感謝當香港被死黑警變成化學毒港之後
仍然有咁多專業人士，用佢地既專業為大家發聲
黎緊我地要面對既，好可能係畸胎數量增加、癌症數目節節上升。。。
呢一刻真係好灰。。
有冇超人可以帶我地走出困局？
我淨係想比個美好既將來我地既下一代。。。
【如何從飲食中可能地減低體內「二噁英」損害（加番損害二字，可能清楚啲）】
近日，我被「二噁英」呢三個字纏繞。
終於，我花咗少少時間，去了解下「二噁英」係咩東東，而如果，吸入過多時，到底從飲食上幫唔幫到手。
搵咗好耐，其實，研究不算好多。
由於「二噁英」有機會存在係食物，尤其肥肉，所以較多資料都係講點樣避免攝取「二噁英」，而唔係如果身體接觸咗之後，可以食咩有機會排走及減低其對身體損害。
畢竟，「二噁英」係毒素一種，唔會活生生咁有人體實驗。最多都係透過觀察後分析，又或者老鼠實驗 (其實鼠鼠對科學貢獻好大!）所以，以下提及嘅營養素及食物，大家可以作參考。但都建議大家都可以食多啲，畢竟，提及嘅食物食多咗問題不大。
1. 維他命A、C、E
有研究講過，「二噁英」會增加體內氧化反應，產生多咗活性含氧物 （ROS），而同時減低身體嘅抗氧化功能，所以，血液中嘅維他命A、C、E水平亦有可能下降。所以，若果接觸過「二噁英」，可以增加攝取維他命A、C、E。話哂呢三種維他命本身就係屬於抗氧化物，食多少少都可以 (但唔駛超多)，仲可以增強免疫力。
* 維他命A食物：紅蘿蔔、南瓜、番薯、羽衣甘藍、菠菜等。
《飲食陷阱2》P.62 有講更多維他命A資訊。
*維他命C食物：柑橘類水果(柑、橙、西柚、檸檬)、 士多啤梨、奇異果、生番茄、綠葉蔬菜、苦瓜、青椒
《飲食陷阱1》P.188 有講更多維他命C資訊。
*維他命E食物：綠葉蔬菜、全麥穀物，包括：全麥麵包、全麥麵條、果仁，尤其杏仁、蛋黃
2. 硒質(Selenium)
吸入「二噁英」，同樣會降低血液中硒嘅水平。但硒質本身屬很強嘅抗氧化物質，而硒蛋白大部分亦係抗氧化酵素，可以令細胞不易受游離基傷害，有助身體保持對抗癌症及心血管病應有的抵抗力。
肉類、海鮮、果仁都含較多硒質。但係眾多食物當中，我尤其推介巴西果仁(Brazil nuts)，因為其硒質係眾食物之首，食一粒，已經夠1日硒質所需。由於巴西果仁都幾肥下，唔駛食好多，每日2-3粒都好夠！
3. 薑黃素(Curcumin）
我曾經講過薑黃素具很強抗氧化功效，亦有助舒緩炎症。而有一份用咗老鼠做實驗嘅研究亦有提及過薑黃素很有可能有效地預防亞慢性「二噁英」暴露(subchronic TCDD exposure)。其實一般薑黃粉(turmeric powder)已經含有薑黃素，將1/4-1/3茶匙薑黃粉加落smoothies或者用嚟加入炒飯、湯、奄列等都可以。薑黃粉唔單止可以抑壓一種致癌物質，仲可以增加肝臟一種排毒酵素。 好還好，切勿過份地攝取，因為薑黃粉含有高濃度草酸鹽，易有腎石人士就要注意份量，不宜大量攝取。
4. 白藜蘆醇（Resveratrol）
有研究顯示，口服白藜蘆醇或有助對抗「二噁英」。含較豐富白藜蘆醇嘅食物唔係好多，有大家可能較熟悉嘅紅酒，其發酵嘅紅提子皮就含有白藜蘆醇，不過，紅提子都有，唔一定要飲酒。其次，花生都有。
5. 槲皮素（Quercetin）
長期吸「二噁英」會損害生育功能，有研究指出槲皮素（Quercetin）有助老鼠預防由「二噁英」引起嘅睪丸損害 (TCDD-induced testicular damage)。槲皮素屬黃酮類一種，可以保護細胞之餘亦可增加體內抗氧化物「穀胱甘」（glutathione）水平，保護細胞免被自由基侵襲。槲皮素廣泛存在係植物性食物當中，例如：紅蘋果、紅提子、洋蔥、西蘭花、羽衣甘藍、莓類、綠茶等。
唔好意思，我好少打咁多野比大家睇，而且圖都無咩心情砌，大家有心就睇啲字啦。
希望睇完，有少少幫助。
順帶一提，《飲食陷阱2》P.149 有更多排毒護肝資訊。
#訓唔著系列
#睇咗文獻文章半日
#整理打咗兩個鐘
#又如何
#我覺得值得
#大家要健康呀
brazil nuts 在 Brazil nut - Wikipedia 的相關結果
The Brazil nut is a large tree, reaching 50 m (160 ft) tall and with a trunk 1 to 2 m (3 ft 3 in to 6 ft 7 in) in diameter, making it among the largest of trees ... ... <看更多>