#日常生活小品系列
話說，呢排同法國仔都真係玩得好開心。呢隻仔，聰明、有品味、風趣幽默，係輸在唔夠其他鬼佬高。不過呢，我好大愛包容，所以就包下又容下咁啦。
今晚我地去左一間北歐餐廳試菜，或許我們來得比較晚，基本上全間餐廳就只有我們這一桌。侍應不焦急，我們也不趕時間，大家就拿著餐牌逐道菜去聊天。不得不說，我很欣賞這裡的侍應，佢地真係答得出你食材係咩來源、大概係咩樣（北歐有好多稀奇的蔬菜和瓜果，她樂意分享，我們也樂意上課），佢地唔係嗰種「我黎打份工架ja，你問我問題即係難為我」的態度。好多人成日評一間餐廳「服務好」只係在於侍應有冇笑容，點解笑容好就係服務好？當然，初四咁樣係不能接受。但如果人家是專業的話，好似呢位北歐冰山美人咁，又真係唔駛同你烚熟狗頭咁款，大家交流舒服就是了。
法國仔今晚請客，我呢啲師奶仔最鍾意諗縮數，原先打算淨係叫主菜（前菜貴呀嘛，我其實叫個西炒飯都ok 架），即刻俾佢發現左我慳家嘅意圖，結果被迫叫左個前菜。 但不得不說，這個煎魷魚真的功架十足，我唔知佢點做，可以煎到條魷魚外脆內軟，像是綿花糖那樣入口即溶，除了是食材新鮮外，廚師的功架也是功不可抹。
主菜係烤雞胸，我可唔可以好老套咁講句「雞有雞味」？雞肉輕輕烤過，而內裡仍舊柔軟多汁，我猜廚師是出貓了，雞肉應該是先在水裡密封慢煮，待上菜前材快速煎香兩面，這是很聰明的做法。最底的北歐薯仔，味道比普通薯仔甜，卻又比蕃薯結實。法國仔說這種薯仔不太好消化，要切小一點吃，不然會胃痛的。
到最後，他點了芝士拼盤，我只要了一球雪芭。
「試一口這個雪芭，甜甜酸酸，很好吃的！」我指著我吃了一口的雪芭說。
「不了，我正在戒糖和澱粉質。」他看了一眼，想吃又不敢吃。
「來嘛，吃一口吧！清味蕾嘛！我不會告訴別人的。」獨食難肥，所以一定要分享，整肥埋人地。
「我也很想，但是...」
「別給我但是了，來！張開口，我餵你吧！啊～～～～～～」我今天心情超好的。
「既然你這樣堅持，好吧！」這傢伙佔了便宜還賣乖。
「好吃嗎？」我邪惡地問。
「好吃，這雪芭配芝士好吃極了！」
「是嗎？！」這次換我坐不住了。
「別搶我的芝士啊！」我開始染指他的芝士拼盤。
「這不叫做搶，這叫做共享，你知道共享經濟是多大的一門生意嗎？」我理直氣壯。
「我只是吃了你一口雪芭啊！」
「你現在明白一帶一路是什麼意思了吧？這盤芝士，我分你一半！」說穿了就是九出十三歸，開始時俾少少甜頭你，就係為左食你隻車。
就係咁，我地渡過左好有國際視野（？！）嘅一個愉快晚上。
#學下某財經界KOL講句
#我戒Crabs
#搶完人地個芝士拼盤仲要對方埋單
#無恥到一個點
#下餐換我請啦
#共你笑著說著戲劇時裝
#那怕錯過了幸福
#彼此磋跎仍然可以彼此幫助
#沉悶晚上相約渡過
#男孩像你
crabs意思 在 crab中文(繁體)翻譯：劍橋詞典 的相關結果
crab 翻譯：海洋生物, 蟹，螃蟹；蟹肉, 疾病, 巨蟹（星）座。了解更多。 ... crab 在英語-中文（繁體）詞典中的翻譯. crab. noun [ C or U ] ... 查看全部意思». ... <看更多>