身，頭尾位會韌啲，咬唔開，整體算Ok香口。
.
⭕️泰式大骨 $40/3件 $60/5件
［分數：6.5/10］
唔記得咗佢叫咩名，總之得一間，見到呢堆骨就無錯！不過呢間要6點先正式開賣！而且都幾多人幫襯，我由5點開始邊行邊等，真係等到6點先賣！
啲骨堅大件，其實有啲似喺內地食嘅「醬骨」，湯底係泰式風味，即係有啲青檸、辣椒、芫茜蔥咁。
可能我太早買，所以覺得啲骨未算好入味，啲肉外邊偏嚡，近骨位會滑返啲，不過衣種食法喺香港少見，都會推介大家試吓
.
❌鵝肝 #玉子燒 $40
［分數：6.5/10］
就咁芝士玉子燒係$30蚊，加件鵝肝貴$10蚊！但件鵝肝真係又細又乾又嚡⋯感覺似食豬潤⋯單買玉子燒其實ok，都叫拉到芝士絲，但真係唔好浪費嗰$10蚊！
.
#龍蝦包 $50
因為巳經食咗個菠蘿豬扒包，所以無食到！但見個依樣幾靚仔，所以影埋俾大家睇～假設真係有咁多龍蝦，又真係抵過喺出面食！
💁🏼‍♀️💁🏼‍♀️💁🏼‍♀️💁🏼‍♀️💁🏼‍♀️💁🏼‍♀️💁🏼‍♀️💁🏼‍♀️💁🏼‍♀️💁🏼‍♀️
整體上，今次啲野食比上次好啲同多啲，當然有機會係今次識避開上次已中伏嘅食物！有興趣嘅今晚巳經去得㗎喇，今次至到19號，仲有3日～
📍📍📍📍📍📍📍📍📍📍
天后誕
日期:
5月15至19日
地點:
青衣劇棚(市政大廈旁)
📍📍📍📍📍📍📍📍📍📍

#stellasheaa青衣
#food #hk #hkfood #yummy #eat #lovefood #foodporn #foodpics #foodie #hkfoodie #photooftheday #foodporn #香港 #相機食先 #吃貨 #手機食先 #青衣 #青衣戲棚 #天后誕 #小食 #港式小食 #掃街

🐠🐟街市都有得玩？一手抓蜆 $5蚊！🐟🐠
#香港街市 搞 #海鮮祭 ！主要有3樣野玩：
- $1蚊1隻蝦 （每人最多買8隻）
- $5蚊一手抓蜆 （每次最多抓3次=$15）
- 拍賣海鮮 （有底價，每口價$5-$50不等）
🐥🐥🐥
我去嘅係#青衣 長發街市！去到其實指示得唔太清楚，行咗幾個圈給終於搵到！但未到3:30已經開始排隊⋯而且每個game只係得10個名額！所以第一個環節$1蚊1隻蝦就miss咗喇！好採排到玩$5蚊一手抓蜆！
🤘🏻🤘🏻🤘🏻
因為係頭幾個玩，以為一定要帶膠手套，帶完勁跣手⋯抓極都跌出嚟⋯最後嘅成績係⋯慳咗$1蚊⋯以$15換咗價值$16蚊嘅蜆返嚟⋯
後期有人無用手套，有個男人好似抓到$2x蚊。當玩吓開心吓就算⋯
😐😐😐
今日 #拍賣 嘅係 #鮑魚 ！底價$50，每口價+$50蚊。鮑魚好似原價$3xx，最後以$250賣出⋯如果無限每次要$50$50咁叫應該會好玩啲⋯
🤔🤔🤔
提提大家：
- 有興趣嘅話記得早少少去到問定喺邊排隊
- 唔怕污糟嘅話，抓蜆記得唔好帶手套
- 青衣同小西灣街市可以即買即煮，但1斤蜆加工費大約係$40⋯抵唔抵自己衡量啦！
👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻
「香港街市海鮮祭」
日期：15/9/17 - 8/10/17
時間：3:30 - 4:00
地點：青衣市場(長發) 、本灣市場(小西灣)、香港街市(逸東) 、MC. BOX隆亨市集、啟 業市場、葵盛東街市、良景市集、太和街市、將軍澳市場、耀安街市、天瑞街市
-----------------------------
👋🏻👋🏻👋🏻👋🏻👋🏻👋🏻👋🏻👋🏻👋🏻👋🏻👋🏻👋🏻
想睇更多吃喝玩樂資訊？快啲Follow我啦！
FB：stellasheafoodiary
Ig： stellasheaa
Blog：Stella's hea食玩部屋
YouTube : https://www.youtube.com/channel/UCXPATomyWsZumEe4cT4OBEw

#香港 #街市 #海鮮 #seafood #market #hk #hongkong

🥐🍡青衣城秋季美食節🍡🥐
近排好多商場都搞 #美食節 ～今次 #青衣城 大堂會有20個飲食攤位，分咗「香港味道」同「國際美食」
🇭🇰🇭🇰🇭🇰🇭🇰🇭🇰🇭🇰🇭🇰🇭🇰🇭🇰
「香港味道」主要係一啲街頭小食，例如：花生糖、糯米糍、冰糖燉檸檬、紅菜頭麵、參茸海味、香港製造嘅咖啡月餅同榴連流心月餅等等⋯
「國際美食」就會係一啲新派少少嘅，例如：松露龍蝦牛角酥、泰國菠仔/榴連乾/扎肉腸、澳洲鮑魚、手工啤酒、日本果醋等等⋯
🇹🇭🇯🇵🇮🇹🇹🇭🇯🇵🇮🇹🇹🇭🇯🇵🇮🇹
#松露龍蝦牛角酥
[分數:7.5/10]
細細隻好可愛！會即時加啲松露醬上去，龍蝦肉都幾大舊，如果#牛角酥 可以再烘熱啲會更好。
每日限量50隻，每隻$30蚊，而龍蝦牛角酥嚟講，平平地過下口癮/影下相，都算唔錯~
🥐🥐🥐🥐🥐🥐🥐🥐🥐
#貓山王 #榴槤 #糯米糍
[分數:8.5/10]
雖然依加周街都糯米糍，但衣粒包嘅係貓山王！榴槤餡夠多，味道亦夠濃，糯米皮夠軟滑，大大粒，正！
📍📍📍📍📍📍📍📍📍📍📍
青衣城秋季美食節
日期：13/9/2018 - 7/10/2018
時間：12:00nn - 10:00pm
地點：青衣城1期1樓大堂
Maritime Square 青衣城
📍📍📍📍📍📍📍📍📍📍📍
👉🏻想睇更多吃喝玩樂資訊？Follow我啦！
FB：stellasheafoodiary
Ig： stellasheaa
Blog：Stella's hea食玩部屋
YouTube : https://www.youtube.com/channel/UCXPATomyWsZumEe4cT4OBEw