做爸爸的感覺, 其實從妻子懷孕時, 便已開始.
每次照超聲波, 最怕聽到醫生第一個的字, 是 ‘咦’.
後來, BB識郁手郁腳, 踢媽媽了, 好開心.
卻是, 又求神拜佛, 你玩還玩, 千祈唔好玩臍帶!
BB出世時, 她的一聲大喊, 震驚全場, 也令我舒一口氣.
但, 拿到手時, 第一件事, 便是數下手指腳趾有無多同少!
又喜, 又怕.
做爸爸表面無嘢, 實際比女人還緊張!
湊BB, 哺養她.
她吃得多奶, 好嘢.
轉過頭, 嘔返晒出來.
我起初愈HIGH, 跌得愈傷心!
她打針時, 痛得大哭起來!
我恨不得對醫生說: ‘嚟緊D針, 我頂晒佢!’
BB第一次轉身, 第一次識爬, 第一次叫爸媽,
我便捉著老婆的手跳舞!
BB發燒, 撞親頭, 瞓唔冧,
我也是捉著老婆的手, 叫她不用擔心……
卻是, 心中赤赤痛, 有苦自己知!
每晚下班, 立即趕回家.
好在BB睡前, 和她見面玩耍.
晚飯不吃了,
因為, 吻著她, 更加好味!
每時每刻, 都想陪著她.
前一分鐘, 後一分鐘, 她樣子仿佛已不同.
恨不得眼睛成為攝影機, 好能CAP低她的每一秒.
今天, 囡囡一歲多了.
她的相片, 無日或缺.
我把重要時刻的相都曬出來,
存放在FRISO的密實罐中.
好讓囡囡日後長大了,
一朝打開時,
便會知道當日成長的每一刻,
都有爸媽在身邊.
對我來說, 我的每一刻, 則都屬於女兒的.
陪晒囡囡, 唔出外應酬了!
朋友們, 唔好意思, 我認有囡囡便無人性!
因為, 女兒每一聲叫喊, 都像有魔力般,
令我忍不住便衝過去抱起她!
然後, 她要什麼, 我俾什麼!
老婆看在眼中, 說我已被個女食住了.
我也認了,
因為, 原來被個女食住,
的確是很過癮的!
#FrisoHK #肚仔輕鬆 #自家輕鬆密實罐
frisohk 在 Friso HK - YouTube 的八卦
FRISO PRESTIGE®與兩位「星級細路」攜手打造全港第一首寶寶成長freestyle！支持媽媽用Free-range parenting的育兒方式，以融合天然珍稀營養的原乳*免疫力量，打造寶寶 ... ... <看更多>