一，其實，我好想知，#武漢肺炎 嘅 #初期病徵 究竟係乜。原來，係冇乜病徵，未必會發燒，但有啲人會肚痾，又有少少似感冒。至於潛伏期，答案係冇答案；三幾日又唔定，一兩個星期又唔定。
二，有玩過 #PlagueInc 嘅朋友都知，人口密度高加流動性高嘅地方，最易將病毒擴散。武漢呢個地方，就係交通要衝，而且外來人口約莫有1100萬；過年好多人返鄉下，呢個時候爆發，真係好得人驚。武漢火車站，就係據說出事嘅 #華南海鮮城 附近。至於機場，每日平均都應該有六萬人左右出入。
三，其實，未爆發武漢肺炎之前，武漢嘅發展其實唔差；甚至有意同深圳競爭，想成為長三角一帶嘅科技中心。
四，中科院嘅國家 #生物安全實驗室，就係位於武漢。呢個實驗室，級別屬於 P4，即係用來處理「危險且未知的病原體」。全中國大陸，一共得兩間呢個級別嘅生物安全實驗室，一個武漢，另一個黑龍江。
五，我冇其他嘅意思。唔好諗多咗。我只係想講，如果要研究武漢肺炎，其實都係武漢嘅實驗室去處理啦。
六，習近平一出聲，確診、死亡人數就急升，仲即刻封城。我反而諗，點解習近平咁緊張呢？唔知，大家自己估。
七，香港大學病毒學家 #管軼 日前去完武漢，就話「保守估計」大鑊過沙士十倍。
八，暫時，武漢肺炎死亡率，好似話同沙士差唔多。
九，講開又講，當年沙士嘅確診患者人數，最多係北京同香港，其次係廣東。北京市長孟學農因為沙士下台；王歧山就係咁樣上位。四年後，孟學農山西省省長，但唔夠一年又揹非落台。哈，你以為佢會冇得撈，原來調去中央，做咩中直機關工委常務副書記兼任中直黨校校長，吹咩？
十，沙士嘅源頭係廣東河源，2002年11月第一宗；2003年2月就廣州爆發。2003年2月21日，經中山大學退休教授 #劉劍倫 傳入香港。香港人，呢世都記得呢個名。（後補更正：河源並不在順德）
十一，大陸去到 2003年4月，先肯承認。又話說，2003年2月廣東爆發疫情嘅時候，#鍾南山 曾經言之鑿鑿話唔會大規模爆發，又話疫症受控制，又叫學生照返學。幾年之後，嘿，佢竟然被捧成抗疫英雄，之後做埋全國人大。
十二，又話說，全世界都係去到2003年3月底，先知道沙士係由冠狀病毒引起；世衛同美國 CDC 去到 2003年4月中先有病毒嘅基因圖譜。鍾南山當年究竟憑乜咁把炮？仲做埋抗疫英雄？
十三，真正嘅沙士英雄，係同外媒爆料嘅北京人民解放軍總醫院嘅外科醫生 #蔣彥永。話說佢過去十幾年，一直被軟禁，亦唔可以接受任何媒體採訪。
十四，天災同人禍，有時真係一個銀仔既兩個面。1958到1962年嘅大饑荒，死幾千萬人，就連國家主席劉少奇都認係「三分天災，七分人禍」；最終，#劉少奇 就係因為講咗啲唔應該講嘅說話，1969年被紅衛兵批鬥到死。
十五，雖然劉少奇1980年得到平反；#四人幫 等人，就啃晒所有罪名。不過，今時今日中國大陸，周街都仲係毛澤東嘅紀念品。吹咩？
十六，【順便推介下】1937年7月，劉少奇對一班共產黨員演講，講稿之後筆錄成《論共產黨員的修養》。對中國近代史感興趣嘅朋友，可以上網搵來睇。中共，其實都有人知道集權中央嘅腐敗。不過，就算係國家主席（劉少奇），又或者黨總書記（胡耀邦）咁講，下場都係畀人插死。
十七，獨裁專政利益共同體，七十幾年來，一係就自欺欺人、再唔係就威迫利誘。自欺欺人日子太長，真係可以幾咁無厘頭嘅大話都可以面不紅氣不喘咁講出來，黑嘅話係白，白嘅講成黑。香港班官，更加可以話係青出於藍。
十八，早幾日同一個朋友傾開時局，佢話中共執政嘅日子，就快要長過蘇維埃。當然，大家都知潛台詞係：「又睇過點⋯⋯」
炮台山北角好去處 在 香港好去處| 北角炮台山全新藝術空間油街實現(玻璃屋、3D藍鯨 ... 的八卦
| 香港 好去處 | 北角炮台山 全新藝術空間油街實現(玻璃屋、3D藍鯨巨浪、轉動樹木)、天后廟道隱秘偽日式京都庭園秘境,一秒穿越日本、 炮台山 文青格仔之字形 ... ... <看更多>