每日一鏡仔: Jer
Mirror 入面唯一天蠍，作為天蠍同鄉會特別有種親切感的。而又因為咁，我會好明佢。天蠍要表面去融入一個團體好容易，但係其實心底裏面好慢熱。又因為對真實嘅情感有潔癖，所以心靈進入一件事會寧願保持all or nothing ,一係唔俾，一俾就俾晒。所以，喺camp 入面，jer 算係我好遲先進入到內心嘅一個人，但我完全理解，因為如果將心比己我都會係一模一樣。
剛剛認識嘅時候總係覺得即係一個小心翼翼嘅人，後來喺camp入邊傾完計就知道點解。多謝你果一晚勇敢地分享你嘅諗法，講出黎真誠嘅感受，之後你同Ak ,同Lo 之後個抱頭痛哭，嗰一個畫面，我永遠都唔會忘記，而放喺給自己的信重現時，亦都係睇幾多次都會感動。我唔知最後節目出街嘅時候究竟會有幾多俾觀眾見到，但係呢一個經歷實在比起節目效果重要得多了。
Jer ,唔需要再步步為營，放低過去，更要拋開將來，反而好好真切地投入地享受每一個當下，淡忘前因不顧後果，大概就係呢個意思了。感受，享受，釋放，綻放，聽落好容易其實需要人生最大嘅勇氣。加油，互勉之!
Ps 可能你哋唔會知道，jer 係最後兩場演唱會，其實拉傷左大腿肌肉，肩頸亦都拉傷了。當大家睇到佢狂人日記嘅時候，同呀Lo dance battle 嘅時候箇中投入箇中瘋狂嗰種義無反顧，又有邊個知道其實佢出場之前都仲係好痛好痛呢？truly respect !!
#jer
#mirrorweare
#我知道你哋等得好心急
#但係真係唔想求其寫囉
#每日一鏡仔
#個每日係有誤導成份
#咪再DM我催稿
#♏️
咪再dm我催稿 在 咪再dm我催稿 的相關結果
explore #咪再dm我催稿at Facebook. ... 一係唔俾，一俾就俾晒。所以，喺camp 入面，jer 算係我好遲先進… See more. All reactions: 504. 2. Like. Comment. ... <看更多>