呢單嘢，其實好嬲個業主。
當年「來佬」租呢個鋪位，$110萬一個月租，我哋花好多錢裝修，投放好多心血。
做生意的，我們勇字當頭，但永遠不及做業主的雄心壯志。
業主心中那盤數，總是水未漲，船已高，未完租約已無情。
業主視覺：「哎吔，租金訂得太低，實在太益個租客。」於是，租客等於仇人，一起租，租客就係阻住業主發達，要諗盡方法想趕客。
當年，我們其實租了4層，再買了1層，裝修大半年，執了又執，那個dumb waiter，是為了送食物時比較衛生保溫，也為了配合懷舊主題。
開業約半年，新業主（下屬）就同我哋講，死期約滿後大廈重建，最好搵定地方搬。。。
喂！真係好灰，啱啱開張，一盤冷水照頭淋，真係要有好頑強意志先至做得落去。
但既然建立咗自己品牌，就好似親生仔咁，唔通你唔做好佢咩？
好快，頭三年死約期過去，業主又話：「而家未重建得住，可以繼續履行生約，但隨時3個月通知你走，你就要走。」
係咪好discouraging呢？租鋪做生意，用6年做depreciation，條數已經好難計，真係要去到好盡，一日開成廿個鐘，要好好生意先得。。。結果我哋係好好生意㗎，成條街由鏞記打後，只得「來佬」門口日日排隊，但距離回本仲係漫漫長路。
做老闆，其實無得揀㗎喎，當業主咁樣同你講，唔通你對同事坦白：「我哋呢度隨時要搬，點做都損失慘重」咩？
有啲說話，係唔講得嘅！可以自己打落門牙和血吞，但唔可以擾亂軍心。
租好貴，條數無得計，但羅生仲係心繫威靈頓街，於是我哋租咗隔離間鋪，開咗「大官廳」，都係4層，然後將「來佬」搬咗去灣仔杜老誌道5號，Red Mr 樓下。
而家，我仲係好懷念以前喺斜路既「來佬餐廳」，尤其是嗰條木樓梯，同埋部懷舊既dumb waiter。
間鋪喺「來佬」搬出後丟空成幾兩年，而家租$18萬4層鋪面，我睇到真係喊出來！想當年係要過百萬租仲要睇人面色，加幾萬擔心血，再死無數細胞㗎！
業主呢種動物，點解會咁諗嘢架呢？鍾意就加價，鍾意就趕租客走，鍾意就劈價。而家「來佬」既租，平過隔離面積只得三份一嘅「大官廳」一大截！
新租客有眼光，而且真係租得好抵，超抵，中環威靈頓街連地舖平均$25呎這些機會，做office都抵啦！
我會去「中環茶記」幫襯，順便探探部dumb waiter。
#loyaldining #來佬餐廳 #dumbwaiter #fandbbusiness #landlord
landlord業主 在 業主英文landlord在PTT/Dcard完整相關資訊 - 萌寵公園 的八卦
业主 ；地主；房东英文_业主；地主；房东英语怎么说_翻译业主；地主；房东的英文翻译：landlord…，查阅业主；地主；房东英文怎么说，业主；地主；房东的英语读音例句用法和 ... ... <看更多>