《要to be honest 咁承認自己成為老野，再不停J 返自己嘅青春回憶》
2017年最後一日，我去左睇楊千嬅倒數演唱會...
其實我知，入場前我已經知...
佢唱歌其實唔係好好聽，比汪呀姐好少少，跳舞唔係太好睇，比did did 姐跳嘅鈣質舞好少少，著衫其實都唔太時尚，可能比GEM 個啲時裝車禍好少少。各樣野都唔太出色，我都依然比錢入場，呢個舉動表面看來係唔理智嘅。但就好似古時睇TBB 茶時古鄉濃個句歌詞一樣「你也許不算最完美(誰叫你歡喜) 」...於是我都有買飛睇。
的而且確，開場之後發現...
楊千嬅個頭真係染到仙杜拉咁，两鬓斑白，呢個look 配返大家對佢「人瑞歌手」嘅稱呼，確係幾ironic 嘅。每一首快歌，當佢嘗試好努力咁跳舞，嘗試「轆地沙」，打關斗，都會令觀眾感到驚心動魄，因為佢每一個舞步，都會令大家憂心佢骨質疏鬆。朋友話「真係好感動，平時只會見到城城喺移動舞台上跳舞，楊千嬅都敢試，真係睇到佢個份努力」。佢每次換完衫都唔係特別好睇，甚至有啲款好似我和春天有個約會嘅麗花皇宮咁。來到第9 場演唱會，大家都feel 到佢唱到冇咩氣，於是大家都好似neway 唱好K 咁，一齊唱。
佢本人都自嘲話「真係好感動，廿幾年第一次見到唱慢歌大家都企起身」。大家對佢確係有份不合比例嘅偏愛同包容，其實只要佢出現，我地都收貨架啦，肯左右跳下都係bonus 來架啦。
對楊千嬅，我地個個年代嘅人，係有一份偏心，呢份偏心唔知由幾時建立...
可能係由903喺佢唔係好紅嘅時候，都頒女歌手獎比佢開始建立嘅，可能係喺「明明容祖兒多hit 歌過楊千嬅，唱得好過楊千嬅，都冇楊千嬅咁受歡迎」個時建立嘅，可能係唔知點解林夕寫比楊千嬅啲歌詞都比較虐心而建立嘅。總之，個個年代，大家明知楊千嬅唱得冇咁好，大家都偏幫佢，總係比佢得到最後勝利。
後來我諗返，其實我地唔係對佢有偏愛，而係我地對個個年代嘅回憶有偏愛...
的確楊千嬅係我地個個年代最紅嘅人，可能喺好多年青人嘅心目中，唔明白我地對呢個聲色藝都唔係好好嘅人，點解有呢份偏愛同吹捧。楊千嬅點解會贏到大家嘅包容同偏愛，我諗佢係贏左喺，佢佔據左我地嘅回憶同青春。大概呢啲 就好似我地唔明點解有人會鐘意汪明荃，點解明荃實亡個會，會有咁多死忠fan 屎。有啲野，只有個個年代嘅人會明白。
楊千嬅喺呢個演唱會，有嘗試做好多新野，佢好努力咁希望做到有進步，我feel 到佢唔想喺大家心目中，自己只係一個過去嘅回憶，佢想有革新嘅感覺。
我諗，大家都appreciate佢嘅努力，但其實佢真係唔需要做呢啲野。朋友話，佢表演嘅新野，唔係我地班老野想睇到嘅野，我地呢班老野，只係想recall 下個memory，懷緬下，表演新野，就好似活化古蹟咁，我寧願唔活化，保留原有嘅面貌。(正如，我都唔覺得汪呀姐啲 fan 屎會鐘意唱「經過那些年」個啲 新歌。)
楊千嬅演唱會個theme係倒數，佢話人生最大嘅倒數其實係由出世開始，所以要好好珍惜時間。個下有啲 感觸，我地成日話而家啲新歌唔好聽，其實唔係而家啲 歌唔好聽，而係我地呢啲老野，冇左聽新歌嘅時間同loyalty，再先入為主咁，不停回味當日我地仲係年青個幾年，最hit 個啲歌，不停J 自己嘅青春回憶。
look地沙 在 20 Smart Ideas How to Make Small Bedroom Look Bigger地台 ... 的八卦
香港全屋傢俬訂做室內空間設計傢俱訂製睡房訂造廚房定制公屋家具私家樓兒童房香港公屋麗翠苑45人单位全屋家具定制榻榻米订造地台床整体定做香港公屋全屋定制家私家具 ... ... <看更多>