一對年約60夫婦，太太行動不便的，每次出入都由佢丈夫推輪椅...
「早晨呀～你等我一陣，我拎個斜台出嚟先」，佢哋每次嚟診所，我哋都要裝上斜台方便佢哋出入的。
太太：「唔該晒你呀姑娘」
我：「今日都係你睇呀？見邊度唔舒服呀？」
太太：「今日唔係我啦，係我老公啦」
先生坐埋一邊抹汗：「係呀我睇呀」
我：「好呀，我同你登記先，你坐喺度等等啊」
見完醫生之後，因為先生血壓太高，醫生認為有需要去急症室。
我：「先生呀，醫生寫咗封信俾你，你一陣交埋俾急症室就可以㗎啦」
太太問先生：「我要唔要陪你去呀？」
先生：「其實我都冇咩嘢，係有啲暈咋嘛，真係要去呀？」
太太：「去啦，醫生叫得你去，梗係你好嚴重啦」
先生：「咁我送咗你返屋企先啦」
太太：「駛鬼你送咩，我自己識返去㗎啦，你去急症室啦！」
先生：「唔得～你一個人我邊放心呀？」
我：「不如我送太太返上去呀？樓上咋嘛？我蛇一蛇出去可以喎」
太太點點頭，先生：「咁好啦，記得返上去喎，唔好俾佢自己一個周圍走呀」
我：「知道知道～」
先生離開診所後，我就推太太上樓。
太太：「姑娘，我老公好煩呀可？我冇自由㗎啦，咁就一世㗎啦」
我：「佢都係擔心你啫」
太太：「我都聞到棺材香啦，仲細路仔咩～」
我：「女人有個永遠當自己係細路嘅男人錫好幸福㗎，咩都唔駛你煩，你話幾好啦，你淨係負責食到自己肥肥白白就得」
太太笑笑。
喺呢次之後，日子如常的過...
到幾個月後，有人敲敲診所玻璃門。
我行出去望吓，係太太。
我：「得你一個嘅？你等我一陣，我去拎斜台啊」
太太入到診所：「佢走咗啦，突然就咁走咗啦」
我：「好對唔住...」
太太：「一個心臟病就走得咁快咁突然，快到我都接受唔到，以後得我一個點算...佢仲應承過我唔會掉低我一個...」
太太喊咗出嚟...我都覺得好難過...
血壓太高 在 血壓偏高怎麼辦？把握黃金6原則免吃藥也能降血壓 的相關結果
但大多數民眾對高血壓前期的警覺性較低，或是看到趨近於高血壓的數據，仍維持原有的生活習慣，並未進行調整，以致於錯過改變血壓的契機點，往往等到出現 ... ... <看更多>