話說上個月當公司仲未宣佈會點處置我哋嘅時候，有一晚飛悉尼，一上到機，有幾個同事寫咗張卡同埋個禮物個我，同我講：
「無論你哋邊個要走，我全部都唔捨得你哋。」
前日墨爾本的航班返到香港，喺機場分別嗰陣，啲同事好大力咁逐個攬住我，有個同事話：
「今次可能係我哋最後一次飛喇……」
呢個同事，我記得我哋一齊上過深圳，一齊喺墨爾本飲過咖啡……
有另一個同事，有次我喺墨爾本搭返維記去凱恩斯，佢驚我唔識，飛完9個鐘喺check in counter陪我陪到拎到登機證為止……
說再見之後，我一個人由機場行去巴士站搭車返屋企，見到好多著制服嘅人、好多嚟自世界各地嘅乘客，機場嘅餐廳、建築，呢啲我過去五年來熟悉嘅一切，將來可能會變得陌生……眼淚就不自覺滴下來……
我好多謝維記嘅同事咁錫我，咁錫由香港嚟嘅每一個，從來唔將我哋當係外人……
由於一月攞咗3禮拜嚟搞年宵，如無意外，我應該剩返大約三班航班，就會結束空中飛傭嘅飛行生涯了。
除咗係同事，我最唔捨得就呢個page，呢度有好多回憶、好多同你哋互動，全部都係無價寶。
之後，雖然唔係好具體，但我都有初步嘅計劃。
真正告別之前，希望我哋可以見一面、影個相，傾下計留念。並唔需要一定要買嘢。
《空中飛傭告別年宵》
2020年1月20-28日
D2 Place 香城年宵
d2 place餐廳 在 【SaSa 愛飲食】文青集中地《荔園》流金歲月餐廳｜D2 Place ... 的八卦
Sa Sa 約埋朋友仔一齊去 D2 舊香港懷舊 餐廳 《荔園》入面滿載住好多香港人童年點憶手造熊仔包恐龍馬拉糕配合懷舊摩天輪一路食一路揀仲有好多兒時玩意有得 ... ... <看更多>