有咩情境，係女朋友會笑住同你講：「你真係好賤呀！」？
兩個人一齊住，每晚最大嘅掙扎就係 … 食唔食宵夜好。
自己一支公嘅話，最多都係淥個杯麵，快手快腳食完就算，但身邊有個魔鬼嘅時候，就會好想一齊食好嘢，仲要食到超豐富。
女朋友初時好堅決：「肥呀! 早啲瞓好過啦，唔好食嘢喇！」
不過，身體最誠實，當我買完宵夜返嚟，佢就會講句：「你真係好賤呀！」然後笑住咁食，仲食得多過我。
女人不嬲都口是心非，逐漸佢仲瘋狂過我，一過十二點，就好似可憐嘅貓仔咁望住我：「好肚餓呀⋯⋯落去買嘢畀我食！」
佢嘅要求由普通一個甜品，變到愈來愈複雜。坦白講，有時沖好涼，其實都會唔想落街。
於是我諗到，買定晒零食，肚餓即食，但耐咗女朋友又會話：「我想食熱嘢⋯⋯」
天呀！要滿足女朋友嘅要求真係好難⋯⋯又要快，又要好食，又要熱，但幾難我都要Try my Best⋯⋯
今晚，當女朋友半夜煲緊啲Oppa劇，竟然想同我講想食「炸雞」，我真係想投降，但當佢都覺得自己有少少過份嘅時候，我已經喺雪櫃拎咗包 「味之素日式炸雞」出嚟，叮咗兩三分鐘，配個烏冬，擺喺佢面前！我覺得自己仲型過啲Oppa！
叮個刻已經有濃濃既醬油香味，放件炸雞入口一刻，啲肉汁幾乎爆出嚟， 女朋友感動到仲開心過收到鑽石，所以話對女人嚟講，Timing先係最重要！
其實，點解女朋友咁煩，我都樂意醫飽佢個肚? 唔係我好，而係我都好享受深夜時份，兩個人一齊食宵夜煲劇，有一種世界得返我哋兩個嘅寧靜、幸福感覺。
#味之素 #日式炸雞 #宵夜 #叮叮炸雞 #MarketPlacebyJasons #AEON #一田 #HKTVMALL #大昌食品
