《詭異化妝液》
三年前，我同女朋友岩岩大學畢業，本來諗住一齊開拓屬於自己嘅夢想，但自從佢接觸到一支神秘化妝液，所有嘢都唔同哂。
我同阿怡其實好夾，我鍾意寫故仔，夢想成為一個編劇比人拍我嘅作品，而阿怡就有好強嘅表演慾，希望成為一個演員投身演藝事業，所以我地兩個一拍即合，閒時仲會邀請佢拍我所寫嘅故仔，等大家都可以滿足大家，各取所需。
但阿怡其實對自己無咩自信，一直都唔係好滿意自己嘅樣，認為呢樣係阻礙到佢加入演藝圈。作為男朋友嘅我當然唔會認同阿怡係唔吸引，雖然佢樣貌的確唔突出，但佢嘅性格同演技先係佢最吸引嘅地方，但阿怡就唔係咁認同，一直都耿耿於懷。
後來某套電影以跳舞為主題公開招募女主角，阿怡雖然對跳舞完全無概念同認知，但呢個係千載難逢嘅機會，於是我同佢一齊練舞、做運動操FIT，務求將佢弱勢嘅地方通通改善，希望可以憑住尼套電影進入電影界。
可惜，最後落選咗。我見到當時的確有好多好戲猛人去面試，輸咗都心服口服。但阿怡認為落選原因係因為佢個樣。於是佢就不斷搵唔同化妝品去試，希望可以靠化妝嚟改善外表比人嘅觀感。
漸漸地，佢化嘅妝愈嚟愈濃，每次見到佢都坐喺鏡前化妝，然後就問我靚唔靚，最恐怖嘅係，有次我朝早起身打開雙眼就見到一個化到勁濃嘅女人喺我面前，然後問我:「早晨，你覺得我今日靚唔靚呀?」每一次我都勉強咁話唔錯，因為我留意到佢精神有點錯亂，唔想我嘅說話影響到佢情緒。
而最重要嘅係，佢花費喺化妝品身上已經洗咗好多錢同埋長期化妝品對皮膚造成好大傷害，覺得有少少過咗火，於是勸佢收手。
「收聲呀！你根本唔明我感受！」佢對我大聲呼喊。
「我唔明你感受？你睇下你塊臉！睇下你嘅皮膚！化妝化到你皮膚爛哂傷哂呀！你仲繼續落去？」我按佢個頭拉去鏡前，比佢望清自己個樣。
點知，佢反而滿意咁講：「呢個妝都唔錯～嘻嘻」呢一句令我感到心寒而慄。
而我都唔係好好多，編劇本身已經搵唔到飯食，加上投犒後一直都無人賞識，令收入一直都處於低水平，只靠幫人補習維持生活，生活非常潦倒。
直到有一日，阿怡突然變得好靚女，無論五官輪廓都發揮到極致，於是我驚訝地問：「你去咗整容？」
「唔係！我上網見到隻化妝液幾好用就買咗落嚟，點知真係好岩用！你睇！我成個人都唔同哂咁！」阿怡一副充滿自信嘅樣同語氣，見到佢咁我都感到安慰，雖然唔知呢隻化妝液係咩嚟，間公司都未聽過，但見到佢咁開心有返自信，我都會支持佢。
後來所有嘢都轉變哂，阿怡得到某大公司賞識，開始接拍唔同嘅廣告、劇集同電影，一時之間佢變成一個紅人，人氣急升。作為男朋友我當然為佢高興，可以做到自己想做嘅嘢，亦都成功加入演藝行業。
但亦都因為咁，我同佢關係慢慢疏遠，每次約佢時侯佢都返緊工，佢甚至唔想比傳媒影到我地同居而搬走，就算夾到一個時間食飯，所傾嘅嘢都係佢分享娛樂圈嘅趣事。
而我，仍然係一個寂寂無名嘅編劇，甚至連埋單都無錢埋。阿怡見到咁，都好識做幫我比埋錢，走前仲塞咗幾千蚊比我話袋住先，我拎住呢幾千蚊喺手感覺有啲唔知點咁。
我喺屋企望返我地以前拍嘅片，我仍然好回味以前簡簡單單嘅思想同生活，佢副素顏樣先係最自然，皮膚最滑最初生，就算化妝都只係淡化妝，絕對同呢家嘅佢兩回事。
雖然佢呢家變得又靚又紅，作為男朋友當然會自豪，但同時我都失去咗同佢嘅關係，甚至連自尊都無。我仍然愛惜以前嘅佢。
後來有一日，阿怡發哂癲咁衝入我屋企喺到搵嘢，我問佢要咩。佢話賣化妝液間公司消失咗，佢無哂貨喺手，希望我有留返幾支喺到拎嚟用。我強調一直都無，佢就發哂癲咁講：「無呢啲化妝液我點見人呀！」
於是佢又重覆以前嘅生活，不斷試唔同嘅化妝品，但化極都變唔返之前個效果，令佢大受打擊。由於公司發現佢同之前差別太遠，佢嘅粉絲都質疑佢整容，最後佢被公司雪藏，最後喺娛樂圈消聲匿跡。
而我背負住養佢同自己嘅重擔，開始更積極投犒，最後得到一件美容公司嘅邀請，希望我可以寫返套劇本去突出女性自然美，雖然薪金好少，但我亦好好把握呢次機會。
當我喺屋企埋頭苦幹咁寫時侯，望住大受打擊嘅阿怡心灰意冷地呆坐，我就更心酸。我望住眼前呢份以初生膚質、無需靠化妝嘅主題劇本，更覺諷刺。於是我決心寫好呢份劇本，腦海中嘅女主角正正就係阿怡。
最後公司感到滿意，問我有冇女演員推薦？ 我二話不話咁提出阿怡，但我唔知道呢刻嘅阿怡仲執著於化妝嚟展現自己，定敢於喺鏡頭前以最自然方式見人，我靜悄悄咁放低劇本喺佢堆化妝品前，然後寫張字條，希望開拍當日佢會出現。
“ 我仍然喜歡以前最自然嘅你，你喺我心目中係最好嘅演員同女朋友＂
「喂!究竟你推薦嗰個人係咪真係嚟架？如果無嘅，我地都有後備人選架！」公司負責人急著說。
我望一望手錶，再望一望門口，然後笑了。
《詭異化妝液》
完
***************************************************************
PS:
其實之前都寫過篇"夏天真係為大地帶來美腿"嘅恐怖故仔。
今次講化妝液都係想帶出一個主題，就係自然美先係最吸引。
有時侯見到好多女仔夜瞓、又少做運動，令到自己個樣開始殘，就用化妝遮掩住，好怕人地見到自己無化妝嘅樣。
其實我覺得如果真係鍾意你嘅，又點會介意你素顏樣呀。化妝唔係唔好，係多於少嘅程度同埋始終對皮膚有傷害。
所以Hard sell下！
即登記(Oasis Group HK【裸肌體驗】三項全肌能護理：http://goo.gl/uw5g87
#nudebeauty #裸肌體驗 #JoeyYung #容祖兒 #OASISmedical #OASISbeauty #OASISgroupHK #全肌能醫美專家 #新一代HIFU #輪廓提升 #韓式22穴 #活顏還初 #激光脫毛 #細緻嫩膚 #初生膚質 #完美輪廓 #搵食要賣下廣告 #支持下 #至多我幫你化妝 #出快D故
