《我和葉劉激戰後的賽後報告(簡單版) - $18小菊花如何化解一場潛在大危機》
本來我想自私地在我的mewe或patreon去講這件事，不過細想，錄音唔夠仔細，我還是文字交代好了。 這兒先上簡單版，完美詳盡計劃在Patreon。
曾經我上過《視點31》跟施永青辯論，講移民。坦白說，無乜火花，大家可以重溫一下。
我人唔太好辯，屋企家教教落見到長輩要保持禮貌和風度，我會質疑他，卻不會爆seed，絕對比李臻硬，不mild，但我總究不是黑人size。
後來有一次我和尤監製、黃雅文和Gloria飲野，佢地提出找葉劉，我無所謂，中間我可以斡旋配合一下無問題，反正就是一個gimmick。笑佢腿靚、身材好是一個橫跨左中右、黃藍紅綠的網絡笑話，能夠把一個笑話放上台面，都是一個成就。撕裂係唔會修補到，但派下花生，起碼無作孽。
本來港台是想約我們一起行山拉筋做運動，我配合的，但最後還是去了錄影廠做對談。
45分鐘是辯不出什麼，也不會解決到社會問題。如果社會問題咁易搞掂，世界就簡單多了。我也不會靠思辯技巧辯得贏葉劉，輸硬的，我可以用強，然後變成互相打泥漿摔角，但無意義的。
同樣的戲碼阿叻和杜汶澤已經示範過，我唔會做到更好的效果，拗已經無謂，也無勝算。Over my dead body是大律師，口甜舌滑哄到選民相信法治多年，一個靠把口搵食的大律師在《反蒙面法》都比葉劉屌打到體無完膚，我點贏？葉太同黃毓民2003年辯23條架，佢係黃毓民的對手，香港有咩人可以同黃毓民同台半個鐘而不倒下來？全香港700萬人個個都識葉劉，我得14萬facebook follower咋，無人識架。
同埋呢個節目好freeflow，本身就無野prepare，明明無提過講紫荊黨，然後傾得high又講左果部份，我無乜視像經驗，原諒我有點小緊張。
節目算亦莊亦諧，亦善亦膠。
後來我們有討論一些有莊重的話題，也有問葉劉點睇紫荊黨，我請葉劉盡快釋放MPF給所有人應急。最後我引用毛澤東在延安講過的「存地失人，人地皆失。存人失地，人地皆存」來總結香港作為我們的家。相信，大家只關心小菊花和美腿，留意的不多。我也有一點深度，但不介意效果先於一切
曾經我FF過香港可以好似十年前的《康熙來了》的主持小S，飛撲去馬英九身上吃豆腐，問政客性生活，調侃佢地，但香港無呢個土壤孕育這些節目。送花係極限，後來有一段佢讚我靚仔，本來我想讚翻佢「徐娘半老，風韻猶存，沉魚落雁，閉月羞花」，話到口邊出不來。
現在的效果和狀況幾好，我成為小丑，大家睇得開懷，在緊張的社會環境下添多了笑容。葉劉收了花，很高興，她好像也enjoy這樣的交流，希望對港台的好感度會上升多一點。港台少了一個潛在大爆彈。我自己上了google trend，多了人認識，大家覺得我好好玩、幽默、手腕高，腦筋靈活。
話時話，以下是求職廣告，有無人或公司請我做公關，做顧問？我等錢洗......講笑咋。叫多點人訂閱我Patreon和FI Prime啦唔該，寫咁大段，唔係唔賣廣告咁蝕章下話。
文字版Water Podcast：我和葉劉激戰後的賽後報告(完整版) - $18小菊花如何化解一場潛在大危
https://www.patreon.com/posts/44838167
Muddy Water渾水財經Channel
https://mewe.com/p-front/%E6%B8%BE%E6%B0%B4%E8%B2%A1%E7%B6%93channel?fbclid=IwAR1N83Tsggg1gw5ufnlyiocxDCJodIkQWXkSocK5UEaK8E1lbuL2UJlBN5A
渾水財經Channel x Fortune Insight 獨家眾籌出版《港斃。港完：國際金融中心崩壞史》率先網上預訂：https://muddywater.fortuneinsight.com/web/
你的支持，將會在香港金融史上烙下痕跡。
至於想知多點制裁對國際金融、香港個市的影響，可以訂閱我《金融經濟精神食糧》逢一、三、四出刊登專業財金分析文章，另設特別環節：每週解答觀眾問題、100萬模擬倉投資部署和每日金融財經Podcast，幫你補補腦
https://prime.fortuneinsight.com/web/muddydirtywater
另有每日Podcast、特選內容Patreon:
https://www.patreon.com/muddywaterfinance
mpf投資 在 強積金供款什麼要注意？MPF超強整合包【投資買乜好？｜EP4】 的八卦
強積金 應該如何選擇？2022年 強積金 嘅 投資 表現真係強差人意，倒數香港人的 MPF 供款戶口都在虧損， 各位 投資 理財新手， 剛剛踏入社會的年輕人， ... ... <看更多>