爐端金好唔好食的八卦，YOUTUBE和Yahoo名人娛樂都在討論

呢舊巨型卡路里混合物，我認為係甜品界最bad taste 的癲瘋之作，堪稱黑暗料理之首。

雪糕、窩夫、慕絲、忌廉，樣樣都係獨當一面的甜品，擺埋一齊當係攞你命三千？！喂大佬，將所有蠢人擺埋喺同一個機構叫政府，但唔係將所有甜野擺埋一齊就叫甜品呀嘛？

你咁鍾意一大堆甜品擺落一個大容器度食，我建議你不如去拎隻湯匙衝去滿記個垃圾桶度掘啦，點止15種口味的雪糕？仲有成個餐牌咁多隻味的糖水，好彩嘅話連湯丸都淘到兩粒添呀。

甜品真係要講味道同精緻，呢壇嘢你話俾我知個味道層次係啲咩？15種味道的雪糕癡埋晒一齊，你諗下最底那幾球雪糕會溝到變成咩味？掘完曬堆雪糕之後，你諗下啲窩夫索晒咁多隻味的雪糕，一定淋過謝霆鋒底雞蛋仔，大佬，俾錢食濕毛巾係咩玩法？最底那堆慕絲，去到最尾一定死狀恐怖，肯定冇人會食，結局九成都係倒落垃圾桶做下一個甜品桶。成件事折墮到一個點，食得晒先好嗌呀！扔咁多甜品落垃圾桶，小心下世做蔗日日俾人劈。

最後，好，我知，同Bad taste的人講味道係對牛彈琴。咁我地膚淺地講賣相啦，你望下杯野幾粗製濫造？圍邊嗰廿條手指餅，嘩，真係好手指呀？點解？因為十隻手指有長短，你望下佢高高低低，差啲一圈都圍唔返呀撞鬼！仲有呀，你望下頂那兩紮百力枝，你話俾我知同新年呀夏蕙姨去插嗰紮頭香有咩分別？好食唔食食香爐～Halloween 到啦咩？

酒店出品？你大我呀？個甜品擺明無論難度同賣相，都係以前譚玉瑛姐姐430穿梭機教小朋友整「夏日消暑杯」的級數，你咩大酒店咁把炮推呢隻香爐出黎呃鬼食豆腐？

真心，各位姊妹，Bad taste呀，食左都唔好影相擺上網，成件事又唔靚又折墮又難食，何必呢？

#遠離新假期是智慧的開端
#食得晒先好嗌
#最憎人浪費食物
#同大陸啲垃圾健力士揚州炒飯影完相扔落垃圾桶一L樣
#人地起碼有張證書
#你有啲咩
#食少兩杯夠儲首期啦廢青
#今次新假期好左起碼冇用大框
#用自己片咪幾好囉
#百_成鋼
#_到你變超合金

#痴撚線 #不要玩食物

呢杯野係俾你地食咩, 梗係俾十幾部相機慢慢食啦,
影完溶哂都似, 除非你身處緊ice bar
見到咁多款味溝埋一齊變成咁既野, 十足十痴痴呆呆坐埋一枱

呢舊巨型卡路里混合物，我認為係甜品界最bad taste 的癲瘋之作，堪稱黑暗料理之首。

雪糕、窩夫、慕絲、忌廉，樣樣都係獨當一面的甜品，擺埋一齊當係攞你命三千？！喂大佬，將所有蠢人擺埋喺同一個機構叫政府，但唔係將所有甜野擺埋一齊就叫甜品呀嘛？

你咁鍾意一大堆甜品擺落一個大容器度食，我建議你不如去拎隻湯匙衝去滿記個垃圾桶度掘啦，點止15種口味的雪糕？仲有成個餐牌咁多隻味的糖水，好彩嘅話連湯丸都淘到兩粒添呀。

甜品真係要講味道同精緻，呢壇嘢你話俾我知個味道層次係啲咩？15種味道的雪糕癡埋晒一齊，你諗下最底那幾球雪糕會溝到變成咩味？掘完曬堆雪糕之後，你諗下啲窩夫索晒咁多隻味的雪糕，一定淋過謝霆鋒底雞蛋仔，大佬，俾錢食濕毛巾係咩玩法？最底那堆慕絲，去到最尾一定死狀恐怖，肯定冇人會食，結局九成都係倒落垃圾桶做下一個甜品桶。成件事折墮到一個點，食得晒先好嗌呀！扔咁多甜品落垃圾桶，小心下世做蔗日日俾人劈。

