好耐無同大家update過近況，
成日都有人問，
護士移民搵工難唔難，
我覺得真係睇個人，
如果你有經驗，
如果你寫CV寫cover letter寫得好，
如果你英文oral程度OK，interview 淡定，
再加小小運氣，
我覺得已經十拿九穩。
拎到入場券入到其中一間醫院，
你之後想轉工想interstate搵工就易好多，
因為你已經有local experience。
好似🙎🏻♂️咁，做咗一年general ward，
就有機會入local都夢寐以求嘅ICU做student。（佢喺香港做咗幾年地獄medical，無專科經驗）
但係好景不常，佢喺ICU嘅第一個assessment就唔合格，根據醫院嘅規矩，唔合格就要執包袱走人。佢鼓起勇氣叫assessor 俾多次機會佢，最後成功留低咗。
佢有十幾個同學仔同佢同期入去，有幾個頂唔順走咗，其他留低嘅都好快有得讀post graduate cert，除咗🙎🏻♂️。
可能你會覺得佢有啲7，點解人人有得讀佢無得讀。但係信我，當你識得佢，你就會知道佢盡咗力。佢無論返工定溫書都好勤力，但係始終英文真係唔係佢母語，所以一開始成日俾人話佢communication唔OK。講真佢無喺度讀過書，表達能力又普通，轉數又唔係快，面對每日返工俾人抽書，同所有唔同team嘅醫生交流，啲allied health 又嚟滾搞你，最緊要係啲病人真係唔穩定，佢受嘅壓力絕對唔細。
默默堅持咗一年零兩個月，ICU嘅人終於睇到佢嘅進步，近期返工成日都有人讚佢做得好好。前排佢又apply 咗post graduate cert 嘅opening，OMG媽咪今次佢終於得咗啦！
其他人用短短三五個月就可以拎到嘅position，🙎🏻♂️用咗一年零兩個月。不過我仍然覺得佢好叻，遇到咁多困難，放棄好易，要堅持先係最難。當然佢有懷疑過自己，不過佢仍然保持住正面嘅態度，仍然默默耕耘，仍然虛心受教。
多謝你身體力行話俾所有人知，有一種堅持叫香港人。
大家加油。
cover letter英文 在 大學畢業生英文求職信該怎麼寫？｜撰寫要點+示範 - YouTube 的八卦
... 英文 學習影片的動力。謝謝！ - - - #雪薇#多益#TOEIC #商用 英文 # 英文 ... ｜撰寫要點+示範｜商用 英文 e-mail｜ cover letter writing #雪薇 英文. 2.6K ... ... <看更多>