係呀，我又深夜寫文啦（頭先想換幅圖，依家唔可以就咁換，要重出個post，頭先like 過嘅like 返啦）
BossMind x 千頌C 專欄
由TVB 2億入主士多 看創辦人的下場｜千頌C
TVB買士多喎，同聲同氣來講，肯定有協同效應嘅，不過又係有幾點可以留意吓：
1：今次單刁係2億買75%股份，咁即係話成間士多valuation 大約2.67億。
2：咪住先，睇返士多盤數，原來佢2020年同2021年兩個財政年度，分別蝕8500萬同5900萬！兩年加埋，勁蝕1.44億。
3：睇返紀錄，佢去到2018年10月，一共raise咗1.56億。咁即係話，佢兩年輸晒佢raise返嚟嘅錢！Wow！勁呀！
4：好啦，咁又睇吓當年邊個領投，分別係微光創投（Welight Capital）領投、桂洪集團。桂洪集團即係邊個嘅呢？係士多創辦人之一凌俊傑，即係話呢位凌生輸晒自己嘅投資。
5：呢位凌俊傑係對士多嘅命途非常關鍵，因為佢當年發表支持修例言論，令世人都知道士多嘅理念。
6：睇返今次單刁，至今年3月底，士多GMV，即係成交額係4億，即係佢Price to GMV ratio 只係0.66倍！以hktv mall做benchmark，佢price to GMV ratio 係1.5倍左右。
7：咁TVB今次單刁，最絕個位係，話就話交易代價用2億，但只係有7000萬係俾cash，另外仲有1.3億點嚟？通告話「透過提供包括藝人、電視商業廣告及無綫電視免費廣播及數碼平台之其他廣告產品資源配套支付。」
8：即係話呢1.3億佢就唔俾啦，到時我派啲藝人去幫你賣廣告，填咗條數佢！
9：士多至3月底止，負債6600萬，今次TVB 俾7000萬cash ，找完仲有400萬剩！變相係，TVB只係幫士多還債，就拎咗士多75%股份走。
10：通告終仲提到，TVB仲可以選擇注資多1.5億，同樣地屎忽，佢只係會俾5200萬cash，餘下1億又係揾藝人填數。可以預計，一旦注資，剩返25%都冇乜得剩。5200萬加7000萬，total 1.2億，就買走士多93萬用戶，除返開，每個用戶成本120蚊。
11：嚟到最後一點，原股東到底有冇錢拎走？由於今次係發新股，所以呢7000萬係冇佢份，仲要！今次通告講明，創辦人s如果要賣股，5年內係要董事局批准。
董事局成員，五個入面有三個係TVB，有兩個係士多創辦人，但不包括之前講過嘅凌生。即係話3位創辦人，特別係凌生，其實得個桔！
分析完畢，走先啦，係咁先啦下次再玩啦。
千頌C
走先啦 在 [Bacardi 特約] MC $oHo & KidNey -係咁先啦ft. Kayan9896 的八卦
Kayan9896 唱：MC $oHo & KidNey曲：鄧東成 EAST CITY, MC $oHo 詞：MC $oHo編：鄧東成EAST CITY 監：李一丁 走先 喇係咁先喇 下 次 再 玩 吖 ... ... <看更多>