最後，好，我知，同Bad taste的人講味道係對牛彈琴。咁我地膚淺地講賣相啦，你望下杯野幾粗製濫造？圍邊嗰廿條手指餅，嘩，真係好手指呀？點解？因為十隻手指有長短，你望下佢高高低低，差啲一圈都圍唔返呀撞鬼！仲有呀，你望下頂那兩紮百力枝，你話俾我知同新年呀夏蕙姨去插嗰紮頭香有咩分別？好食唔食食香爐～Halloween 到啦咩？

酒店出品？你大我呀？個甜品擺明無論難度同賣相，都係以前譚玉瑛姐姐430穿梭機教小朋友整「夏日消暑杯」的級數，你咩大酒店咁把炮推呢隻香爐出黎呃鬼食豆腐？

真心，各位姊妹，Bad taste呀，食左都唔好影相擺上網，成件事又唔靚又折墮又難食，何必呢？

#遠離新假期是智慧的開端
#食得晒先好嗌
#最憎人浪費食物
#同大陸啲垃圾健力士揚州炒飯影完相扔落垃圾桶一L樣
#人地起碼有張證書
#你有啲咩
#食少兩杯夠儲首期啦廢青
#今次新假期好左起碼冇用大框
#用自己片咪幾好囉
#百_成鋼
#_到你變超合金

終於到左北海道，人生第一次踏進雪之國👏🏼👏🏼👏🏼雖然尋晚到今朝都好頻撲，但異常地精神，有返一種想周圍拍野既動力😱（無錯，最近真係無咩衝動去拍片）

今次青梅竹馬就預約左佢之前係北海道留學個時打工的民宿到入住。佢講野大袈裟（おおけさ＝誇張）就梗架啦😂講到佢個前老細整既野有幾好食，有幾精緻等等......我都真係50/50, Check In 唔覺意望到員工們一邊切一邊煮〜忙到癲，完全唔得閒理我地🙄只好去房收拾下行裝出去玩下雪兜，掟雪球～☃️

民宿參考 http://www.niseko-milky.com

到回程入房周圍碌個時，嘩嘩嘩！聞到陣陣焗野既味道，湧入係樓上既小弟個鼻入面。餓左成朝咪立即衝落去睇下有野食未（一泊包早晚餐都只係9000円左右👍🏼）我地兩個好似小朋友咁坐定定等老媽子端餸出黎咁等食！！好精緻呀～好精緻呀～好精緻呀～因為好重要，所以要講三次！

心水清既朋友知道丫仁極度偏食，青椒／內臟／三色豆／根類植物一概唔會食，咁肚餓又見碟餸靚靚仔仔放到我面前，唔食晒你地落肚真係對唔住個廚師😋😋😋特別係焗三文魚蘇！薯蓉同魚肉既37比例，唔會覺係大廚偷工減料，因為啖啖咬到魚肉。蘇皮又焗得金跪，你嫌唔夠脆？老闆娘再係焗爐換個個俾你。而每攞一道菜出來，員工都會同住客／食客傾下偈了解下反應～唔識日文都可以用下有限度英文交流😅😅最緊要整體氣氛非常和諧，你唔怕醜仲可以同隔離柗吹水添！據朋友話冬天比較多一家大細既澳洲家庭黎滑雪，可能係澳洲咁啱係夏天吧！！！

食完飯，佢地都會問下你去唔去附近浸温泉，老闆會車我地去目的地自費浸。今次去到一個有混浴的地方！嘩～～「混浴」？？？丫仁你就正啦～男女露天風呂😒😒😒女士們浸呢知混浴要包毛巾，男人即坦蕩蕩。首先青梅竹馬係我心目中只不過係一個會對住我撩鼻屎既中年男人既感覺😎而成個場只係得一個35歲左右操普通話的女士😭😭😭根本無野睇，反而佢地就著數啦～有澳美大隻男，日本小鮮肉同嫰而不老既小弟～（自己打完都忍唔住大笑）

返到民宿，即慶係門外來一個迷你到不行花火大會！大家唔會知既辛酸既係天氣太凍，打火機完全FUNCTION唔到，我地要係屋內點著仙女棒（滴滴金）一枝駁一枝先影到呢D相～都咪話唔叻叻！！！瞓醒向滑雪場出發

PS：有無WEB人可以幫幫手執一執個HOMEPAGE？我問下可唔可以「R」到優惠😂😂😂另外丫仁私底下贊助一次混浴體驗啦😅

#大丈夫 #工作遊記 #澳洲家庭 #焗三文魚蘇 #雪之國 #二世古 #niseko #北海道留學 #極度偏食 #花火大會 #仙女棒 #滴滴金 #混浴體驗 #青梅竹馬

