daimler美股的八卦，PTT、MOBILE01、YOUTUBE和Yahoo名人娛樂都在討論

［都話入港版納指！］TLDR：王維基市值唔止過咗777頭，夠入「港版納指」。仲超過晒所有香港傳媒股……加埋！係加埋！一個打十個！真係十間！

1. 少少標題黨，但真係冇呃你。王維基隻香港電視HKTVMall 1137，越升越有，今日12蚊都破埋。109.7億市值。留意一般我鍾意齊頭數，106億我都會寫110億，但今次冇，自然有原因

2. 過咗777頭，亦真係冇呃你，隻網龍777，呢排係咁跌，最新市值已經去到109.1億。係喎，王維基過咗頭。

3. 咁本身唔係特別拎777出嚟講，但點解係將王維基同呢隻比？因為，而家777係「港版納指」，恒生科技指數入面最低市值嘅一間。王維基市值過咗佢頭，即係已經打入指數門檻。嘩！

4. 係喎，有人7月已經咁講。邊個？之唔係區區在下我本人。計登咗出媒體嘅（網媒都計，但唔計你飲大咗同人講），本人全球（講到好似香港以外有人理咁）第一。（https://bityl.co/3Iaj），服未？當時都有人話不可能。我寫嗰時（7月24日），1137係網龍嘅一半咁滯。本人就話think big，估佢一年內就過頭。「他們說沒可能」，話香港市場咁細。結果？只係用咗兩個月。

5. 所以，真係記得睇本人Patreon，更多正嘢，真的（https://bit.ly/31QmYj7）。冇正嘢都當支持下（＊）近500人訂咗了（＊＊）

6. 好，廣告完飛機完，都畀多啲資料你。

7. 留意返，恒指季檢，下次係11月中，「港版納指」一齊，所以至少都等多兩個月先。

8. 另外，詳細我冇睇。但到時真係落選，都唔使即時鬧住。因為之前有人話港版納指全部大陸股（其實唔係，有ASM太平洋 522），型住可能呢啲考慮唔會畀1137入喎。

9. 呢啲本人不能代答，但可以講嘅係幾樣嘢。首先，都話11月中「港版納指」先季檢，咁如果1137忽然大跌，或者777忽然大升，就另一回事啦，呢個大家會明。

10. 另外，嚟緊仲有大型科企上市，例如隻螞蟻。基本上必入「港版納指」。咁死啦，你限死30隻喎，咁即係點都要踢走一隻。變相王維基唔只要大過包尾嗰隻（呢刻係網龍777），仲要大過尾二嗰隻（呢刻應係丘鈦1478）。所以我篇文都寫明，「看看是港視升得快，還是巨企上得快。」。事實如果指數限咗成份股數目，門檻多數會越嚟越高，你睇恒指就係。有啲被踢走嘅公司根本唔係市值冇增長，問題係有啲阿里巴巴之類嘅巨無霸一入嚟，又限住50隻，咁榜尾個門檻就高咗。

11. 仲有個point，technical小小，我冇睇詳細。但例如之前話50億市值可以入滬港通（即係大陸佬/北水可買），呢50億市值，都唔係計落閘嗰日—否則好易畀人game the system（香港國技）。我記得係用過去12個月每個月月尾嘅平均。至少要game 足十二日。我冇細睇「港版納指」有冇呢個機制，但想講市值未必只睇一日。

12. 當然了，最後恒指公司都有一個discretion（好東西，誰不愛？），所以次次都有啲意外，任你大行點計（以前我都玩過），有時都估唔到邊隻出邊隻入。例如上次季檢都有呢個問題。

13. 如果下次王維基個市值夠大而冇入，就少不免又會有好多人去問了。不過以我理解，恒指公司過往作風都係畀啲官腔答案你，不評論個別個案，只係話你知唔只係睇數字，咁咯。

14. 講開又講，嚟緊文會寫，如果我冇記錯，人人愛炒嘅　任天堂，係不在日經平均指數成份股入面的。225隻喎！原因？我都唔肯定，市值肯定夠大，係有歷史原因。下篇文解。

