話咁快又到9月最後一日💕 （長文愼入）
月結：329K 係跑步以來最多里數嘅一個月
自從兩年前跑左第一隻全馬之後，就愛上左跑全馬嘅感覺。兩年間，跑左九個唔同嘅賽事，唔可以話每一次都有進步，但每一次都獲益良多，每一次衝終點時都十分激動。
因為自己固執，唔聽人勸，一直腳傷都未好返，所以之前嗰9隻馬都沒有一個很全面的訓練，里數隨量，只希望喺能力範圍裡面做到自己嘅101分。直至跑完台灣萬金石馬，終於全面休腳，因為我知再咁落去都唔係辦法。
休息過後，腳傷終於好了九成，但心肺功能同狀態都跌至零，跑幾k都喘都腳軟，一D都唔好受。 之前42公里是如何完成的？為何連續跑10公里都有困難？沮喪是必然的，朋友和阿Sir都叫我先由慢跑開始，慢慢來，再練習速度。
一個月，唔得。兩個月，好D。三個月，開始搵返自己，睇到一點狀態，終於可以全面練習全馬賽事了！
看着訓練時間表，未練習已經感到有點疲累。有時候，放左工已經攰到眼光光，有時候，放假想做懶豬啫。有時候，放工想約下朋友食個飯。可是，我也想試一試去努力練習，看一看自己有沒有能力完成到目標。日跑唔到咪夜跑，夜跑唔到咪晨跑。從前不懂Easy Run， 甚至覺得是浪費時間，原來慢跑也有它的作用，令我放鬆肌肉，所以盡量我也會完成每一課，即使自己不是做得很好，但一定會盡力。
在跑步班，得到一班同學的互相鼓勵，每人一句「撐住，唔使快，最緊要食得晒」，不知不覺就大家一齊完成，好滿足，好開心。大家練習的post也在互相鼓勵著，一種很大的支持。
感謝每一位和我一起練習的朋友，終於來到最後的五個星期。記得跑到一半時，我曾經呻過「好辛苦呀，跑左一半咋」，朋友說「撐落去，仲有一半咋」，心態的確好重要，也感謝身邊給我正能量的人。
五星期後便是人生的第10隻馬拉松，無論結果如何，也已經盡力，也已經無憾了，也不後悔了❤️
#我不是職業運動員
#但也希望創造自己PersonalBest
#2017金沢馬拉松