寶藏埋深山，高手隱於市。

在火井——西環屈地街的冷巷中，一個五呎不到的身影，日夕晨昏在老店翁記摩娑，煉出一匙葱油、辣椒醬勾魂奪魄，自製牛丸、秘醬牛腩、細細處理過的大腸粉腸……招喚着半世紀散落到港九新界的西環舊街坊，各有定時回來膜拜。這靈巧身影就是年將古稀的事頭婆，一對手一顆心早經鹹苦千錘百煉，何事用情，何時拋卻，今天自己揀，就算吃苦，也笑。


邂逅翁記，在六月炎夏，摸到火井的小麵廠買麵，轉身才發現正對面五級樓梯上的它：店面闊落高樓底，但跟街外無阻無隔，裏面零冷氣，吊扇掛牆扇在呼呼賣力，幾枱客人正埋首吃湯麵；怎麼都不怕熱？未及回神，一個輕微駝背的婆婆「嗖」聲放低碗筷，殷勤笑迎：「上來坐，想吃甚麼呢？」


一碗牛丸麵端上來，焦黃點點的葱油先香奪魂；再啖細細粒牛丸，爽口肉味濃；那白白的湯底像久違的阿嫲手勢，不禁細問因由。婆婆自豪地說：「我用豬筒骨煲五六句鐘，好似牛奶一樣白，還有牛腩牛丸豬粉腸的甜味在裏邊。」筒骨煲湯很油呢？「用豬筒骨才香，但工夫多，我自己撇油囉！」

翁記在火井半世紀，婆婆翁太是這家潮州麵店的主人。食物十指數完：牛丸牛腩、大腸粉腸都是自家製作處理，豬皮蘿蔔豬紅再加工，魚蛋魚餃墨丸指定某家來貨。從前有過自家製豬肉丸、自家鹼水洗白的牛柏葉、自家撞的豬紅，甚至炒螺炒蜆。「年紀大，做不到多少了。」翁太68歲了，笑言黑髮是染的，長者卡也領了幾年，現在只選幾樣親手做，「好東西不用多，幾樣已經夠，但幾樣都要專注做，真是要畀心機做。」

重重嚴把關
翁太做牛丸必用新鮮牛肉，指定水?和胸板肉，每朝跟時間競賽：「牛肉有一道氣的，新鮮得來還要那道氣不死，做起來的牛丸才不同。」供應商送貨過來她也嫌太遲，凌晨兒子幫她取牛肉。「我們幾十年見貨付現金，牛肉唔靚唔要；加價無意見，最緊要貨靚。」清晨五點鐘她起床梳洗後，即刻動手，「兒子不做這行，有自己的工作。牛肉來到，我甚麼都要放低先做牛丸，等到牛丸出了才心定一些。」
做牛丸，曾經用木棍手打，「七個字（35分鐘）才打三斤半，真係搵唔到食。」30年前已改用機器做，調味、校水溫仍在人做：「如果水太熱牛丸很快淖熟，就不夠爽。」有客查問有沒黑椒牛丸，她不屑做，「因為我的新鮮牛肉毋須用到黑椒，不需要添加任何香料味，用最簡單的醃料食出最新鮮的牛肉味。」


她的牛腩也用新鮮貨，清油去膏最執着，理好的牛腩只剩五六成。醬汁自己炒，味道只此一家；花椒八角她不用，除了南乳，靈魂在「特別靚的印度香料」。炆出一鍋郁香，連筋帶肉的滑中腩、軟腍的牛筋、鬆軟的牛面珠，還有罕見的牛膝軟骨和牛心蒂（牛爽）混合隨上，吃着甚麼看彩數。

小不點 大宇宙
銷魂的葱油，倒是永不落空。粉麵添一匙葱油，滾湯一沖下去，香氣四溢。翁太一星期炸葱一次，只挑香甜京葱，六斤削幼細切，得花上一個半小時；因為京葱滑刀又催淚，女工也不肯做，只有翁太習以為常。然後，炸兩個小時至脆卜卜，其間要不停攪動防黐底。「曾經有一次我做事忘了，整煲黑了，好慘呀！錢是一件事，我花了很多精神下去。」像一個小孩手中的雪糕掉了在地上，翁太說來仍然頓足。

「如果無葱油，我好似沒了一隻手。」她賣潮州風味粉麵，最不忿被人喚作車仔麵。「車仔麵的豬皮蘿蔔是我加插的，但車仔麵哪有靚湯！我們有冬菜呀葱油呀，本來也落芹菜，但現在芹菜好難買，買回來第二日就黃了，不知上面（大陸）做了甚麼手腳，乾脆不用。」伴麵或配豬紅的辣椒醬，也是她獨門秘製，微辣香濃，卻是非賣品，粉絲來到店中可以大匙大匙的享用。

