【肥波去街街】上水 杜記茶餐廳
#自費 #上水 #杜記茶餐廳 #腐乳豬扒
以前喺上水讀中學一路到而家，睇住上水變成走私重地真係好唏噓😢
因為阿狗個醫生喺石湖墟，果度又有唔少嘢食，
所以就算迫、會畀喼撞、會畀車仔碌腳都成日會過去。
杜記茶餐廳喺明記腸粉附近，成日經過但無食過，
原來佢果度有味腐乳豬扒幾出名，所以今次專登去試下。
餐廳唔算好大，聽講午飯時間會唔少人。
叫咗腐乳豬扒飯炒底，送例湯，跟埋凍檸茶$57。
先上嘅例湯入面有豬骨同粉葛，味道正正常常無咩特別。
檸茶普普通通，茶味比較淡。
因為豬扒係即煎，所以等十幾分鐘先腐乳豬扒飯先嚟。
一塊厚嘅豬扒、一堆榨菜、一塊番茄，下面係炒飯，腐乳醬係另上嘅。
豬扒份量算多，有骨嘅，可能係偏瘦唔肥嘅關係，唔算特別鬆軟同juicy，仲有少少韌。
唔似有梳打粉，簡單醃過嘅味道，煎得幾香。
腐乳醬有啲咁多辣，杰身，點少少已經好夠味，同豬扒嘅味都好夾，用嚟撈飯都好味。
榨菜雖然係配角但真係唔錯，唔會好鹹，食落少少爽唔會霉tattat👍
個炒飯底雖然只係簡單得蔥、蛋同飯，但有鑊氣，唔錯👍👍👍
雖然$57唔算好平，如果塊豬扒腍返啲，我應該會翻兜。
同埋食完好想自己整腐乳豬扒。
杜記茶餐廳 杜記盆菜
店名：杜記茶餐廳
地址：上水新健街15號地下
上水杜記 在 上水杜記以正宗盆菜突圍加門鱔乾市面罕見與五花腩 ... - YouTube 的八卦
上水杜記 以正宗盆菜突圍加門鱔乾市面罕見與五花腩成絕配新年只接有限訂單保品質#人物專訪 飲食男女Apple Daily 原刊日期：20200124 #飲食男女backup ... ... <看更多>