———————————————————————————————

15. Bonus：王維基嘅市值，唔止大過網龍777。其實呢，佢仲係大過晒所有香港傳媒股，加埋！真係十隻！一個打十個！甚麼鳳凰衞視我都唔知當唔當香港傳媒股，冇所謂，豪埋畀你。有線呢，除咗電視，入面仲有惡名昭彰但其實賺到錢嘅有線寬頻，冇所謂，豪埋畀你。正如世界華文媒體入面仲有新加坡馬來西亞，冇所謂，豪埋畀你。全部加埋晒，都未夠1137大！

16. Viu同Now？唔得，冇獨立上市。

17. 當然，冇可比性啦，1137個名就香港電視，實則係宋子豪，冇做大佬，冇做電視好耐。但又返返我篇舊文嘅主旨：王維基電視夢碎 焉知非福（https://bityl.co/3Ibw）。佢繼續搞電視，可能係觀眾嘅幸福，但佢本人就應該唔多幸福了。

18. 事實亦係一個milestone，1137市值超過TVB時，我寫過篇文（https://fbook.cc/3Esq），而家大過晒所有傳媒股夾埋，再寫多呢篇。

19. 正如Amazon市值當年過咗Wal-mart頭，成為最大市值零售商，都係一單大新聞（https://bityl.co/3IcB）（但留意Wal-mart冇死到）

20. 同樣道理，冇耐前Tesla市值過咗Toyota 頭，成為世界第一，都係單新聞（https://fbook.cc/3Esr），咁啱嗰日我生日，特別記得（仲記得生日都要寫文）

21. 而家？其實剛好2個月後（你嚟請我食生日飯都仲得的），Tesla嘅市值超過咗……GM，福特，Fiat Chrysler，本田，現代，Daimler，法拉利，寶馬，福士………全部加埋！

（＊）雖則無聊，但都要講，其實早幾日開我冇再在文入面加插廣告。因為月尾，而Patreon係月頭收多次錢嘅。不幸地有人今朝走去訂（美國時間仲係8月呀！），我係有主動聯絡佢，私下退返錢的。良心作者。不過而家9月啦！插入廣告又回來了！

（＊＊）明明就454人都話500，都話鍾意齊頭數

—————————————————————
Ivan Patreon 狼耳街華人，一個星期至少三篇，一個月一舊水唔使，三星期已經近500人訂，仲有兩篇免費試睇：https://bit.ly/31QmYj7

————————————————————

［收費短片第八擊］美國總統大選買股部署

課程資訊:https://homebloggerhk.com/course_detail/?code=CC008

到上link會見到紅色按扭直接購買及觀看
題目:「美國總統大選買股部署」 /cc008

內容:
*美國總統大選買股部署
*美股8月終極一升，然後…
*制裁美國上市中資股，有乜後果？
*蘋果2萬億市值，之後點？。下間2萬億市值係？
*未買記得買返CCO06（下半年選股）同CC007（買金）

本星期內特惠售價: $80
課程編號：CC008
觀看期限：首次播放後一星期及限每影片４次
客服whatsapp: 63832145

本來這幾天要出差到北京和上海，但不幸中了B型流感，雖已服用特敏福，但仍持續發燒多日。現已退燒，希望不影響周五啟程的歐美之旅。多謝各位讀者關心，我也提醒大家要多多保重，如有需要，請聽醫生建議去打預防針。歌星的專業是唱歌，連戲都未必演得好，聽取他們的非專業醫學意見不止搞笑，簡直是用自己與家人的健康和性命作賭博！

不要說醫學那麼專業，就算跟明星去投資都很容易死。上周已提到，大部分中國相關的電影行業股，管理上都是亂七八糟（娛樂圈人的特性），很多都是靠明星效應在早期炒一輪，散完貨後就哀鴻遍野，死傷慘重。連原本人緣甚佳的趙薇（後來突然變成無人認識），曾有娛樂圈女畢非德「美譽」，參與過的股票短暫急升後，最後表現都非常差，去年被中證監罰停賽。

