Error自肥企劃已Eva作始，也以Eva作結。到最尾，大家都冇變成橙汁（LCL之海）
Eva係神作，歷久常新，係我哋呢一輩嘅經典。我係冇可能三言兩語講晒佢嘅世界觀同哲學觀出嚟。
我只能夠以外有限嘅記憶同粗梳嘅理解去講，人類補完計劃係某種上層特權階級認為嘅人類進化新方式，即係意味着我哋放棄肉身嘅界限，消除所有個體，將所有人類意識集合成為一個大海，個核心關鍵就係「大家互相了解，冇隔膜冇謊言」
最後Mike有一句感言，勉勵所有留在香港嘅人繼續喺自己嘅崗位努力，戰鬥。咁岩撞正最近《十年》導演發表偉論，Ventus家書，引起咗好多移民要走要留嘅討論。我真係唔想再花時間去講呢一啲無聊野。但係好肯定嘅係，走咗嘅人同留喺度嘅人要互相理解，係有一定嘅難度。
我比較尷尬，我決定留喺香港多四年，四年之後我就會移民，呢個係我本身2016年已經有嘅人生規劃，唔關社會運動事。
香港依然有好多人繼續努力，呢幾個月，我們香港人齊心合力，全民造了星。
電影人自強不息，游學修同蕭生嘅對話，都係講緊無耐之前嘅事，杜琪峰古天樂呢一啲好有心嘅神枱級電影人，依然繼續喺佢哋嘅崗位努力，做好本土文化電影，佢哋亦都接受Mirror，我睇咗兩次Mirror演唱會，都見到佢哋，睇怕佢哋已經磨拳擦掌，開發緊新嘅項目。魯庭暉開台五年，一直相信後生仔，到而家開花結果了，打到Tvb有氣冇埞唞
不久嘅將來，可能會有奧運或者有其他運動競技活動，依然有一班人係代表香港努力緊，我做觀眾嘅，依然都係果句「香港加油」，而唔會講啲咩「南深圳加油」
你能夠離開香港，搵到自己生活方式，我衷心恭喜你，因為呢一個係我四年後嘅奮鬥目標，我羨慕都嚟唔切。走或者留不一定是極度二元對立，你走咗，依然可以繼續支持香港。香港有好多在囚嘅年輕人，最近天氣好熱，佢哋都面對麻煩，如果你能力範圍幫到嘅，不妨諗吓點樣去幫佢哋。
或者你覺得太複雜，香港有好多做內容嘅人，你可以貨金去支持。你唔俾錢，繼續睇佢哋嘅內容都冇問題，我哋有音樂、電影、YouTube創作、文學，就算最簡單你上網睇Mirror, Error，好多唔使錢，呢啲亦都係支持。他朝喺運動場上競技，見到香港隊，心入面幫手打氣，嗌番聲「香港加油」，都係一種支持。
屌，我真係有兩篇碩士畢業文要交，其中一篇已經過咗deadline。我真係要再集中精神，唔應該再打呢啲口水戰
lcl之海 在 [問題] LCL是怎麼作的？ - 看板Evangelion | PTT動漫區 的八卦
生命果汁這些LCL應該也都可以在套上AT立場後形成人類(反過來就是人類除掉AT立場就還原回果汁)新劇場版的海是LCL的血色應該是在暗喻這個版本的世界是前一次的重灌版二、 ... ... <看更多>