📍我們帶你看一遍美麗的約旦🇯🇴
這是一篇詳細的約旦攻略，之前很多朋友都會inbox問我們關於約旦，現在就來逐一解說下！喜歡就share吧！
———關於天氣———
4-5月 9-10月係最合適的氣候，雨量少之餘氣溫亦唔會太熱☀️。
由於約旦大部分景點都係户外進行或體驗，面對雨季一係掃興一係就危險，太熱又會曬到變煤炭屎鬼。
———關於匯率💵💵———
約旦貨幣🇯🇴名為丹拿(dinar)，亦都會簡稱JD。
1JD對HKD大約係11左右
當地部分人/鋪頭/餐廳亦會接受美元，
所以我地去約旦時是先換美金過去當地唱錢的。
tips: 可以去到約旦機場先唱少少錢先 唔好唱太多，因為機場找換收的手續費幾高下。
———關於wifi📡———
我地係機場一過完海關出面就有鋪頭賣電話卡 價錢大約係一百港紙一張 可以用到14日 無限上網 網速宣稱4G 但用落覺得應該係香港3G水平 勉強上到fb ig 唔好寄望可以睇到片 但就算去到petra都仲會收到 當然去wadi rum呢d沙漠地方就可以收番埋佢，認真地感受下風景吧～～
——-1關於治安 (純粹個人感受)———
整體黎講治安不差，當地人亦都以友善、純樸居多，值得一提安曼係約旦市中心，亦都係個人感覺比較需要小心的地方，明顯感覺到晚上出街會有不少人留意住自己，當然可能係因為我地係亞洲人👀。但出門在外都係小心點好，所以建議不要太晚回酒店嚕。另外petra,wadi rum等等的遊客景點是不太需要擔心，只需好好享受，途中只會有一些當地人埋身向你叫價一些小物品之類的。如果你無興趣，只需要禮貌地說聲no thank you，他們亦不會怎麼樣的。☺️
tips:如果真係對佢地賣既product或服務冇興趣可以直接拒絕咁佢地就會收皮，唔會煩住你，反而如果你唔理佢，佢就會一路追住你。👳🏻♂️
———機票✈️———
香港係無直航飛去約旦 至少都要轉一次機 最快都要大約14個鐘先會到安曼。
航空公司較多人會選擇皇家約旦又或者中東三寶，價錢大約4至6千不等，睇下你搶機票的能力而定~
———物價💰———
———食物方面🥘———
價格係合理的，主要係食中東菜或西餐
每人每餐平均一百蚊上下到，當然在景點附近如petra、dead sea等係遊客價，會比起平時食開貴一倍即是一餐要二百一人。Petra建議盡量不要在園區內食，會比外面再貴1倍，入口的外面村落就已經好多餐廳選擇。
———住宿方面🌇———
安曼市內大約4至5百蚊已經可以住到獨立一間正正常常的房。
Petra附近其實選擇不多 我們住的大約5百多一晚，距離petra入口5分鐘腳程
Wadi rum 大約3至4百蚊一晚房錢，超級抵
———交通方面🚘———
由於約旦交通不完善，出入大部分需要靠的士，而去景點如petra更加少選擇到得一日一班巴士去和返
所以為左保持彈性，我地今次係以全包車形式往返所有景點加機場
以下係我地約旦司機Waleed的包車價
機場 ->安曼市 around 200HKD
jerash day tour around 400-500HKD
安曼 ->petra around 7-800HKD
Petra ->wadi rum around 300-400HKD
Wadi rum -> 安曼市 around 900-1000HKD
dead sea one day city tour around 600HKD-700HKD
雖然就咁睇覺得幾貴，但全程超舒適安全，而且行程自由，可以自選逗留既時間同長度。
———景點方面———
⭐️Petra⭐️
必去的重點行程之一，分左1至3日pass 價錢分別50/55/60JD，如你是喜歡看古跡、鐘意行山登高、鐘意影相等等，建議至少要選2日的pass才走得完，如果1日未免會太累太chur，2日就可以慢慢看了。我們那時候是買了3日的pass。
🌠Petra by night是2小時的夜遊Petra活動，價錢是17JD，個人覺得雖然活動內容沒甚麼看頭，但光是從蛇道開始沿著燈火走到卡茲尼神殿已夠很浪漫和童話，如果想拍到燭光、神殿和沒有其他人的獨照或合照，就要一早在活動開始前的門口排隊當頭幾個進場的，然後以競步形式爆到神殿前就可爭取時間拍照，另外夜晚影相一定好暗，手機基本上是沒用，最好是相機加腳架因為需要曝光比較長時間。
.
拍照tips📸：每個人到卡茲尼神殿都會拍一個從高處俯瞰的照片，從蛇道開始就會有很多人和你兜售這個拍照點，基本上隨便跟一個走就可以了（自己唔會識得係邊度上，俾佢地賺下啦）。如可以記得還一下價，因為除了要俾錢帶路既人之外，我記得最後我地係12JD兩個人，上到去佢仲會叫你俾少少tips先會帶返你落黎，由於上到去佢會好落力為你好地不停高炒低炒，影唔同angle，所以tips都值得俾既！
.
Wadi rum 🏜 🐫
我們3日2夜價係190JD 兩個人，如果時間唔太多其實留一晚係沙漠就已足夠，但因為我地想睇感受多D同埋睇下銀河星星，所以留左2晚。因為跟Waleed同大佬（係當地貝都因人，我地簡稱佢為大佬，因為去到果邊食住行都係佢包辦。）一齊玩，所以第一晚係住當地signature campsite⛺️，第2晚就訓沙漠，第2晚訓沙漠大佬準備了所有食物、煮食用具、被、氈、睡覺的蓆等等，一應俱全，真係好似去wild camp咁好正，係同普通遊客好唔同既體驗，如果有興趣都可搵Waleed。（我地冇收佣架哈哈）
.
Dead sea🏝
雖然都係一個公眾海，但係入場就要錢，除左住死海附近好貴既酒店之外，仲可以齋俾入場費入去好似泳池咁樣設計既海灘，價錢由20至30JD。⛱
🌅tips: 去之前我睇人地死海歎日落好正，於是要求Waleed臨日落時間先車我地去死海，去到果邊大約4點左右仲係好多人同埋好多團友，但到左5點左右開始日落，大部份既旅行團都走晒剩返我地包場，望住咸蛋黃睇日落真係好正，不過小心有傷口既話落海就會好痛，所以好多人會將死海安排係第一個活動，避免去完Petra等期間撞到有傷口🤫。
.
Jerash
一個挺美的古城如果有時間都可以特登過去參觀一下，如果冇時間就由佢
10 JD per person entrance fee
.
mount nebo
都係有時間可以一去，我地係同dead sea同一日去既，可以俯瞰整個Amman
.
設定FB搶先看
https://goo.gl/T5zesn
follow our ig! 兩邊更新是不一樣的！
instagram.com/twosmallmouth
旅行 熱 炒 店 中東 在 旅行熱炒店The Travel Wok Podcast 世界地理人文探索頻道 的八卦
Share your videos with friends, family, and the world. ... <看更多>