《珍惜這個…你願意為他素顏的人》
起身第一件事...就係化妝；
就算男仔，都要Gel頭戴Con。
由第一次拎起啲眉筆，
我哋就學識用妝容美化自己。
不過咁唔係錯呀！正所謂你唔化，人哋都化！
大街小巷，
人人都將隻眼由「一條線」畫到鯉魚王隻眼咁大。
識佢時係小霞、落妝就變小剛。
喺成長過程上，
化妝成為「社交禮儀」，大學時候係咁、出嚟做細係咁、做到大粒都係咁，
有時你會諗，有啲人一世都唔知你係咩樣……I mean 你落咗妝個樣，
甚至假日瞓醒，素顏落去買件西多，
撞到同一層嘅同事，大家都形同陌路，因為根本認唔到。
以前就話珍惜嗰個唔介意你素顏嘅人，
但事實係佢唔介意，你自己都會Mind。
呢個世界，化妝愈耐，落妝就愈難。
好正常啫，反正啲面具都戴咗咁耐，又何況戴多陣？
有100分個面唔畀人睇，畀60分個一面？冇可能。
所以，我哋要珍惜嘅，係一個面對住佢，你都願意素顏嘅人。
唔介意咁赤裸，係你對佢有信心，
知道佢唔會因為你冇咗個妝而減你分。
呢一日你約咗佢，四圍冇咩人，你塊臉都冇晒化學物品，
雖然少咁啲粉，驟眼睇唔算女神，
仲有埋大眼鏡，但抖啖氣都舒服啲，
唔再擔心太乾、補妝同甩Con。
自然地，對方都係一個傻仔樣，同你一樣，無添加，個頭打晒風依然夠膽死同你自拍
(當然大家有默契唔會擺上FB同IG！)
都市人為自己外表鋪咗好多層唔同嘅塑料，
唯有面對少數知心知己，你終於可以放心，做到最真。
同佢一齊照住鏡，你可能覺得：「素顏，都靚呀。」
今次你都係「化」，不過係睇化。
PS.查實天生麗質嘅人都好多，OASIS而家都有個裸肌體驗，可以免費試下:http://goo.gl/zqadUA
Oasis Group HK
#nudebeauty #裸肌體驗 #全肌能醫美專家 #OASISgroupHK #初生膚質 #完美肌膚
nudebeauty 在 Nude Beauty - La medicina della bellezza - YouTube 的八卦
Senza filtri. Autentica.Valorizza la tua bellezza naturale.Scopri come su merzaesthetics.it#NudeBeauty #merzaesthetics. ... <看更多>