場區轉龍門迷思
有時聽到客人買手套嘅原因，係因為想「試下」打龍門。雖然版主當年都係半途出家。呀！唔係，係因為打左龍門先學識踢波。當年出黎踢，我估啲U12都好過我，咁啱隊波冇龍門，一踢就踢到而家。亦因為打左龍門，先認真學踢波。咁如果想轉打龍門嘅朋友，希望睇睇先再諗龍門呢個位啱唔啱你。
襟鬧
踢場區失波可以唔追，留番龍門幫你執手尾。但龍門一失波，場區球員可以大聲夾惡指摘。尺度更自己睇高一線。所以要捱得鬧，心如止水。我歌故我在。
心理質素
龍門係一個講求心理質素嘅位置，因為一失信心，之前有幾多技術都係發揮唔到。甚至輸緊六七球波，出面嗰10散左。你仍然要處變不驚，盡量將失球數再減低。因為連打龍嗰個信心崩潰，就會變成放題Mode。失一球係咁踢，失十球都係咁踢，總之信心不能失。
手腳眼協調
因為龍門多對手可以用，由以往只係眼睇腳踢，變成手接腳踢眼睇。唔多協調嘅即使睇到，都未必救得到。當然可以透過龍門訓練去改善。
唔怕死
俗語有話「十個龍門九個癲」，呢番說話係冇錯。場區怕波可以避，高波搶點可以唔跳。打得龍門，全部都冇得避，冇得唔擋。即使射門距離再近，都要衝埋去硬食。仲要飛起離地幾尺去撲去落地。驚或者怕傷可以唔使諗，因為靠你用盡方法去阻止入球。除左你嘅手腳，身面頭都係可以阻止入波嘅方法。假如唔怕波，唔怕死。呢類癲喪型龍門係最得人驚。
訓練極度辛苦
如果你想成為一個好龍門，練波係不能少。當你練波嘅時候除左接，撲完起身再撲都已經成為必然項目之一。因為打比賽就靠你一個救全家。所以你嘅運動量係會比場區球員多。當中涉及好多爆發力，耐力嘅項目。少左嘅話會影響你嘅集中力，少左份穩定性。
以上幾點都係比各位「出家」嘅朋友思考一下，唔好旨意啲後衛會幫到你啲咩，最後都係靠你一個。
如果朋友想補充下，都可以喺下面留個言，分享下你嘅睇法。
龍門訓練 在 守門員撲球訓練-循序漸進- YouTube 的八卦
守門員撲球 訓練 -循序漸進剪輯影片,影片出自國際足總之守門員 訓練 影片. ... <看更多>