翁太站着只是人家坐着的高度，但幹練直如三頭六臂。「好多事，我都自己做，因為我要求太高。」菜，她親自去買去挑；白菜仔、通菜等也得親力洗：「有時菜好多沙，先浸半句鐘，浸完後又要慢慢捽。自己洗，乾淨些。」就連廁所，亦是收工後自己㨘，「做飲食要乾淨，難請人就自己慢慢做囉！」

熱火朝天　影一雙
高人修煉，總在凡夫攀不上的山巔；翁太做牛丸、炒醬炆牛腩也另闢秘密廚房，謝絕參觀。原來半世紀前，翁記炮製食物也不在賣食的地方。60年代火井是私家地，非常熱鬧，「朝早街市，晏晝食肆，有打冷賣潮州餸有糖水好多嘢賣。」翁太潘惠玲記得是1968年，一個後生仔用擔挑擔住兩個炭爐來火井賣潮州麵，「爐上各有一個煲，一個煲湯一個淥麵，連湯連麵一共130斤，那時他瘦瘦的但好好力。」他，是翁欽藩，單身寡仔，在附近租了個小廚房，煮好就擔來賣。「他一個人，下面煮，上面瞓，好坎坷！」70年代初，二十出頭的順德妹嫁給這個潮州小子，「緣份啩！好難講，他光棍一條，不就跟他捱囉！」翁太直呼「我怕醜，你唔好問」一臉少女的忸怩。

婚後，小兩口子無再擔炭爐，改租現鋪的廚房，固定在現鋪對出擺街檔。70年代中買了現鋪，但只留用廚房，把鋪租給人幫補供鋪，翁記仍是個街檔。「那時簡簡單單賣牛丸魚餃魚蛋粉麵，賣賣賣，摺枱一直擺到街尾。附近太平戲院一散場，好墟冚！晚上11點仍要去麵廠補貨。」及至80年代初，政府收回私家街禁止擺賣，他們才入鋪經營。「初初搬上鋪沒甚麼生意，好鬼慘！我在街賣着好地地，上幾級樓梯，人家以為不是（我），但也無辦法，唯有像『企街』一樣站在門口，因為人家是認人的。」

那時供鋪供樓供子女好辛苦，兩口子一個廚房，一個樓面。有時忙起來，一日做十八九句鐘，鋪張紙皮在地上就倒頭大睡。「我和老公在廚房出入好容易衝撞，有時做得忟憎我就話：我前世欠了你，第二世見到你都運路行——講笑啫！」回憶，爭執也是甜。只是，老公的身影近十年在翁記消失了。有時熟客問起，翁太只道：「不開心的不說它了。」原來老公身體有事早已退休，「他沒要我守住這間鋪，還叫我不要做。但我不鍾意打麻雀，對住四堵牆有甚麼好？」

開心至上
子女都勸她不要做，但翁太覺得「自己愈做愈精神，我又不妨做吓，見吓街坊，有些搬了很遠都回來食，這點令我好有滿足感。」九月爭秋奪暑之際，翁記已經有了冷氣。從前舊樓電力一般，裝冷氣要改電要申請改圖則，「我一直不想拔條頭髮動全身，所以一年過一年。近來天氣特別熱，所以休息了幾日換過所有電線。」翁太不時勸客人坐入一點涼冷氣，怎知他們都說慣了，不介意吃得身水身汗，甚至以此為風味。

「不理它有沒冷氣，好食就過來食。」40多年熟客蕭先生說。他指指價錢牌，「仍然是20蚊一碗，去哪都吃不到。」翁太最近加價一元，笑謂是幾十年「最大膽」的一次，但相比上環、佐敦價，依舊便宜近倍。「求其賺少少，夠付人工就算數，鋪是自己物業，做了這麼多年當益街坊啦！主要是我做得開心。」翁太說。

蕭先生跟她提起擺街檔年代來買麵，一元二角。在結帳的熟客即搭訕：「我記得細細個攞一個兜來幫我老竇買麵，一蚊咋！」兩男搬走十多廿年仍不時回來，你一言我一語鬥資歷鬥長情。翁太掩臉大笑：「最開心聽到這些：我幾耐呀你又幾耐呀。星期六日最多搬走了的街坊回來食，說『我來探你啦！』好開心。」

當年營役為生計，今天忙碌是興趣，翁太又煮又洗無時停，坦言肉體是辛苦的，不過感恩仍有精神魄力做得到，「我見步行步，做到幾時就幾時，做不到就光榮結業退休，搞掂！」

撰文：韓潔瑤
攝影：周義安


===================================
立即Subscribe我哋YouTube頻道：http://bit.ly/2Mc1aZA (飲食男女)

