pnd九龍城的八卦，Yahoo名人娛樂都在討論

高性價比爆汁之夜。

深水埗、長沙灣跨區《食飽去散步》食玩地圖：

中午出發：

鴨寮街（平價攝影器材入貨）→公和荳品→合益泰小食（潘記出品勁滑腸粉）→西九龍中心→Candy Pills買糖→皇帝雞→浪漫滿屋Full House→白紙工作室（飲野，手作）→美荷樓（呼吸冰室/參觀）→17:30嘉頓山影日落、夜景，記得帶腳架

下午：

黃金/福仁（平價攝影器材入貨)→王孖記菓子(訂定益力多芒果糯米糍/外賣楊枝金露)→順興隆桂記豆花下午茶(收19:00）→「美味餃子店」$35煎韭菜餃/湯餃→(平價西餐)星廚→松記甜品

近排成日嚟長沙灣搵朋友，買完芒果糯米糍，發現有間店勁霸氣，名叫「美味」，原來..就係PND太子食開嘅煎餃第一分店(店長話係同一老闆~)！ 小店同一般食粉麵食店格局差唔多，企理，唔逼。一樣只賣3種餃子：韭菜、白菜、雲耳椰菜；可揀煎或伴湯上；大約$30/7隻、$35/10隻，PND當然就係一次過鯨吞10隻啦！

半UFO形嘅《煎韭菜餃》，即叫即煎，每隻有新年煎堆咁大，長度接近10cm，底面都煎成金黃色。先咬半隻，有熱辣辣肉汁噴出(小心件衫呀～)，肉餡非常飽滿多到好似唔使錢咁，非常juicy。

三款中，以韭菜最香，咬開脆皮仲見到裡面粒粒韭菜，餃子皮吸收哂啲肉汁，好有咬口，真係脆過食薯片，仲微微有咸味，竟有啲似分子薯片。10隻全秒殺。

如果驚熱氣，就點紅醋再食啦～又或者，應該好似PND咁同朋友叫湯餃同煎餃各一碗share食，兩樣都食。野葛菜豬骨湯底(店長介紹總店魚湯成日俾潮友投訴腥所以轉咗豬骨，其他元素就一樣) 夠鮮甜，PND可以飲到一滴不剩架。

心痕想食辣醬，一食之下，不得了，又咸又辣好濃郁！有啲食緊泡菜嘅錯覺，問問先知，原來呢度辣醬又係自家炒製。辣辣地好自然要叫凍豆漿解辣，店長就介紹埋連豆漿都係自家磨自家煮，唔會太甜，加分！全部都係心機野，呢種小店真係買少見少，性價比一流。

美味餃子店
電話：24883322
星期一至六 11:00-22:00
星期日及公假休息
#PND長沙灣 #PND港式 #PND小食 #PND外賣
@長沙灣元州街497號地舖
溫馨提示前往方法：潮友想直接去，只要喺喺官塘/九龍城/黃大仙/紅磡/旺角, 見到寫住去"靑山道"紅van，上車坐到去總站嘅左手面就見到架喇。

食完Candle light dinner，轉場食糖水同小食減肥，發現正正嘅芝士撈丁+芒果脆脆+鹽酥雞，一齊出現！

呢間小店有傳統糖水，又有啲小食，仲有台式飲品，PND坐低就見到《芒果脆脆》$35好吸引，原來就係《炸芒果pancake》！上枱覺得好似春卷，但這不是春卷喎，仲要外熱內凍，冰火口感，裡面嘅忌廉夾芒果肉好味。

咸有咸食，《特濃芝士撈一丁》可自選2餸，麵上嘅濃郁芝士好多，每一啖一丁麵好芝士！偷食埋朋友嘅《炸鹽酥雞》勁有台灣風味呀。

芝心糖人街
電話：51711441
地址：九龍城太子道西448號太子滙地下8號舖
#PND九龍城 #PND甜品

PND土瓜灣搵食地圖：
譚公道出發：
初記(平食煎釀三寶)→譽麵坊(南乳雞球米線lunch）→世紀鮮榨椰汁($9/大杯凍椰汁)→榮幸小食檔(薯不芝熱狗/白魚蛋)→過馬路去囍囍小食(炸雞脾/$16)→The Bites & Co(lunch/甜品)→日昇小食(韭菜煎餃/$10/4隻)→上海豆漿王阿媽(凍豆漿)→小食部→串皇小食→鴻福海鮮四季火鍋(晚飯)

土瓜灣成日塞車，有次由銅鑼灣搭去九龍城，搭咗2個半鐘真係餓死PND喇！咁啱果次就塞塞吓見到紅色banner嘅榮幸小食檔，似乎輕輕叫喚緊我。

佢地有撈麵、熱狗、燒賣，魚蛋賣，仲有新出嘅熱溶芝士白魚蛋$30/10粒，old school得嚟勁潮。

嘩，紫薯配熱狗？就試試佢。

食返隻《薯不芝法蘭克熱狗》$30，潮友唔想食香腸都得，可以食薯不芝熱狗$20，望住店員喺門口烘熱狗，就見到佢地係用新鮮麵包嚟做熱狗身，先係搽上牛油，夾上大條脆腸，再加上大量紫薯泥！

最後淋上淡白色嘅熱溶芝士 ，芝士加紫薯，我唔客氣喇！一啖咬落，口感少少起沙、軟綿，紫薯仍然仲有天然嘅甜味，伴埋牛油同芝士嘅咸香，其實好夾。

呢個價係對得住隻dog dog嘅！唔好當係潮聖，呢個世界無咁多聖俾你潮，當佢普通小食嚟試啦。

早就知，潮友唔會無啦啦過嚟土瓜灣啦，唔緊要嘅～不過，如果你真係要嚟，可以跟PND一次過行勻呢區呀！

榮幸小食檔
星期一至日 11:00-21:00
#PND土瓜灣 #PND港式 #PND小食 #PND外賣
@土瓜灣馬頭圍道187號B地舖