就算跟謝霆鋒去炒所有香港人都堅信「贏硬」的房地產，後果都非常悲哀。原來連中環商舖都可以長年租不出，結果要把租金暴減六成（未必是底），房產價值跌了多少，可想而知。就算住宅也未必一定贏，最近市場有銀主正企圖賣出一個亞洲金融風暴以來最大的銀主豪宅包，內有31個物業，成本價高達10億元。前業主包括知名內地商人和多間上市公司董事。跟名星風去買副眼鏡，買支唇膏無所謂，但跟風不信醫生和跟風投資就非常危險（想一想，其實似乎跟「名醫」去做投資更危險！）。

比特幣可視為風險胃納指標

感謝過去數天有很多朋友讚許我猜對了3件頗為重要的事。

（一）上周在另一文章，我提出了4個後市指標︰美十年債息、美滙指數（DXY）、德十年債息，以及比特幣。頭兩個比較普通，所有人本來都會留意，第三個較少人留意，但仍有少數熟悉國際債券市場的專業投資者應該有點概念。

第四個比特幣有點特別，更少人留意到它近月跟股市的關連性，似乎可被視為投資者的風險胃納指標。不約而同，在上周五的CNBC訪問中，DoubleLine Capital CEO岡拉克（Jeffrey Gundlach）也提出同一觀點。首先我要來個mea culpa（自己認罪），這比特幣觀察來自我的合夥人楊延德，當然我也認同這觀點。大家可能有錯覺中環是個one man show（一人秀），事實絕非如此，我們團隊非常優秀，包括多位年輕但已有豐富經驗，而且非常勤奮的投資經理、交易員和分析師。

英雄所見略同，不意外岡拉克有同樣觀點。跟所有人一樣，我喜歡被人認同和讚許，但絕無飄飄然感覺。認識我的人都知道我的做人態度，喜歡以事論事，不會因為某人很有錢或很有名就盲目認同他的所有觀點；但亦不會高傲自大，不聽他人意見，只要有道理，就會接受。說得好聽就是不卑不亢，說得不好就是有點「寸」吧！

有人問我為何提出這些後市指標，是否在提倡我早前批評過的「市場擇時」？如果可以的話，我都想找些準確的擇時指標，但不幸沒那麼容易。上周我已指出過，這四個指標最多只是「輕微領先」或「同步」指標。上周尾，美十年債息升至2.95%後迅速回落至2.86%，德十年債更從0.7%水平跌至0.65%，DXY則徘徊在90以下，這些可能是「因」，但「果」也來得很快，周五美股三大指數都大升超過1.3%（2月急跌後，納指已收復八成失地）。

比特幣呢？上周更有點失效，輾轉回落至1萬美元以下。可能比特幣的指標作用較防守性，大跌時對股市就有影響，只要徘徊在近1萬美元的較高水平，就不會引發投資者恐慌。

金融空手道 危企埋禍根

（二）亦有人讚我猜中安邦出事。上周國家宣布安邦將被中保監臨時接管一年，警告集團發行過違法保險和投資產品，有不能償還債務的風險。原董事長吳小暉更被告多項經濟罪行。冰封三尺非一日之寒，安邦、海航和萬達等萬億級危企又何來上周才出問題呢？

我承認很早已提出四大危企之說，至今中了三家，成績算合格吧。其實要猜對不太難，憑經驗去分析一下他們誇張的金融空手道財技，就知道這些金融神話必將爆破。他們利用監管漏洞，發行大量各種影子銀行產品，包括短期萬能險、理財產品、信託產品等等，再加高槓桿銀行配資，然後拚命四出收購全球各式各樣資產，結果短短幾年內就弄出這些數萬億人幣的金融帝國（叫紙牌屋更恰當）出來。

從前很多人喜歡把這些危企媲美為中國巴郡，這些亡命冒險家全都變成中國畢非德（所以我最罩忌這稱號），簡直是個天大笑話。近日有人形容安邦為中國AIG，這個譬喻較靠譜，但AIG在出事前是一家根基很厚的80年老字號，分拆出來的AIA（友邦，01299）仍是一家頂尖公司。到最後，安邦剩下來的可能只有一屁股要別人來買單的債。

我明白接管安邦的需要，要避免系統性風險，但不幸亦證明仍有「大到不能倒」這回事。雖有決心打破剛兌問題，但執行時必面對眾多問題。另有一點，如最後死線放在兩年後，反過來，這是否意味着兩年內仍有剛兌？無論資產素質多差的非標理財產品都真的有人兜底？