新店食評，名家食譜，一App睇晒！
立即免費下載飲食男女App： http://onelink.to/etwapp

《飲食男女》Facebook：http://www.facebook.com/eatandtravel

飲食男女網站：http://etw.hk

Follow我哋Instagram，睇更多靚片靚相：http://bit.ly/2J4wWlC (@eat_travel_weekly)

其實芋蝦、茶泡是甚麼來的呢？端叔叫記者到工場問一下。走進位於黃竹坑的「陳意齋」工場時，已經看到很多人正在忙於把芋頭刨成絲。在這裏刨芋絲的大師姐雪姐表示，現在每天一個人大概可以刨到60斤，刨好後便可以拿去油鑊炸成芋蝦。在工場的另一邊廂，則看到製作部的大師傅陳泰軒（泰哥）正在切芋片、番薯片。最特別的是他會把芋頭片切成菱形，他解釋：「因為菱形從前是代表皇族，有貴氣及和諧的意思，所以我們製作茶泡會有這樣的形狀。」而他指出，他們所製作的茶泡及芋蝦更可算是香港第一代，那是因為「陳意齋」的芋蝦、茶泡早於1950年已經開始售賣。
https://hk.appledaily.com/lifestyle/20200112/TN6WC3OVH4F5ZAFTBOHHAGSOOI/

第一次誤打誤撞到訪這條米粉通村落，是在去年12月中旬。陽光明媚和暖，下午時分每戶都疑似出了門的狀態，只有兩位皮膚黝黑的老婦在村口聊着零碎的天，和幾隻放養小貓在午後悠悠打交道。打算從村口那戶，開始打聽有關做米粉通人家的消息，我走進花園，立眼看到用水泥建成的石爐和啪啪燃燒的熊火，便知「門當戶對」了。這條米粉通村，大部份人也是四五十年前搬上岸的水上人。1962年，超強颱風溫黛橫掃香港，風暴令超過7萬人失去家園，當中包括一班水上人位於元洲仔的漁船，他們的家被摧毀；自此，他們從船上搬到岸上，不再靠海吃海，卻守護着水上人過年做米粉通的傳統文化。
https://hk.appledaily.com/lifestyle/20200113/ZGVEHDNDW2I4MTCEPE4J7O2G4Y/

這間在長洲已開業35年的「康蘭餅店」，平日主要是賣各式麵包、蛋撻椰撻及平安包，適逢時節也會製作一些應節食品，例如在農曆十二月十五日開始，他們便會開始製作油角售賣，賣到大約年廿八左右便會收爐，剛走進康蘭餅店的工場便看到老闆兼大師傅郭予泉（郭師傅）正在搓麵團，原來他正好在製作油角。
https://hk.appledaily.com/lifestyle/20200116/JKREOUZDWVR6TNTBW7TRJGPE4E/

影片:
【我是南丫島人】23歲仔獲cafe免費借位擺一人咖啡檔 $6,000租住350呎村屋：愛這裏互助關係 (果籽 Apple Daily) (https://youtu.be/XSugNPyaXFQ)
【香港蠔 足本版】流浮山白蠔收成要等三年半 天然生曬肥美金蠔日產僅50斤 即撈即食中環名人坊蜜餞金蠔 西貢六福酥炸生蠔 (果籽 Apple Daily) (https://youtu.be/Fw653R1aQ6s)
【這夜給惡人基一封信】大佬茅躉華日夜思念 回憶從8歲開始：兄弟有今生沒來世 (壹週刊 Next) (https://youtu.be/t06qjQbRIpY)
【太子餃子店】新移民唔怕蝕底自薦包餃子 粗重功夫一腳踢 老闆刮目相看邀開店：呢個女人唔係女人(飲食男女 Apple Daily) https://youtu.be/7CUTg7LXQ4M)
【娛樂人物】情願市民留家唔好出街聚餐 鄧一君兩麵舖執笠蝕200萬 (蘋果日報 Apple Daily) (https://youtu.be/e3agbTOdfoY)

果籽 ：http://as.appledaily.com
籽想旅行：http://travelseed.hk
健康蘋台： http://applehealth.com.hk
動物蘋台： http://applepetform.com

#年貨 #老店 #芋蝦 #大埔 #長洲
#果籽 #StayHome #WithMe #跟我一樣 #宅在家

一聲鳥鳴，劃破長空。

拍翅下，見三圍六村環抱出屏山一貌。蜿蜒着的屏山文物徑，古木蒼翠，偶爾幾幢青磚土瓦明清建築老房子，石牆上的斑駁，在無聲歲月中落地生根，盤踞在石縫磚隙中，一身老氣，對照出旁邊高聳的新型村屋，卻又顯得特別驕矜。

