我今日簡直覺得係俾鏞記羞辱！
話說今日中午幫東華三院拍嘢，拍完之後見既然喺中環，亦都好耐冇去過鏞記食燒鵝，嗰陣時都成兩點鐘，諗住冇咁多人，於是就去地下果層諗住食碗燒鵝麵。都明知係貴價啦，所以接近$100 ，我都唔介意。
但係當嗰碗燒鵝麵嚟到我面前嘅時候，真係有啲火！你由相片嗰度已經見到呢碟燒鵝啲皮係唔同色嘅，即係唔單止來自唔同部位，亦都可能係來自唔同嘅鵝係拼砌而成！
咁斬鵝就梗係拼砌㗎啦！你話。問題係呢啲擺到明就係啲肉頭肉尾，呢度一忽嗰度一片咁砌成！
大佬，$100，你可能覺得唔係乜嘢錢，但係都請你尊重下我，俾返舊齊齊整整嘅肉我啦！
不過真係要讚下個師傅，大大細細切頭切尾都可以砌到咁靚,，師傅刀法真係神乎其技！
但係佢有冇諗過我作為一個食客嘅感受呢！埋單$130，包括$12茶錢連加一。我重申， $100一碗燒鵝麵，我覺得合理嘅，但係請你尊重下我，亦都請你尊重下你自己個老字號，唔好係咁切頭切尾俾我食啦！至少有兩三塊肉係左鄰右里都好呀！不過算啦，講咁多做乜，都唔會有下次！
#何嘉麗callmegaga #何嘉麗 #為食路上 #鏞記 #燒鵝麵 #拼盤燒鵝 #有被羞辱嘅感覺 #請尊重下自己嘅老字號 #請珍惜招牌 #憑乜嘢收加一 #應該叫做燒鵝肉粒麵
係啲肉 在 【下廚BB雞精班】豬肉篇｜點醃豬肉會腍啲？點解啲肉咁乾嘅？ 的八卦
BB班#新手向#雞精班#貼士#豬肉#醃肉震驚十個人！知道煮豬肉的七個秘密，可以改變你一生！如果鍾意我嘅片，想支持我嘅話，可以隨緣樂助，萬分感激！ ... <看更多>