有人辭官歸故里，有人漏夜趕科場。上周又見報道吉利控股收集了德國戴姆勒（Daimler）的9.7%股份（市值90億美元），成為單一最大股東。昨天連不關事的子公司吉利汽車（00175）都急升了6.5%！

（三）修憲亦早已是意料中事。西方輿論必有爭議，但港股市場的中線反應肯定正面（A股在兩會前亦偏穩定）。除此，傳聞中的一些重要財金官員調動，以及監管機構的重組亦對健康資本市場發展有正面幫助。

港股經歷近一個月的整固，感覺上比之前更健康。但反而很多人突然擔心起來，認為今年全球市況有如2008金融海嘯前夕。我的觀點大家都應該清楚，美股確有點昂貴，但仍未算超級泡沫，最好是繼續整固一段長時間。但是否能做到都難說，有人指出就算在2007年，當VIX第一次急速上升後，經一輪整固，股市仍繼續攀升一大段。

港股業績前景仍樂觀

港股方面，建行（00939）、工行（01398）和其他藍籌的業績很快就公布。我相對樂觀，估計今年盈利仍將有近15%增長，市盈率僅約13倍，PEG更低於1倍。

我的合夥人楊延德有另一個更重要觀察，他認為今年港股走勢更像2015年的納指。納指在2000年曾升至5000點，爆破後曾跌八成，然後過了十多年才在2015年重上5000點。但再創新高後不久，又再下跌整固近一年，由5200跌回到4300，才真正再發力走強，升至今年7500點的高位，升幅多達75%！

恒指情況有點類似，2007年的32000點高位，等足十年才在1月升穿，但好景不常，很快在2月又再急速回吐12%。急升後調整是必然和健康的，經十年時間才再創新高，估值又低，說馬上玩完又再股災跌一半，開玩笑，不可能。

我也希望整固期盡量拖長一點（再試低位可能更好），最快等到年中才再破新高。四萬點，仍然在望！

中環資產持有建行和工行的財務權益。

［德國股市估值低殘］但殘得有理由，因為創科大落後

1. 經濟學人原文（https://econ.st/3feR8m4）。原文副題好妙：Germany’s leading stock market index risks becoming a corporate museum

2. 好似之前都想寫類似嘅嘢，但冇寫，結果又彈返出嚟。所以太陽底下冇乜新事。

3. 之前FT亦有篇文講（https://on.ft.com/2WdrpS4），1997年，教主回歸蘋果。當時蘋果市值30億美金，係西門子嘅十份一，而當年西門子係全歐洲最大嘅工業股（而家都仲係）。事隔廿年多啲，蘋果市值係10000億美金，唔止大過西門子N倍—其實係大過晒德國DAX指數三十隻成份股夾埋。見到分野未？德國錯過咗乜？

4. 講返，德國股市指數，DAX，三十間最大嘅公司，好多大家都識，男仔會識得更多，冇法，德國（至少以前）強項在科技，工程，汽車。你見巴黎或米蘭股市就會有啲潮牌。DAX嘅成份股，好多都老字號：Adidas，Allianz安聯，Bayer拜耳藥廠，BASF，寶馬，Daimler，德意志銀行，德國交易所，漢莎航空，德國郵政DHL，德國電訊，Merck藥廠（原來同美國分咗家！），慕尼黑再保，軟件公司SAP，西門子，福士汽車。

5. 真係間間大嘢，間間馳名，同埋　—　好似冇乜邊間有好嘢？你數下上面呢堆公司，邊間唔係近年大大鑊？

6. 一葉知秋（三十塊葉添），DAX指數嘅情況，亦都反映到呢個歐元區龍頭，全世界第四大經濟體系面對嘅困境

7. 3月，全球股災，DAX指數跌到低過1倍帳面值（＊）。之前只係試過兩次，就係2009同2011年，金融海嘯同歐元區危機。

8. 當然，當時全球股市都跌啦下。但，你見到德國股市，近年都係明顯跑輸其他。跑輸美股冇得講，但連英國法國都跑輸，就比較值得關注—特別係，德國經濟其實不比英國法國差。

