［功夫兩個字，一橫一直，錯嘅瞓低囉，企得番喺度嗰個先啱晒，係咪咁話？］ 唔使等聽日開市，唔使等ADR。
本人持有少量（大量就變咗牧羊少年發達了），驚？冇撚驚過。
之前有讀者食飯係咁問我「下一隻騰訊」。正所謂佛在汝心不在吳宇森，何需外求。
好多人嘅問題（當然包括我）係自己。唔改變你自己，畀個冧把你都係冇用。
真的，美國嘅，大把（比例相當高）中六合彩之後唔使十年都破產。幾多明星球星搵埋幾多，晚年一樣潦倒過棉蘭老島。
所以後來先有門產業，真理財顧問（唔係啲MK荷里活廣場西裝金毛仔），幫呢啲友諗定。正如之前寫鄧成波鄧兆尊，你球星晚晚群交冇所謂（中學老師話有性衝動時唔好自瀆，去做打波出身汗，唔知乜邏輯，我見啲球星打足3OT都仲有力玩女），使得幾錢？最怕就走去搞生意。讓專業的來，收你些少錢，幫你買下勞蘇基金，出下波鞋出下NFT，保你晚年唔使堪輿。
香港嘅？唔係冇，但少啲。因為核心信仰買樓再樓到買樓。
但，「嚟多次沙士」又點？舊年股市咪「嚟多次沙士」，我叫人買，呢度啲留言屌到我開花。好多人死呀經濟大蕭條呀。「好彩我冇撚理佢地」
講返，騰訊下話，事後睇個個都有早知冇33D。唔好講遠，你睇2018，挑，咪個個都話股王不再玩撚完。高位隊四成呀，個個「止蝕」啦。
共產黨信唔過下話，蘋果2018年都高位隊三成幾。Steve Jobs 投埋胎都出毛了，啲友仲係屌蘋果冇創意食老本冇突破Steve Jobs滶到翻生。你啲網友就至撚有創意。話你知，全無突破人人皆媽話牙簽仔呃錢嘅AirPod，一年嘅銷售，比得上成間Netflix 。
今晚Patreon 講多啲騰訊。嚟多次沙士你都只會低位打靶🎯，所以Don’t wish for it 。
牛年比別人知得多。subscribe now.
Patreon.com/ivanliresearch
