各位朋友：
法治不彰，我區諾軒肉隨砧板上，就係例子：選舉呈請勝訴，原來要拎走勝訴人議席，建制派就仲坐係立法會；甚至今日告我襲警，公眾都難以置信可以入罪，我都唔相信。法律界人士可以試下解比公眾聽，我唔識解──當法律同社會常理脫節，大家要想想：「究竟我地要點做，香港人先可以有真正的法治？」
惡法當前，無人能夠獨善其身，我知道好多香港市民，呢一刻都好唔開心。係呢段時間，立法會同樣開緊內委會，郭榮鏗議員被取消資格，已經昭昭明甚，立法會隨時步入歷史；基本法22條可以一日之間可以唔再有用，仲點相信有法可依？ 對我黎講，今日判決只係第一單，仲有第二單、第三單，或者又唔知邊日，又上門拘捕我，不斷被捕，欲加之罪，何患無詞的生活，使我每日生活於惶恐之中，作為個人，已經超過我可以承受的限度。
但作為曾經代表市民既前議員，仍然會同香港市民並肩同行，堅持到完場。因為我相信，當法律唔再能夠維護人既尊嚴，當謊言充斥的年代，唯有信實、良知，做番個人，先係保存名節，否定不公的最好方法。
而家既情況係：「九州生氣恃風雷，萬馬齊喑究可哀，我勸天公重抖擻，不拘一格降人才」。龔自珍寫呢首詩，係清朝思想被禁錮、人人不敢發聲的年代，但願大家重新振作，由自己做起，為社會講番人話，先改變到敗壞嘅香港，多謝大家。
（區諾軒大聲公襲高振邦及推撞警員盾牌罪成，被判 140 小時社會服務令）
砧板消委會 在 3月抗菌砧板刀具組開箱！ - YouTube 的八卦
3月抗菌 砧板 刀具組開箱！ 2 views · 11 hours ago ... 消委會 接獲48宗涉快測套裝投訴，推網上搜尋器供查詢獲認可名單。22年3月9日. ... <看更多>