pnd牛頭角的八卦，Yahoo名人娛樂都在討論

《又一個全天候偽夜市》獨門沙茶醬+自家打魚蛋+溫室紫薯雞蛋仔+秘方牛雜，呢度平有平食，坐得舒服，跟PND嚟啦！

裝修非常有心思，平日淨係嚟影相潮聖都值。

九龍灣又多一個平民美食天地喇，話說以前PND補習時都曾經喺附近嘅日月星食炸脾，而家潮友行多幾步，仲可以嚟到「得寶商場」新開嘅「得米美食檔」，大約有7-8檔小店，攞住$100就可以當放題咁食喇，仲有N個偽懷舊影相位，心機1000分！

潮友報料，昔舊日回憶嘅牛頭角下邨八座木檔小食，終於同第二代傳人一齊返嚟。

8座望落細間，其實都有唔少主打：五香牛雜$12/串、沙茶醬魚蛋$7/串(記得叫多醬，超級巧味，如果有飯一定要撈埋!!!!!)、牛下臭豆腐$10、碗仔翅、溫室紫薯雞蛋仔$18。

熱辣辣嘅牛雜，加埋一塊白蘿蔔，小辣醬汁、調味粉再加埋任落唔嬲嘅甜醬同黃芥末，非常濃郁同惹味。仲有好臭嘅外皮夠脆嘅臭豆腐，PND忍唔住都食咗一啖。

噢噢，佢地個《溫室紫薯雞蛋仔》裡面有粒粒紫薯架，真材實料，係爭在唔夠脆身啫，值得一食。

八座小食@得米美食檔
星期一至日：11:00-23:00（下午時段會少潮友啲）
美食檔座位：大約百幾
地址：九龍灣牛頭角道3號得寶商場地下FC02號舖（淘大附近）
#PND九龍灣 #PND港式 #PND小食

講到唔貴又好味嘅餐廳，PND係唔介意行多幾步路去搵食架～尤其有好味嘅buffalo雞翼同芝士薯條呢啲重口味小食！

呢間餐廳喺牛頭角同觀塘中間，由牛頭角行過去大約最多10分鐘，佢就喺一個非常唔顯眼嘅停車場入口隔離，一入去，空間感強，樓底夠高！意粉、Risotto由$78-128、小食價錢就$53-78～

PND叫咗《濃芝士黑松露薯條》$68無諗過原來係3-5人份量，因為叫咗幾樣野所以完全食唔哂...雖然薯條望落唔多黑松露，但聞落食落松露味都幾濃郁，加埋水牛芝士同車打芝士喺面烘到金黃色，好香脆！加埋呢度自己刨嘅薯條，係絕配。

磨菇湯$36配兩塊麵包，一羹畢起帶滿滿號磨菇碎，超級足料，菇味香濃已滲哂入湯入面，加埋忌廉嚟煮較杰身，口感好滑！

Buffalo Wings$68/6隻，配蔬菜條同一大兜藍芝士醬，酸酸地辣辣辣，已經好香口，點埋醬汁食更加重口味。

溫泉蛋卡邦尼$88，pasta煮得彈牙有咬口，忌廉蛋汁好細滑，督一督隻流心蛋，撈埋芝士片同蛋黃汁食好幸福～

BV Kitchen
電話：2673 0498
星期一至六 08:00-22:00
｛ 星期日及公假休息 ｝
#PND牛頭角 #PND觀塘 #PND西式 #PND小食
@觀塘鴻圖道23號利登中心地舖（牛頭角B6出口直行、轉左再直行兩條街）

心思思，想食佢滷味，都唔一定要搭飛機嘅，嚟九龍灣頂住檔先都得架！

PND尋晚就介紹咗九龍灣呢個小型美食天地，就係「得寶商場」新開嘅「得米美食檔」，大約有7-8檔小店，攞住$100就可以當放題咁食喇，仲有N個偽懷舊影相位，心機1000分。

PND最愛嘅《蘿蔔、豬耳、雞翼尖、滷蛋...》呢度同台灣嘅味道唔差好遠，甚至更加別樹一格！聽講老闆用咗一段時間研究滷味醬汁。

潮友可以自由攞筲箕同鉗嚟夾自己想食嘅滷味，自助形式架，想食幾蛋就夾幾多，然後俾老闆落單、加入滷味醬汁熱煮，溫馨提醒最低消費30蚊～呀。

滷味滷得幾入味，蘿蔔、豬耳、雞翼尖、豬手都唔錯！

牛下燈籠滷味@得米美食檔
星期一至日：11:00-23:00（下午時段會少潮友啲）
美食檔座位：大約百幾
地址：九龍灣牛頭角道3號得寶商場地下FC05（淘大附近）
#PND九龍灣 #PND港式 #PND小食