「藍極圈太bad taste，黃色經濟圈就好啱食」
大家好，今日我想同大家宣佈Pokeguide app嘅一個新功能。一直以嚟，大家都知我地係一隻教大家搭車嘅交通app，呢幾個月嚟地鐵早收，巴士又飛站，相信我地隻app應該都可以幫到吓手。
而呢幾個月我地見到一個奇怪現象，見到大少少嘅黃店都有好多人大排長龍，但同一時間唔少未被人發掘嘅小黃店執咗笠...... 有見及此，作為一隻金黃色嘅手機app，我地決定踩過界，為大家搞咗個「集合點取餐」嘅外賣平台，將一間黃店嘅lunch送到另一個區派發。我地嘅目標好簡單，務求令香港每一區每一個角落，無論係住「山頂」或者住「山區」嘅朋友，都可以食到香港人嘅黃店。
我地最大嘅特點，就係只會揀高質好食嘅黃店，所以我地會派專員(即係老闆)，親自嚟試過間餐廳覺得好食，先會邀請餐廳加入。而我地係唔會賺取黃店一分一毫，頭兩日會完全唔收錢俾餐廳試run吓，之後為咗維持我地長遠而持續嘅發展，我地都會收番成本價，扣除哂運輸同人工之後，我地會全數俾哂間餐廳。
而黃以外嘅店，我地都會接受佢地嘅申請，但會收取全單77.7%嘅手續費，即係一單成功賣出嘅$100 order，我地會收番$77.7，同時我地會幫手加番藍/綠色標籤，以資識別。
為咗真真正正有效地幫到黃店，我地希望盡量簡化到佢地嘅工序，以最簡單直接嘅方法，幫黃店賺最多嘅錢。所以我地每日每區只有一間餐廳一款菜式一個價錢，亦都冇得俾大家嗌多飯少汁走蔥之類嘅條件，盡量大家嗌嘅野一式一樣，廚房就會易handle好多。做快D都可以令多D人受惠，更重要嘅係，反正大家平時食lunch都諗唔到食咩，順手解決埋大家嘅「選擇困難症」🥰 最後希望大家忍讓吓，唔好咁多挑剔，當然如果唔好食唔啱食就一定要inbox我地，我地好注重食物質素，一定會盡力滿足大家嘅胃口先。
呢個外賣服務會每日都keep住有，除咗星期六日同公眾假期，暫定朝早10:30截單，12:00-13:30派飯。要注意我地係冇得退款嘅，如果之前一日發現第二日會罷工，而已經有人落咗order，我地會取消哂所有單，將大家買飯嘅所有款項直接捐去星火。(因為我地都要罷工架嘛 lol)
今次我地嘅首發地區會係中環，到時大家中環攞完飯可以一邊食一邊和理lunch 😋 而出品嘅餐廳係同我地個名一樣有個“Poke”字嘅黃店，位於銅鑼灣，專門出品夏威夷魚生丼嘅Peek-A-Poke，名額100個，呢家就可以隨時入app買飯架喇，請大家大大力懲罰佢！！
有咩做得唔夠好嘅地方，真係希望大家多多包涵，始終做外賣唔係我地嘅本業，我地嘅同事需要D時間適應，我唔能夠百分百保證服務同品質可以滿足哂大家嘅要求，但我能夠保證嘅係我地嘅「熱誠」，同埋我地會不斷進步。
希望你地都可以幫手轉俾中環返工嘅朋友，反應愈熱烈，我地就可以加快推到香港各區都有。如果邊一區你覺得最需要呢個服務，下面留個言啦，最多人提及嘅地方，我地下次就會優先開發呢D區～
最後，附上Peek-A-Poke嘅照片，琴日佢地罷咗工，去影相啱啱好，
D相好靚，個心好靚。🙂
***
呢度直入app:
https://go.pokeguide.com/location/shared?action=order&id_product=2&city_code=hk
poke夏威夷 在 [台北美食]HALOA POKE夏威夷拌飯(附菜單)/健康輕食料理推薦 ... 的相關結果
POKE是一道傳統的夏威夷料理，意思是”切成塊”，包含生魚及其他混合物。HALOA POKE 夏威夷拌飯分為兩種點餐方式，一種是配好的組合餐，一種是自行搭配的 ... ... <看更多>