nikeadaptearlbb的八卦，Yahoo名人娛樂都在討論

等到頸都長，終於喺兒童節第一次著到Nike嘅自動綁帶籃球鞋 #NikeADAPTBB， 簡直同細路仔收到兒童節禮物一樣咁開心。對鞋嘅精彩位太多，會用point form兼分兩篇同大家介紹下(睇番先覺得咁樣寫有少少似教煮餸🤣)。第一篇，講下啲科技嘢先。

1.將隻腳穿入對鞋之前，乜都唔好講住，download咗”Nike Adapt”呢個app先(圖二)；

2.個app會教你sync對鞋。sync完之後，擺開個電話喺一邊，待用；

3.叫得做自動綁帶籃球鞋，重點當然就係個綁帶系統啦。sync咗個app之後，只要你一著對鞋就可以用auto-lace嘞，佢會自動根據你個腳型調整鬆緊；

4.當然啦，佢嗰個鬆緊程度未必一定啱你心水。咁自己可以點較呢？有兩個方法。一，嗱對鞋外側咪有兩粒掣嘅？(圖三)，前嗰粒係綁緊，後嗰粒係鬆綁；

5.方法二，用app，呢個仲簡單，麻煩大家攞番個電話出嚟；只要將個L同R字掃上掃落就可以較到。而家圖四顯示嘅情況就係左緊右鬆；

6.近年Nike籃球鞋唔少都會配多一兩對唔同色嘅鞋帶畀大家撞下色，咁呢對又點算呢？唔怕，一樣有得玩顏色嘅。用app可以幫嗰兩粒掣轉色，幾乎乜色都有(圖五至圖八)；

7.個app仲可以幫你記錄你著開嘅鬆緊程度同鍾意嘅顏色(圖九)，唔使次次較；另外仲有「一鍵鬆綁」功能，同埋可以幫你mon住電量(圖十)；

8.冇錯，對鞋係要叉電嘅。買鞋會跟埋塊叉電板(圖十一)，擺對鞋上去就叉到。官方數字係叉四個鐘夠兩個禮拜用 - 當然，要視乎你點用嘞，如果你每日㩒三千次嘅話我相信係頂唔到兩星期嘅(圖十二)。

科技嘢大致咁上下，係好玩嘅，而且可以玩嘅嘢亦都多過上次對HYPER ADAPT。當然作為一對籃球鞋，最重要嘅都係實戰嗰陣嘅表現啦；下一篇實戰篇，會同大家分享下著住佢落場打波嘅用後感。

我相信唔少朋友都會對呢對鞋有興趣，想知幾時有得試有得賣嘅話，就記得密切留意👉🏻Nike Basketball Hong Kong👈🏻嘅fb專頁同ig(@nikehkg) 喇！

仲有，記得記得記得，上Nike.com登記咗做NikePlus嘅會員先 - 唔好問點解，總之想同呢對鞋有進一步「接觸」嘅話，拿拿臨登記咗先。

#我再講多次
#登記做會員
#登記咗做會員先
#唔好問
#總之登記咗先啦
#叔叔唔會昆你嘅
#NikeADAPT
#NikeADAPTEARLBB
#NikePlusHKG
#NikeHKG
#NikeBasketball
#unlock

繼續 #NikeADAPTBB。自動綁帶冇錯係焦點，但講到尾，佢都係一對籃球鞋。籃球鞋嘅作用就係打波，如果著嚟打波唔舒服嘅話就加幾多新科技都係假嘅；所以，呢篇想同大家分享下我嘅落場腳感。四個字 - 喜出望外。

年幾兩年前著同樣係自動綁帶嘅HYPER ADAPT，個Auto-lace的確好玩，但係鞋底偏向硬身，著嚟做運動對腳會多咗少少負擔；兩年之後，一切都改進咗，呢對ADAPT BB絕對係一對實戰鞋。再用point form講下：

1.尋日個post一出，最多朋友問嘅就係size，所以講咗先。試鞋之前，工作人員千叮萬囑話一定要試真啲個尺碼，因為對鞋好包腳，好多人著番平時size都會覺得窄；

2.尋日同場試鞋嘅朋友入面，係的確有人要著大半號甚至一號嘅，不過我就冇呢個問題，著番true size已經ok，我諗主要睇腳型啦。所以，大家買之前一定一定要去試真，一定要；唔係一般求其試，而係要試清試楚嗰隻。著咗之後較多幾次個鬆緊度，行幾步，先好決定著咩尺碼；

3.一上腳，對鞋個整體感覺接近Kobe/Hyperdunk low，都係低筒，偏向靈活同敏捷，個人認為比較適合一至三號位球員；

4.因為有auto-lace，鞋底係藏咗個摩打嘅。不過對鞋依然屬貼地類，絕對唔係一著就覺得成個人高咗嗰種；腳底feel到個地板，靈巧度同反應都係高嘅；

5.頭段講過，上一次對HYPER ADAPT因為鞋底有摩打，成個底都偏硬，但係今次呢對嘅緩震就大幅改善咗，後掌感覺仲特別強烈；前掌硬過後掌，前掌緩震似Kyrie，係快速起動型。可能摩打嘅擺放令緩震多多少少有啲限制，個人喜好，希望下次個前掌再淋多些少；

6.抓地力完全冇問題，以半透明鞋底嚟講亦都唔算惹塵，尋日著住嚟打咗一個鐘波，期間冇需要抺鞋底；不過始終透明底，著嚟打室內場會比較適合；

7.低筒鞋，但係保護ok嘅。記住唔好索得太緊，我一開頭較得緊得滯，打打下覺得啲腳趾冇血到🤣

呢對鞋係game changer嚟嘅。總結成個經驗，我覺得絕對值得一試；試，亦都係買呢對鞋之前嘅關鍵。如果想率先試著嘅話，而家首先去Nike.com免費登記咗做NikePlus會員先，然後喺‪4月5至6日期間留意👉🏻‬Nike Basketball Hong Kong👈🏻‬專頁同ig(@nikehkg)嘅update兼預約店內試著體驗；由‪4月9至14日，被選中嘅‬NikePlus會員會獲邀參加試著，香港NikePlus嘅特選會員仲有機會優先預購！

#所以尋日咪話一定要登記咗做會員先囉
#同埋
#一定要試
#一定要參加試著
#係一定要
#總之就報名啦
#NikeADAPT
#NikeADAPTEARLBB
#NikePlusHKG
#NikeHKG
#NikeBasketball
#unlock