那是一千年以前的事兒。渺渺時空，茫茫人海，都從中原南下，先在江西再往廣東後遷居於此，得豐盛水土，自稱「客家」，勤儉刻苦，莫失莫忘，且保留了中原古韻。

天真地以為能攀星摘月的七層古塔「聚星樓」，某年風災後只剩下三層，靜默地立在原地。古雅風流倒映在地下出現的一口古井，那一汪清澈冰涼的水中育有搖頭擺尾色彩斑斕的錦鯉，只是架在井面的鐵柵欄狠狠地破壞了錦鯉圖的美感。曾有不少文人進士，寒窗苦讀浪漫軼事的覲廷書室，門前一對蒼勁有力的端莊黑字「德澤流芳、祟山毓秀」，仍舊雋刻在硃砂紅木上，以書香墨魂冷眼河山變改、戰火無情和世事更易，正是千古江山，英雄無覓。


尋常巷陌中，那株開得姹紫嫣紅的簕杜鵑，一樹紫紅放肆任性的開在三層高的村屋前，然而再矚目也不及寫着「屏山盆菜」的大字招牌。

惜舊。一碟一碗皆有情
招牌底下昏黃的舊店裏，一時被兩邊一列長架上堆放着過千的碗碟所震懾，罎罐碗碟、沙煲罌罉，銅皮木製陶瓷，公雞、萬壽無疆、蟠龍翻雲、清花等花紋，有些是民國，甚至清朝時候製的，全是舊食具，也有盆菜、九大簋古盛器。短毛頭圓臉兒的店主鄧聯興(聯哥)，伸手把器笑謂：「全部都係呢條村好多家村屋拆嗰陣時丟嘅，我唔保留就冇㗎啦！」

聯哥是這盆菜店第三代傳人，也是屏山鄧氏的後人。隨時代變遷，圍村生活一點一滴改變了，舊東西正在消失中，他很想保留這裏的一事一物。碗碟叢中，電話猛烈又急促地響起，幾乎是從早到晚響不停，原來不少識途老馬惠顧過他，從此愛上那獨有的圍村客家風味，每年如燕歸來，都會在喜慶時節訂盆菜、九大簋。他拿起電話對客說︰「冇送貨㗎！對唔住！」


一般盆菜店為增生意，多設外送。聯哥寧願賺少些錢，卻堅持傳統，規定只可在鋪吃，或可訂在祠堂內的大地堂吃。「盆菜、九大簋屬於我哋圍村宴席菜，外送拎出去市區食，完全唔夾！要喺我哋條村食，咁先有風味！」他竭力保衛不單是一個失傳飲食，還有它的良美附景──

這天，就有村民大排筵席吃九大簋。「我有盆菜同九大簋，但九大簋佔咗生意嘅七八成。九大簋出面少做，係我至有！」聯哥、兒子Jeff、大廚及四五個女工，早在各有各活兒在忙，有的在巨型鑊前炒呀炒；有的將各款食物舀進銻盆，包上保溫錫紙；有的張羅執拾餐具和食物搬上貨車。眾人浩浩蕩蕩乘着車沿鄉村小路，直抵盛宴氛圍。

顯赫。祠堂寶地見昌盛
「九大簋，傳統喺祠堂食！」
頂着七百多年的歷史，鄧氏宗祠的雕樑畫棟，青磚紅瓦，在風霜刀劍下，仍汨汨細流着官宦世家一時的顯赫，鄧氏後人在此祭祖、慶祝節日喜事、父老子孫聚會等，無法撼動的熱鬧場面，記載着族人的昌盛，如一樹繁花。

繁花散落處，是這個過萬呎的大地堂前，擺好的二十多圍筵席，喜氣不言而喻。「通常我哋村民結婚、BB滿月、舊時新居入伙，同埋點丁燈，先會擺九大簋。傳統一圍枱人係雙數，所以要坐八仙枱。」八仙枱其實是四方枱，坐八個人，後期改為圓枱，人數再沒有規定。

開席了！祠堂門前的一根火苗，燃點藥引，數十萬台的紅衣鞭炮就措手不及在耳邊炸開，硝火及散開的紅衣頓時在空氣中飄飄而下，驚惶的心被期待開餐的興奮掩蓋。「喺祠堂擺酒近村屋，祠堂門前燒炮杖，村兄弟聽到炮杖聲，就知道開餐，走嚟食。」

上菜講次序，先來的是湯，其他出場不分先後，離不開雞鴨豬手冬菇……中間上子薑菠蘿，消滯去膩，最後才是小盆菜。「食到咁上下，主人家會逐枱敬酒，都係最長輩嗰個行先，譬如結婚，就由老爺奶奶率領。」

