#你有經歷過餐廳LastDay嗎？ <長文慎入>
又有一間餐廳結業啦😢⋯⋯
可能經歷得太多次，我開始漸漸對餐廳要結業Lee 件事麻木左🌲。或者又可能係我炒既時間無以前果D咁長，同事又唔算特別熟絡。有客人都私下問我發生咩事執得咁突然😮。其實世事就係咁奇怪，明明餐廳D食物好好👍🏻，服務又好好👍🏻，但就係得果星期5,6先有生意。加上又捱貴租💰，所以要長期經營一間非集團式既餐廳真係越來越難🤦🏻♀️。而當每一次有餐廳Last Day，我都會諗番起第一次迎接餐廳Last day既回憶😢😔。
果間餐廳我由16歲就開始想做，但到到19歲先做到既入行第一間西餐廳🍝。而Lee一間餐廳亦係我識得最多朋友，最多熟客，做得最長俾得最多鐘數既餐廳😣。以前番工仲多過番學，見同事仲多過見同學。諗番起以前真係犀9利，星期5,6炒完場仲可以有精力齊齊落去唱K飲酒🥂🍻，或者食個靚宵夜，第二朝仲可以戴大眼仔化行妝開工💅👄。而家就算無捱夜，開工化妝真係都廢L事🙆♀️（#現任同事們最鐘意我素顏der🤢)。Any肥，班同事真係同家人無異。生日呀，聖誕呀，老母節呀！老豆節呀！情人節呀，新年呀！乜9日子都一齊過。真係好難唔Friend過打Band🙋🏻🙋🏽♂️。
而D客人係會熟到定時定候送野俾我地食💁🏻，做cupcake生意既美國肥佬叔叔成日得閒無事又送一打Cupcake🍰。有對印度Couple🤰由大肚，生BB，生左，第二胎成家人每個星期日都會黎打卡。仲有D每日都會收工黎飲野HappyHour既姐姐哥哥啦🍻。基本上日日開工都梗有一兩個熟客係左近。加上，以前間餐廳真係好有Standard，Training Train得好足，個個同事都係Fit馬黎🐎，番工真係好有上進心🙋♂️。仲好記得經理成日提9我地唔好好心幫人自己冧檔😕☝️事關D同事真係好勤力好鐘意幫9人。係一間咁既餐廳工作，真心學到好多野。我D英文呀，Reception呀，應對技巧都可以話大部份都係果度學番黎。不過粗口就一早小學拔尖既。👩🎓
但係有一日，經理係Briefing果陣突然之間好沉重咁話間餐廳要Close😥。果一刻，on floor既我地個個都十級無奈同灰J💔。原因好似係傾唔掂續租⋯⋯
到左LastDay果日，好感動地黎左好多好多熟客，無俾更既同事都番左黎食飯，仲熱鬧過聖誕Party🎉。基本上已經係最後一晚Mode，除左基本打單出Food之外，9成都係同客／同事吹水+自拍💦📷。到到最後Last order廚房班大佬都出埋黎玩。
可以玩得既地方我地都拎黎玩，D黑板本身係畫左D Promotion，都擦9哂寫on9野畫大波妹🍈🍈。D油畫呀～9咁大支酒果D燈牌呀都拆9哂落黎瘋狂自拍🌅。連門口D set table(封L左既櫥窗)都衝9入去拎黎玩一餐。飲既飲，食既食，醉既醉⋯⋯
到到最後果一刻，真係夠皮啦要拉閘走人啦🔒⋯⋯好多同事都忍唔住流下了馬尿😢。好多平時唔算熟唔算FD底既既同事，都攬埋一舊。或者可能係醉9左🤣🤣。點都好啦，總之個場面就好L Sad啦。我唔記得有無流馬尿，不過個心就真係頂L住頂L住⋯⋯😣💓(其實而家諗番起都有少少唔舒服。)
事關當你知道⋯⋯你無可能再一大班同事一齊番工，收工，互屌，互串。大家要各散東西，再聚既時候又未必個個可以到😢。當你知道⋯⋯你無可能再見番一班由你初初唔識做侍應到你同佢FD底食乜7都知既超Nice熟客😔。或者其實你有諗過唔做⋯⋯點估到間餐廳話唔做快過你姐😣。又或者你亦有諗過第時就算唔係度做，其他工唔開心都想番番去果度Hea下搵下D舊同事搞下Gag，當係一個避風塘或者Free Bar😂。又或者再諗遠D，第時仔女D百日Party呀個仔生孫呀搞聚會呀都想番番去果度，話哂都曾經係自己地頭😢。可惜，一切一切都隨住拉閘果一刻，話俾你知，你永遠都無機會lu。
每每睇番D舊相🎞️，我都開始唔太記得D台號😔～但會仲記得果張曾經爭崩頭落場訓到流口水既卡位🛋️，果個有老鼠味但又異常Relax既Locker房🐁，曾經傳過有鬼逼到仆街既擺酒房👻，仲有果張D鉛筆要保持24小時鋒利既知客台✏️，果間殺氣逼人閒人免進既經理房🚪，成日拎蛋糕無啦啦俾人鎖L左係入面既大雪櫃❄️❄️，仲有仲有以前唔識珍惜其實都好好食大廚哥哥同印尼姐姐煮既福食🍲！etc⋯⋯
係Lee個貪新鮮乜都要快要睇頭既世界，經營一間餐廳真係好困難😔。如果你仲有一個避風塘或者Free Bar，真係公喜哂你👏👏👏 一定要襯仲有機會好好地珍惜呀！～事關你唔會唔知道個業主幾時屎忽痕唔再租俾你老板，又或者其他屎嗨原因⋯⋯令你個避風塘秒速消失🌬。
Any肥，其實LastDay都有個好處－我就經歷左人生一個最豪華最瘋狂最無與倫比既BBQ🦐🦀🦑。#舊同事你懂的😃
#其實我去開老銅都會忍唔住望下個遺址
#而家好似變左酒樓lu
___________________________________
😭on9後話：
#篇文其實打左兩次用左兩日
#當我知我唔小心Delete左篇文
#喊L左出黎
#屌
fit就係咁free 在 [通少製作]港式臘味蘿蔔糕製作及食譜- 超易掌握版 - Pinterest 的八卦
... 話係新手救星版, 步驟簡單, 做法精準, 每次蘿蔔糕做出來, 無論味道, 質感, 都係一模一樣, 唔會有因蘿蔔多水變軟等等複雜問題困擾, 大家想整一個好蘿蔔糕過年, 咁就 ... ... <看更多>