9. 正如頭先講，DAX入面呢堆公司，好多都多災多難。福士第一季利潤跌八成幾，而家0.6倍book。德國漢莎有機會申請破產保護，或者要政府救，0.4倍book．德意志銀行更加係衰咗好多年，而家0.2倍book．Adidas 近來股價同業績亦跑輸Nike，至於西門子更係積弱多年

10. 成個DAX，就得兩隻tech 股（舊tech 撚，特別係車撚工程撚，堅持西門子福士都係tech，隨你，正如你話田雞係野味都得，不過冇人理你咁解。你鍾意話通用汽車都係tech股波音都係都得的，其實煮米線都好高技術含量）。
11. 一隻SAP，做得相當唔錯，德國之光，好似係唯一。另一隻tech股，叫做Wirecard，近年成日見報，當然係衰嘢。造假數，醜聞。但其實未爆煲或乜，你2007-2017買，任何位都贏錢。

12. 正面啲嘅，睇下MDAX，代表DAX三十大，之後嘅六十間公司。呢個指數就表現不錯。入面就多啲Tech股，包括Teamviewer（德國公司呀，居然呢度都寫過）（https://bit.ly/3dad6Vn），Zalando（聽過個名，online fashion），Delivery Hero（外賣仔），以及其他HelloFre，Nemetschek ，Scout24，Freenet等等（唔識）。仲有生物科技股Evotec， Morphosys 同 Qiagen.

13. 其實就係新舊交替嘅過程，但嚟得慢。Qiagen或者Delivery Hero應該好快會入DAX，好可能係踢走漢莎航空。另一方面，柏林其實而家係歐洲創科之都（之一），聽聞主要係因為租平，大學生質素高（all due respect，唔通去意大利咩，開檔整pizza？），政府支援又好，我都有朋友過咗去。

14. 原文冇講，但我講下，香港都面對緊呢個過桯。首先like it or not ，香港股市最大嘅公司都係大陸公司，絶大多數行業都係（除咗地產，所以你睇到乜嘢係香港核心工業）。但恒指入面，正如上面講，都係銀行保險地產呢啲「舊經濟」嘢多。所謂咩BATMX，百度冇在香港上市（聽聞遲下二次上市），阿里巴巴上咗但入唔到恒指，因為同股不同權（聽聞就快會畀佢入，到時又可以噴一輪口水）（＊＊），美團小米情況差不多。就只得一隻騰訊係恒指成份股。好多人亦認為成堆舊濟股係拖低指數，亦令個指數冇代表性。

15. 德國嘅問題，係嗰堆tech 股未夠大，慢慢壯大緊。但香港呢堆就明顯夠晒大，因為同股不同權卡住咁解。

16. 最後講遠少少，唔少人認為，扯，花無百日紅，而家就tech 股風光啫，但任何嘢都有個價，點知係咪一路增長？的確冇人知。但之後啲文可以講，而家你以為甚麼FAAMNG 甚至BATMX 佔指數佔股市市值好多？其實唔算。你睇下以前啲石油股，或者十幾廿年前啲金融股？

（＊）忠實讀者都知，寫過幾次，恒指都有呢個情況，都一度 below book value。但，恒指入面好多係銀行股，特別係匯控同中資銀行，差不多佔25%，而呢堆東西，都係below book value嘅。有云話投資者「唔信大陸銀行的book」，我認為唔係，反正全世界好多銀行都係below book的。想講個分別係，銀行股為主嘅指數，below book不出奇，但DAX並非以銀行為主，就神奇啲。

（＊＊）慎防有人唔知，再講一次我立場。由始到終我都反對同股不同權，全世界都係。理由好簡單，唔想畀短視股東廢柴散戶外行基金經理管嘅，咪撚上市咯，私人公司任撚得你點玩都得。冇錢？問銀行借咯。想上市做public company，就唔該睇下咩叫public company。但，首先我立場不代表我公司，如果我以公司身份就當然應該贊成，商機嘛，而反正我同我公司立場亦都冇人care。事實上全世界交易所都搶生意，啲科企小朋友夠惡，邊度肯就佢改例咪去邊度。所以你冇得堅持的。你間舖唔摸得？人地隔離得喎，咁咪人人去隔離。