鄉情。添飯加菜作叮嚀
吃九大簋，味道其外，碗碗藏鄉情，像添菜，「主人家客氣啲，客人嚟到好似唔夠食，覺得唔好，會抽個裝食物嘅桶，譬如冬菇豬肉，睇吓邊啲唔夠，逐圍添加。」如有吃剩的菜，也會送給朋友親戚，充分如俗語說「又食又拎」般慷慨豪情。其他沒有請來的，主人家都會分給同巷，或隔離巷的鄉里，這份鄉土人情在城市裏，真正少見。

舊日請喜酒，取好事成雙，連餸菜也呈雙數，如「四簋」、「八簋」，但客家人認為九大簋的「九」與「久」同音，有長長久久之意頭，才有九缽。其實九大簋還有一款飯，加起來共十款，就是飯菜齊備，十全十美，人生的圓滿就捧在一手間，見證於觥籌交錯中。「以前唔係咁富有嘅，請食盆菜已經好好。係富貴人家，捨得使，先請九大簋，請最好嘅俾人食！」

昔時九大簋食材貴重，主人家一頓飯宴，揮擲千金萬丈豪氣。聯哥自小就見識有錢人排場，筵開百席是閒事，設流水席，大宴群親好友吃足三天三夜不足為奇，相比今天這樣的場面，當年盛況，由衷地帶點悲壯。

一碗。百菜百味筵席盛
「九大簋矜貴在每一樣餸都係獨立，唔似盆菜嘅食物混埋一齊，一菜一碗，比盆菜好食。」
簋，在古代是貴族放食物的器皿。他們客家人吃九大簋就用九個大簋放食物，後來簋經過演變，叫兩杉四缽。「杉，係大碟。缽，即係大湯碗。用碟同碗將餸分開嚟裝，唔好撈埋一齊。」

現時九大簋已全然以碗盛載，還因應時節調校不同菜式來宴客。「天冷天熱唔同，天熱煮清啲嘅好似梅子鴨，天冷煮南乳鴨，就濃啲。」口味的轉換，使人不易生厭。菜式獨立，百菜百味，使味蕾每次都有新衝擊，吃出其中的風味，這才是九大簋精緻之處。

近年在香港，大時大節吃盆菜愈演愈烈，愈趨普遍，但對吃九大簋，大眾多聞所未聞。

「做九大簋好少人識。譬如我同村都曾經有人做過，味道唔得，冇咗啦！美心啲大廚都嚟試食過，跟足啲餸推出，出晒報紙、電視，最後都係冇做。你唔係我哋圍村人，又唔係好似我做咗咁耐，係做唔到嗰種味！」聯哥帶點自豪說。
客家人靠山吃山，靠水吃水。九大簋菜式在不同村或會有差異，主要視乎村內有甚麼食材便用甚麼，如村有魚塘，便有淡水魚。或者宴席主人家的要求，捨得出錢的，便有山珍海錯。聯哥則身為屏山鄧族，傾盡識才，續承庥美。「我由細到大喺條村嘅九大簋大多都係呢九款，陳皮鴨湯、了酸豬手、黃酒雞、南乳鴨、炸門鱔、雞汁燴花菇、魚肉丸、子薑菠蘿、小盆菜，加埋雞鴨飯，總共十款。」

獨特。自家佳餚自家味
做九大簋，逐樣做，炆、炸、煮、燉、燴、滷、醃樣樣齊，比起盆菜，工夫多，利錢低，但聯哥廿多年來，仍恪遵一份客家人特色。其他人依循抄襲，卻做不到同樣的美味。他的九大簋味味是精品，首重用料精。「我哋嘅炆豬肉同了酸豬手，係用每朝劏嘅新鮮豬。」連炸門鱔都是新鮮即日捕，門鱔來價貴，外面會用較平宜的炸芋頭、炸花枝丸代替。「圍頭客家近海，舊時喺大埔東嘅海面有好多門鱔魚，所以我哋嘅九大簋一定有門鱔。」

再者，聯哥是元朗原居民，魚販和豬農必然將新鮮門鱔及本地新鮮豬先預留給他。而且坊間沒有多少人做九大簋，要煮出真正味道，他須用圍村傳統的獨有調味。「炆豬肉嘅麵豉醬，係用黃豆加麵粉自己整；黃酒雞嘅黃酒，用糯米同酒餅自己釀；子薑菠蘿嘅子薑，每年六七月啱時候用醋嚟醃，味道先正宗。」調味可說是做九大簋的靈魂，更重要還有手藝。

