Search
10分鐘，可以煮到一個拌飯？嚴格嚟講，係work嘅！今晚一於焗一個完美宵夜，食返碗又熱又惹味嘅拌飯啦。
呢隻脫水拌飯，只要加水、一焗、加醬、即拌，4個steps就食得！口味就有幾款揀，好似蘑菇、泡菜同牛肉，PND買咗磨菇味嚟做宵夜～
細包裝份量會有一碗飯，入面配一包韓國拌飯醬加一包麻油，食量偏細嘅潮友，女仔會夠飽、男仔就可能會想食多少少。
大包裝份量會有一碗半飯，配一包韓國拌飯醬 一包麻油，仲有麵豉湯，無論男仔定女仔潮友麵夠哂一餐飽嘅份量！
包飽入面PND會望到好多一粒粒嘅脫水米飯，呈半透明，唔係一般扮飯嘅乾米通！一加水到線位，所有米同餸就會變返做脹卜卜嘅飯同配菜，建議潮友可以先撐開袋、加水，米就會即刻索哂，就會可以焗返啲米飯變軟熟。
配料好多，食落啖啖都有唔少餸，好似有脫水高麗菜，加水焗完會爽爽地有咬口；好似PND呢個仲有粒粒脫水磨菇，口感好豐富；加埋啲醬，真係好夠味；買大包飯嘅記得飲埋湯!
入貨點：
沙田新城市一田、旺角一田超市內
鳴謝PND助手P.Chu溫馨推介☺️
厚多士嚟喇！見到韓國周街都係coffee shop就好葡萄，點解人地啲咖啡咁平，點解佢地啲甜品咁好食，點解香港無分店！
潮友們，唔好嬲嬲豬，最期待的畫面要出現了。
Tom N Toms Coffee嘅香港首間分店，之前狂摸閉門羹，而家終於都開門大吉，而家考完DSE趕完project，終於都可以嚟潮聖啦！
呢到所有飲品都由韓國直送到港，咖啡豆嚟自韓國烘焙工廠；食物方面，麵團都係由韓國進口，每個店員都喺韓國當地受過專業培訓，咁就保證可以食返正宗韓味啦。
下午茶時間梗係要點個超人氣、夠兩人份量嘅《蜂蜜奶油吐司$55》，轉套餐$70，(期間限定至2016年5月31日) 厚多士切開左9小件，即叫即烘，外脆內軟有咬口。多士面唧左成坐山咁高嘅忌廉、肉桂粉、蜂蜜同焦糖糖漿，甜度適中，建議可以多位潮友一齊開心些牙，否則會好似PND咁飽到反艇。
除左皇牌厚多士，仲有少量咸食例如Pizza、捲餅同蒜泥奶油吐司咁，同埋其他特色飲品，要喺到hea成日做偽韓妹容乜易。
Tom N Toms Coffee
電話：2813 2331
星期一至日：0730 – 2300
地址：沙田新城市廣場一期1樓158號舖(starbucks隔離)
#PND沙田 #PND韓國菜 #PNDcafe #PND小食
天氣有少少涼，除咗雞煲、芝士鍋，可以烚吓烚吓，潮友就突然話想食魚，仲要係無骨嘅辣！烤！魚！
其實，近年開始流行烤魚鍋，最正係有少少辣架啫，同水煮魚唔同玩法。呢度嘅川辣烤魚，正就正在，麻度辣度可以分開揀，有「大、中、小、BB」分，PND鍾情嘅係BB辣+無麻度。當然仲要揀酸菜啦，越煲越濃郁。
傳統小菜餐館格局～PND鐘意呢間嘅烤魚，外皮係脆脆地架，特別係《烤魽魚全條(少骨)》$228/有斤半重（抵食），放入長方型鐵盤夠3-4個人食，挑起主骨，就可以大啖大啖滑魚肉咁食喇！
呢間嘅湯底係食過咁多間裡面最易入口，又唔會好油好紅，但魚湯味道濃郁，個巨鐵盤仲有唔少飽肚嘅配料，好似白蘿蔔、薯仔、蓮藕、豬皮同豆卜等(唔食芫茜嘅潮友記得要叫走芫茜)，食哂都好滿足。識食當然要叫紅薯粉($18/1份)啦！
即燒串燒，個人覺得羊鞍、生蠔同燒茄子都好好味。呀，聽講荃灣分店先有雞煲，同埋串燒種類多好多。
美味烤魚
電話：21776788
星期一至日：17:30-01:00
地址：荃灣二阪坊26號地舖/沙田海福花園3-4號地下
#PND荃灣 #PND大圍 #PND火鍋 #PND中式
PND荃灣食玩地圖，行程如下：
Zeppelin Hot Dog（火炙芝士肉醬船）→Formosa→貓之茶房(開13:00,貓貓樂園,有聯營嘅日式便當提供,仲有蛋糕/花茶) →串皇(串燒) →亞玉豆腐花($8碗)→ Mr&Mrs Burger→KALA芝士多士→「美味烤魚」烤少骨魽魚
或
上天橋→荃昌中心→千千島士多店(招牌薯仔蛋拼) 印尼撈麵→昌寧中心地下咖啡賞館(cake,下午茶)→Mini Cooker→回程
