【震憾60憶人的烹飪組合，不看後悔，王維基看後驚呆了】
安德尊親自追擊: 大王與李錦聯不和之謎？？？
https://www.youtube.com/watch?v=rPxkkS8TnAE
【大王安德尊同李錦聯係咪好大仇口？】
去片啦，佢兩個面和心不和？
李錦聯和安德尊過去在《都巿閒情》中合作，也曾試過有動作及言語上不禮貌互相對待，李錦聯曾直斥安德尊不是，又説：「很失望最近未能與安德尊合作，他與我一起煮食，不時舞動的無敵鴛鴦鏟及批等，現在可無用武之地，因為他被無線雪藏了。」他指，安德尊為人自我，不理觀眾感受，以致無線接獲不少投訴，公司高層也多次召見他們洽談問題，最終安德尊曾被停職。
李錦聯説：「希望他糾正做人的態度，我或會考慮再與他合作。但他做事往往有多少霸道，喜歡自我表演，阻礙觀眾靜心收看節目。」
大王同好多藝人包括喬寶寶、阿Bob等都不和，更傳佢同李錦聯一齊溝過黃X詩、劉X玉，仲搞到人哋黃X詩怕咗佢兩個離開TVB
參考資料：http://stacy4life.pixnet.net/blog/post/41834768-%E6%9D%8E%E9%8C%A6%E8%81%AF-%E9%81%AD-%E7%9B%A3%E8%A3%BD-%E7%85%A7%E8%82%BA-%E6%9D%8E%E9%8C%A6%E8%81%AF-%E5%AE%89%E5%BE%B7%E5%B0%8A-%E8%82%A2%E9%AB%94-%E7%A2%B0
娛一叮 遭監製照肺 李錦聯安德尊肢體碰撞
現年 51歲的「無綫廚神」李錦聯，上周涉與 44歲酒廊歌手女友邵敏婷（ Rachel）毆鬥，事後警方以傷人罪拘捕二人。李錦聯隨即宣布與女友掟煲，點知三日後二人卻公開現身又錫又攬晒恩愛。暴力男女原來好好戲。
外表斯文的李錦聯，今次竟然被揭打女友，令外界譁然。不過原來李錦聯躁底有前科，主持婦女節目《都市閒情》時，與拍檔安德尊在鏡頭前後因多次互罵甚至動粗而遭高層照肺。
有份主持《都》節目的宋芝齡說：「佢哋未埋位成日你窒我我窒你，大王（安德尊暱稱）仲話阿 Ben（李錦聯）係死人化妝。」另一主持黃宇詩亦說：「我有聽過佢哋俾人照肺！」
有「無綫廚神」之稱的李錦聯， 93年加入無綫做婦女節目，人氣漸升成當時的師奶殺手。不過事業漸入佳境的他， 96年竟接拍三級片，與彭丹拍牀戲而遭無綫炒魷。直至近年李才獲無綫解凍，再次在《都市閒情》教師奶煮餸。
經此一役，李錦聯理應收晒火，但對住出名口臭的拍檔安德尊，李錦聯依然躁底。
被圍插「口臭」的安德尊，死撐與李錦聯冇不和，仲話同對方好老友，但問他知唔知對方電話，卻又口窒窒噏唔出
被窒割雙眼皮
李錦聯和安德尊交惡始於 09年中，當時二人被安排在節目中介紹煮食環節，李錦聯因姿整、扮大牌阻收工，因而辣?安德尊。一幕後工作人員表示：「阿 Ben平時會袋定塊鏡喺個袋度，導演一 cut機，佢就會拎出嚟照。試過有幾次話啲頭髮飛起咗， roll緊機都嗌『等一等』，然後衝入化妝間，叫佢個御用化妝師幫佢搞搞，足足半粒鐘先出嚟。老實講，唔止大王，好多人都睇唔過眼，話佢幾十歲人喺度扮巨星阻人收工。」
而一向把口唔收的安德尊，除背後叫對方做「乸型」外，半年前，李錦聯秘密割雙眼皮，安德尊更在人前大大聲問他：「你唔係吖嘛！一把年紀學人割雙眼皮，你想扮林峯呀？」此事傳遍整個電視城，原本唔想俾人知割雙眼皮的李錦聯，焗住要周圍向人解釋雙眼皮是自己水腫導致。
