每年都總會loop一次restrainer的新聞
病人或家屬圍鞭香港醫護無醫德，醫護解釋現實環境無可奈何要用約束帶。
是的，在外國發達先進國家的確是不會用約束帶，亦甚少用化學約束例如鎮靜劑。
但我們不能抽空現實冠冕堂皇大義凜然地講人地外國點點點，香港過時的做法要取締要改進，再+/-評擊醫護人員無良心無醫德，為省功夫時間就落約束帶，無視病人尊嚴和權益。
是的，醫學院都有教對delirium的病人，約束只會令他們更亂，正確做法為安排單人房、調教張床落地、叫家屬在醫院陪同提供相熟環境、再治療引致delirium的underlying causes如常見的尿道炎、肝腎功能出事、電解質失衡等等，必要時+/-護士1:1照顧。
是的，教科書和臨床指引這樣教，但香港現實環境容不容許？講緊夜間護士1:14-18或以上時、成間病房分分鐘只有一兩間單人房、病人多到病床放廁所外面時，到底點樣安排單人房和家屬陪同？
好多人都鍾意諷刺醫護人員成日講「錦鋰有咩高見」，覺得醫護不思進取不肯去改變個環境。
其實成日笑人講「錦鋰」的人，講得出呢句的代表你地從來無諗過要怎樣manage同照顧病人。人手得咁多、資源得咁多、床得咁多、我今日1:1去照顧Delirium的病人，就睇不到其他病人，如果其他病人出事，到時點算？難道其他病人就比你低等，不值得1:1照顧？如果每個Delirium病人都1:1去睇，又有無足夠人手和資源？
有讀過經濟學的都知道opportunity cost，選擇就是捨棄，如果你永遠抽空當中的成本，只懂得大義懍然地講高尚的做法，無視現實實際的執行成本和難度；到問你有咩實際方案就淨係識「錦鋰錦鋰錦鋰」，你只不過是離地不負責任的tantrum throwing child
好多道德界KOL批評醫護明知香港公立醫院政策落後都不推動改變是為無醫德無為病人爭取。連工都罷埋面臨醫管局秋後算帳的危機都做埋，都叫無為病人爭取，香港醫護從頭到尾都是俾你們用來搬龍門用的on demand condom而已。
香港公立醫院是很落後，排個白內障total hip replacement都講到5-7年，靚少少的藥不開得，新和貴的藥要自費，公立老人院舍排到2046，你覺得咁多年醫護無爭取過咩？個系統和環境講咗幾多年，每年卻換來Cut funding
是的，這些悲劇一單都嫌多，但香港醫療問題不只是幫不幫個病人配戴約束帶咁簡單。
首先香港人要慢慢接受「老人家會跌死」呢個概念：
跌到head strike有腦出血風險、跌到hip fracture 1年內死亡率有40%、老人家在醫院跌死不一定是醫護失職。如果fall risk assessment，講得清清楚楚high fall risk而個病人堅持unsolicited mobilization的話，呢個係informed decision去承擔跌死的風險。
選擇就是捨棄，選擇不用約束帶就要承擔風險。
Admit it, the system is f’ed and the truth is ugly.
#個病人都係要manage
#你嘲諷完錦鋰後
#個病人打算點處理
#定係笑完個病人就唔會亂
fracture醫學 在 前十字韌帶重建(脛骨平台骨折）Acl avulsion fracture 爬山回場 ... 的八卦
運動傷害-前十字韌帶重建(脛骨平台骨折）Acl avulsion fracture 爬山回場feat. ... CUHK Sports Medicine Team 中大運動醫學團隊. ... <看更多>