其實，圍村本身就係一座堡壘，唔好話普通示威者，就算真係警察同防暴，都未必攻得入。而且，圍村一向都係政府頭痛嘅問題，丁權尾大不掉，佢哋嘅忠誠度一向都令人存疑，我做咩事要幫政府解決呢班人？
一直有唔少讀者瘋狂pm我，叫我提大家唔好去圍村，尤其唔好搞佢地祠堂，佢地真係會弄個魚死網破。我只係想問，由市中心行入圍村要幾耐？如果行唔到，用交通工具去嘅話，除非你包幾架旅遊巴，否則你搭小巴的話，每10分鐘一班，每班16個，應該未等到下一班增援就俾人溶左（司機夠唔夠膽載你入去都係問題）所以，我個人認為就算你真係諗住搞圍村，戰略上一打算實行，你就知道搞唔掂。
我個人是挺信任勇武派，他們勇武，但也不是魯莽，be water戰術打了一個月，大家也沒硬衝警署，那更沒有機會硬衝連警察都不敢進的圍村。
當然，大家緊張一下也好的，起碼讓圍村的緊守圍村，不會跑過來市中心，發生磨擦和意外的機會反而更低了。
至於祖墳，唔好玩啦，我一向都話何生個墳係佢地自己人作反打爛的，邊關示威者事？示威者連何生的祖墳都唔會打，更遑論其他人的祖墳。再者，恨人亦要花氣力，無差別掃墳呢件事淨係諗起都倦，還不如把人力資源放到更有效的地方吧。
#話說元朗有咩好食嘅甜品鋪
#抗爭都要食野架
#帶動區內消費還是需要的
FB friend 意見，參詳下。星期六我會去，不能讓恐懼戰勝，不代表我要去先挑事端送頭送命，佢如果大街大巷咁嚟襲擊我，我會誓死保護同行戰友同反抗得幾多得幾多，時機對會同大家一齊撤退，但絕唔會怕咗佢地就唔去表態：我有免於恐懼的自由！警察有責任保護所有市民免受傷害，而唔係包庇疑似黑社會恐襲份子、落閘唔受理報案同埋見到罪案發生調頭走。
圍村係攻唔過：
- 政治訴求問題：你對圍村可以有咩訴求？仇殺？ 燒村？元朗咁多條村並無統一對口。如果無人講畀我聽關邊條村事，好難唔傷及無辜。南邊圍只係當中一條村，但係遠到馬田都有相影到吹雞。壹週刊都報14出左二百人（14個基地聽聞響荃葵，即係唔止圍村出人，係黑社會來。）
- 元朗可以遊，但都係遊去警署，或者反水貨。要入村搵仇口，除非你有確切情報知道白衫帶隊人。否則肯定好多人割席。
- 做過人口普查我知，元朗圍村小路多，地頭要圍死你根本易如反掌。同埋呢種送頭係真係送命，無可能容許呢種事發生。
- 狗頭軍師話起墳，根本係個腦忽撚咗。搞死人係為世所不容，之前撐警兩條撚樣拆義士靈堂，同樣係不共戴天。仇恨係有，但唔可以無的放矢。
- 同佢哋分唔到西鐵站邊個係示威者一樣，我地一樣分唔到圍村裡面邊個係無辜。如果被逼同整個鄧氏對立，元朗可能一段長時間死城。唔好同我講焦土，我住咗呢度十九年，焦土你畀錢我搬？
- 我覺得呢件事唔止係勇武同和理非問題，因為入村個影響係持續好耐，我更擔心係呢地行完出返去，元朗人點生活嘅問題。或者我怕事，但係而家無條件同整個鄧氏割席（反送中做緊，唔會想開多條咁廣闊既戰線）
- 你問我的話，搞個極和理非的「『元朗人要勇敢對抗黑勢力』遊行」即可，呢邊黃絲好勢孤力弱，趁機壯下聲勢係好；二來引蛇出洞，好過自己燈蛾撲火。
元朗圍村 在 【香港好去處】漫步圍村：元朗錦田吉慶圍 - YouTube 的八卦
【香港好去處】漫步 圍村 ： 元朗 錦田吉慶圍小時候曾被灌輸一個想法－「 圍村 有好多大狗、人好惡，不喜歡外人進入」，所以即使我住在新界，也從未踏足 圍村 ... ... <看更多>