「煮九大簋，主角係做小盆菜嘅炆豬肉，豬肉炆得好，啲汁滲到入盆底嘅蘿蔔、豬皮同枝竹，成個盆菜都好味。」

他選腩肉和前胛，斬了件，燒熱巨鑊，下油，加入豬肉、香料、糖，之後加水。大灶火力猛，豬肉容易黐底，所以要揸起大鑊鏟不停攪動。一鑊豬肉，炆上一小時，來來回回翻廿多次。要懂得用力，不須太大力，順着力去剷。豬肉炒到六、七成熟，才下麵豉醬和南乳，既不黐底，醬料香味發揮得最好。他還有秘技，就是炆好的豬肉，不要趕着吃，攤放兩至三小時，更臻入味。

眾望所歸的炆豬肉，樣子紅彤彤，乾淨利落，不見有油水蔓延，鬆軟不油膩，吃時展露山賊氣質一口吃掉，入口的瞬間，豬皮帶點嚼勁，豬油與醬汁完美的邂逅，令嘴角上揚的味道，毋須言語，就有口水直流的魔性！

宗親。人人為我厚恩情
這無法停口的炆豬肉，手法技藝是傳承自聯哥父親，也是他人生的第一個大恩人。他父親以前在村裏務農，懂煮幾味撚手家鄉菜。遇有同村喜事要煮盆菜或九大簋，就會叫他來幫手。

「老竇完全係義務，永無托手踭，每次做完喜事，封番封利是仔，小小心意！唔會賺到錢。大家同村，你幫我、我幫你，人情味好好﹗」聯哥憶述說。聯哥十一歲起，就跟父親到祠堂煮九大簋，他充當小幫手，切菜起爐生火等。「我好鍾意做呢樣嘢，有得玩又有得食！」而父親負責掌勺，他看得多，慢慢學會了煮筵席菜。酒菜圍繞，鄉親為屏，長年累月浸淫在筵席的氣氛中，團聚的熱鬧、鄉里的恭親，種下對老鄉土深微綿邈的感情來。

九五年，其父因年邁而退休。「成條村都冇人做，我唔接手做，九大簋就會失傳！」他惟有繼承父親的衣缽，把手藝延續下去，也保留了當時碩果僅存的盆菜和九大簋。

「老竇係業餘，搵唔到食。我要開鋪，煮九大簋嚟做生意。」起初他的字號寂寂無名，三日打魚，兩日曬網，大拍烏蠅。同村的人知道他的難處，也念起他兩父子經常為村出心出力，都不時帶朋友回村，藉詞宴客，特意叫聯哥煮九大簋，讓他有生意可做。甚至容許他在富濃烈圍村色彩的祠堂擺席。

「最感激係同宗兄弟鄧達智，市區人先至認識我。」九五、九六年時著名時裝設計師鄧達智與傳媒、文化界，在圍村吃過聯哥煮的盆菜宴後，經過報道，盆菜開始廣受大眾認識，聯哥越見名氣，即使沒賣廣告，生意大旺。連明星周潤發、甄子丹、郭富城，政界唐英年、葉澍堃等名人都是常客。

人情，就是人人為我，我為人人，交心而生。「老竇教我，對鄉親要好，因為同村都係兄弟，自家人，有力出力，有心出心。」他對父親的教誨，仍刻記在心。像是每年清明拜山祭祖，他一切都以村事為先，年年為此都推卻不少大宗的九大簋生意，也幫族人煮山頭。只要村裏要他幫手，他從來都是義不容辭。

每朝六七點，天邊方呈魚肚白，沉睡的鄉村，巷弄後小門半掩，漆黑中廚房亮着一團燈光，冒出縷縷煙霧，傳出咔嚓咔嚓聲響。一個肥圓身影，汗涔涔地已提起鑊鏟，鏟挖着鑊中豬肉，繁忙的氣力活早就展開了。聯哥臉上仍含笑說︰「我幾乎日日都咁早，一直做到晚上六七點，十二三個鐘㗎！但一啲都唔辛苦！」
他奮力以煙火、菜甜、肉香，留住屬於圍村風味的九大簋，以食物的味道譜寫宗族和鄉村人情的記憶，透過節日、慶典，寄語一代又一代人的祝福，不忘祖、不忘根，如一根無形的絲線，把人與人拉近了。

撰文：孟惠良
攝影：陳秉謙、魯雋華

屏山傳統盆菜
地址：元朗屏山塘坊村36號(屏山文物徑路口)
電話：2617 8000
營業時間：11am-9pm
詳情： http://bit.ly/2UxOwEC

立即免費下載《飲食男女》App： http://onelink.to/etwapp
《飲食男女》網站： http://etw.hk
新店食評，名家食譜，一App睇晒！
立即免費下載飲食男女App： http://onelink.to/etwapp

即like《飲食男女》Facebook：http://www.facebook.com/eatandtravel

飲食男女網站：http://etw.hk

即刻Follow我哋Instagram，睇更多靚片靚相！
http://goo.gl/KwjNOE (@eat_travel_weekly)