收機即開火
除了埋位前互窒，二人甚至在鏡頭前亦擺明唔妥。其中一次，二人錄影完後，李錦聯即發炮狂鬧安德尊，其間更發生推撞。當日有份在場的工作人員透露：「嗰日一熄機，阿 Ben即刻衝上前好大聲兇大王『你係咪想玩嘢，我依家就同你玩』，然後捉住大王隻手，大王係咁 fing開佢隻手。不過阿 Ben捉得好實，雙眼好似噴火咁，最後要我哋幾個人夾手夾腳先扯開佢哋。」
高層照肺
二人推撞事件驚動監製，由於事態嚴重，翌日更遭高層曾勵珍照肺。「珍姐同佢哋講係咪唔想撈，兩個加埋成百歲，仲咁好火。」珍姐更即時將安德尊抽離該環節，改由另一主持劉彩玉拍李錦聯。周三（ 12日），本刊致電劉彩玉，她直認自己取代安德尊。「半年前公司叫我代大王拍阿 Ben做煮嘢食環節，不過公司就冇同我講係咩原因。」
火藥炒餸
李錦聯和安德尊積怨已久，早前二人更在鏡頭前公然開火。當日李安排煮豆醬煎蝦，安德尊則從旁協助。其間安德尊多次質疑對方「乜蝦殼有味咩？你識唔識煮？」外，取生油時，更有意無意向對方心口批踭。鏡頭前李錦聯亦黑面兼粗聲粗氣叫他「借過啲！」二人愈鬧愈有火，被網友狂轟不知所謂！
自認溝死女
早年曾經離過婚的李錦聯，經常自認風流，更說有大把女人追，在訪問中亦自信十足說：「女人，遲早死在我手上！」其實年屆 51歲的他，早年在理工學院任教。其後被無綫睇起在婦女節目做煮食環節。直至 96年，李錦聯忽然興起學人拍三級片，結果激嬲無綫被掟入雪櫃，直至近年才被放生，近日他涉打女人候查，前途再一次凍過水。
安德尊：你哋唔好扯我落佢度
周二（ 11日），安德尊出席活動時，最初被記者問到李錦聯涉打女友，有否安慰他時，安德尊一派事不關己說：「呢啲嘢你都係自己問番佢啦，我答你唔到喎！」（我哋收到你同佢嗌交兼動粗，俾高層照肺喎？）他即緊張地說：「你哋唔好扯我落佢嗰度……我哋係好朋友嚟 o架，你哋唔好亂寫呀！（你哋喺鏡頭前開火？）冇冇冇，我哋講笑啫！（網友都係咁講？）「你哋唔好將嗰件事化大嚟講啦！」
雖然安德尊死撐和李錦聯是好友，但記者致電《都》另一主持宋芝齡，她承認二人經常互數對方，「大王窒得阿 Ben好盡，成日當面話佢化個死人妝。阿 Ben又窒番佢戴穿窿眼鏡，核核突突。（佢哋做節目鬧交嗰日，你喺咪現場？）我唔係好清楚喎，你最好問番當事人啦！」
而另一主持黃宇詩則承認曾聽過二人遭高層照肺。「我聽同事講佢哋試過俾人照肺。（係咪因為二人有衝突？）咁我就唔知。（佢哋關係點？）唔……其實大王把口真係好臭，我頂唔順都會窒番佢。（佢哋係咪成日鬧交？）我諗……應該係玩啫！」
記者亦有致電李錦聯，但當電話接通後，一把和李錦聯有九成似的聲音問「搵邊位？」當記者表明來意，對方即說「打錯電話！」然後匆忙收線。同時，記者向《都》監製趙麗平查詢李錦聯和安德尊動粗一事時，她透過公關表示自己太忙，冇時間回覆記者。
打女友冇運行
男人打女人係令人齒冷的事，唔少男藝人打女友事件曝光後，雖然同女友可能牀頭打交牀尾和，但卻因此而前途盡毀，難以翻身。
崔建邦打中巴
09年 12月， o靚模鄺敏慧（中巴）報警，指遭男友崔建邦毆打，崔建邦即時被無綫雪藏。崔建邦停工了數月，收入大減，要由畢架山豪宅搬住清水灣村屋。
