好故事要分享，睇到眼濕濕⋯⋯
「巴士內，貌似母女的婆婆與中年婦女並肩而坐，沒戴口罩，旁人側目。
終於有乘客忍不住出聲：「外出要戴口罩啊婆婆。」
中年婦女（帶點羞愧地）：「唔好意思，我哋買唔到口罩啊。」
其他人：「無口罩就唔好出街啦！」
中年婦女：「唔好意思，唔好意思！我哋有少少事要去醫院。」
眾鼓譟：「嘩，醫院！」（馬上彈開，原本有少少擠逼的車廂原來可以騰出咁多空間。）
中年婦女連忙澄清：「唔好意思，唔好意思！我媽有腎病，我哋去醫院洗腎而已。」
眾暗自透出一口氣，未幾有人說：「你哋咁樣零保護出入醫院唔掂㗎喎，高危㗎。」
有人：「唏，都話買唔到口罩咯！你估人哋想嘅咩？」
有人：「醫院唔派嘅咩？」
有人：「邊有？醫護都唔夠！」
巴士內頓時你一言我一語，成個城市論壇咁。
粗眉大眼市井阿叔造型大肚腩中年男子從隨身包包中掏出用密實袋包裝的口罩乙個，豪氣干雲：「我預多了一個一陣夜更替換，送你！」
中年婦女滿面通紅答謝，接過。
另有手挽買餸籃師奶也掏出一個：「你媽有，你也要一個，否則是但一個感染都唔掂。」
又有好事之徒問：「你阿媽每星期要洗幾多次腎㗎？」
中年婦女差不多是歉意地回答：「三次。」
「那怎麼夠？」「口罩供應我看二月底才能穩定。」「穩定也不是人人買到！」「阿婆唔識上網睇口罩消息㗎喎。」「這幾個星期點捱？」「唉！」
「都話家中如有超過一星期供應嘅口罩就送一個俾有需要嘅人咯。」
一人攞一個出來，一人攞一個出來，一人攞一個出來……好快，中年婦女手上已堆滿十來個口罩。
中年婦女（熱淚盈眶）：「夠了，夠了，多謝大家，多謝大家！」
眾七嘴八舌：「客咩氣？」「我用少一個唔使死！」「你需要多啲！」「唉，自私無用，一日仲有人有事，一日未安全！」「香港人，守望相助。」「自己香港自己救！」
有一把聲，好鬼大，人人蒙面，不知是誰講的：「我話你知，香港人，無事無幹時利欲薰心，一有事，全世界最有義氣！所以我話你知，香港一定唔會死！」
市井阿叔：「X！香港梗係唔會死，我同你哋講，我哋大家都～唔～X～准～死！」
💪💪💪💪💪💪💪💪💪💪
以上是今早朋友上班途中所見所聞，她才返到辦公室就急不及待打電話給我要我如實記述並刊登。五餅二魚不一定是神蹟，你我他每個凡人都可以幫手成就。
#恕未偷拍以保護病人私隱
#祝願全球早日抗疫成功
#LoveLightLaughter
#MakeTheWorldABetterPlace
五餅二魚的意思 在 耶穌基督『五餅二魚』的象徵分析 - 個人看板板 | Dcard 的八卦
耶穌基督『五餅二魚』的象徵分析 ... 便吩咐眾人坐在草地上，就拿著這五個餅，兩條魚，望著天祝福，撥開餅，遞給他的門徒， ... 兩條魚又是什麼意思？ ... <看更多>