話說有日，我收到一個dm：
「Leo，你好！好唐突send訊息俾你，平時都留意你的facebook。我有個不情之請，我係XXX嘅學生，自己都有做下part time，不過我7月因為政見同屋企人吵架之後，就搬咗去XXX某單位度住。我今個月part-time少咗，你可唔以借XXX蚊比我。我下個月會俾返你。我已經搵咗份新part time，有通宵更返，可以有多啲錢。我可以影身份証同學生證俾你。因為我嘅朋友都無咩錢，我又已經冇晒屋企人。我希望你睇到我嘅訊息。謝謝你！」
然後，我覆佢：
「可以，但你要陪我食餐飯。放心我請。」
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
幾日後，我同佢去咗間餐廳食咗餐。
我：你有上前線？
佢：有呀！
我：保重呀！
佢：會呀！
我：咁你做咩崗位？
佢：乜都有，滅煙、搬下嘢、支援，但我身型唔可以太衝。
（我見佢身型，真係仲細粒過我，所以明白佢唔太衝係咩意思。）
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
我：咁你離家出走住邊呀？
佢：住劏房，不過租都要$4300，所以自己住生活都好難。
我：咁你借$XXX夠駛？
佢：兩個禮拜ok呀，之後我有part time出糧我就有錢。同埋我有啲老麥劵。
我：一星期食幾多餐老麥？
佢：都三四餐。
我：食咩多？
佢：麥樂雞餐囉，最平㗎啦，$25。
我：啲劵點嚟？
佢：有個組織捐俾我哋嘅。（見comment我放咗資料）
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
我：其實你哋覺得個運動跟住會點？
佢：唔知㗎。
我：唔知你哋又咁堅持嘅？
佢：咁612之前我哋都冇諗過可以推返條惡法啦。
我：612你都有出？
佢：有呀。
我：你係咪逢活動必出？
佢：係呀。同埋幾個同學仔。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
我：你真係唔搵返你媽媽？
佢：唔啦，佢都唔會搵返我，佢掉晒我啲嘢出街。
我：唉。（少少想喊）...... 保重！（我重覆又重覆咁講「保重」，因為我真係好擔心）
佢：盡量啦！
我：係，盡量啦！
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
然後，我用信封入咗啲錢交俾佢，交低咗聲「你有先還」。再然後，我問咗佢好似好普通嘅問題，「啲嘢好唔好食呀？」佢答「好食。」嗰個表情，係我見過覺得最「好食」嘅表情嚟。再再然後，我目送佢離開，繼續搭車返學，聽聞今晚又有活動了。
各位手足，保重！
#文宣波 #以上分享已得當事人同意 #原相已delete
dm意思 在 DM” 的中文意思竟然不是「傳單」？！｜HOPE English希平方x ... 的八卦
今日的#五次間隔學習法要來介紹大家常用錯的台式英文啦大家常講的“DM” 原本的英文意思竟然不是「傳單 ... ... <看更多>