Search
【守門員訓練班】
女仔都可以練得好架🙌🏻
龍門訓練係一個專項，唔係企入去就會打得好。除左手嘅技術，當中包括好多用波嘅技術同判斷。所以要透過好多重覆嘅訓練去建立信心及自然反應。
訓練班會按住參加者嘅能力及進度去制訂課程內容。另外為剛轉打龍門嘅朋友設立新手班，集中去教授基本接波、步法、協調及控傳。待基本技術穩定之後再學更深嘅技術。
班別除左有單對單訓練，而且設有小組恆常班，一星期有4日，時間更具彈性。更能方便番工番學嘅朋友👍🏻
恆常小組班: 逢星期一、二、四、五晚上
單對單及自組訓練
對象:
✅成人 ✅小童及青少年 ✅女子足球 ✅新手龍門
☎️查詢及報名: 歡迎Whatsapp 51288455
#龍門訓練 #守門員訓練 #守門員訓練課程 #守門員 #守門員手套 #守門員日常 #守門員用品 #守門員裝備 #足球訓練 #足球訓練班 #女子足球 #女子足球聯賽 #飛撲 #gk #gktraining #gktrainingsession
【新界西龍門班黎啦🙌🏻】
好多新界西嘅朋友都想練龍門，但平日喺跑馬地嘅恆常班地點都幾遠，所以特別喺新界西開班，希望照顧埋大西北或者新界區嘅朋友。令大家有更好嘅狀態準備新球季🙌🏻
課程內容包括
✅基本準備動作及接波
✅協調及體能訓練
✅封位及位置感
✅龍門球及用手發球
✅控傳及用波
✅應對傳中球
本課程會視乎參加者嘅歲數、能力去分班，每班上由一位教練對最多4-6位學生，務求令各位有進步💪🏻
而第一堂嘅上堂地點係前港超元朗足球隊主場-元朗大球場，港超主場練波場地更有質素👍🏻撲都撲得舒服啲啦
參加對象
✅成人
✅小童及青少年
✅女子足球
✅剛打龍門嘅朋友
首堂龍門訓練班時間及地點
日期: 5/9/2021 (星期日)
時間: 9:30-11:00, 11:00-12:30
地點: 元朗大球場 - 真草足球場
☎️查詢及詳情: Whatsapp 51288455
#soccerfun守門員訓練班 #守門員訓練 #龍門訓練 #龍門訓練班 #GKTraining #正式開班 #長傳 #新界西
#女子足球 #準備迎接新球季
【溫故知新】點解飛撲要「打開」到「伸展」？
又到溫故之前嘅系列，希望幫到你知多啲。令你多少都有啲得著。
如果問大家龍門技術嘅印象，應該佔70%嘅朋友都會諗起飛撲。可能喺大家嘅角度，飛撲成為龍門嘅代名詞。如果用階段去分。飛撲算係進階或者中階嘅技術。但係飛撲係咪必要嘅比賽行為？站係我嘅立場黎講係一個「必學」嘅技術，但落到場就唔係下下都要撲。呢個撲唔撲可能留下次再分享。
但作為一個「必學」嘅技術，難度話難唔難，話易又唔算易。難嘅地方克服心理令到自己擺脫地心吸力嘅同時。亦同時「享受」緊落地嘅衝擊。所以點解話係比較進階嘅技術。
正如之前嘅問題，點解飛撲要「打開」同「伸展」，幾位師兄其實已經講左大部份嘅重點，不過都仲有啲要補充同解說嘅地方。
如果飛撲要分開兩part黎睇，可以分左「起飛」同「落地」兩個部份。起飛即係起跳啦，24尺闊嘅龍門，一定係Cover唔晒。所以透過起跳，增加覆蓋嘅角度同距離。所以要飛得遠。除左講求下膝嘅爆發力，其次就係離地之後嘅動作。
如果幾整各飛撲嘅動作拆開黎睇，大致上係由重心腳發力，再推起上半身。達至整個人騰空嘅動作。而一個理想嘅飛撲動作，就好似擲標槍一樣，有一個拋物線嘅嘅動量。當中包括反作用力(起跳)，位移等物理「作用」。如果將身體伸展，拋物線嘅幅度會降低，而且表面面積細，即係空氣阻力細。令到「離地」嘅時間多左，當然距離都會有所增加。除左飛得遠左，伸展嘅面積大左，變相增加擋中嘅機會。即使飛過龍，下身都有阻擋嘅相會。配合埋向斜撲嘅方法，將射門角度再收窄一啲。即使個波射到好盡角度，都大大增加「觸球」嘅機會。
咁講到飛撲要喺空中伸展，腰間嘅核心肌群係會幫助你喺空中嘅伸展。令你係騰空冇任何支撐點嘅情況下保持身體嘅平衝度。而且當「起飛」嘅時候，身體呈屈曲嘅狀態儲能。到發力時腰腹打開嘅動作需要「拋腹」嘅動作幫助擺脫地心吸力。從而增距撲嘅距離同騰空時間。如果用一個例子去解釋，就好似跳高同跳遠嘅運動員，利用要腰腹及下肢去增加力量，當中涉及下肢及腰腹嘅協調。所以點解守門員嘅練習除左要係咁跳，當中包含核心肌群嘅訓練。
至於落地嘅部份，用一個簡單例子。著高踭鞋嘅時候，粗踭定幼踭會較受力。如果感受唔到可以問下身邊嘅女性朋友。落地嘅時候，唔少得嘅係身體受地心吸力影響嘅衝擊(Impact)，而著地時嘅接觸面積係令身體所受衝擊有增加或減少。假如縮起成個人落地，就好似著斗零踭嘅高踭鞋咁，受力嘅地方只係集中細細嘅一點。再加上你嘅體重，咁嘅衝擊力除左令你覺得痛。仲會增加你受傷嘅風險。
相反大面積嘅時候著地，力量會分散到身體其它地方，雖然係痛，但一定冇縮埋咁爽。而喺落地嘅時候，身體嘅關節(例如手踭、膝頭）受直接撞擊，少則就瘀傷，大則就移位同甩骹。所以飛撲嘅時伸展身體，都會減低呢啲重要關節直接受撞擊嘅機會。所以你睇波見到啲龍門撲完之後，都會伸直去落地。另一個重點係當落地嘅時候。仲有餘勢嘅力量，伸展身體就更加幫助身體跣住落地，而唔係直接「硬著陸」。如果縮埋咁落地，身體就會拖停，所以身體所受嘅衝擊會較伸展為大。
如果要練飛撲，最大嘅難度係克服落地嘅衝擊。因為怕痛怕傷，所以起跳時唔敢跳盡，基於身體嘅保護機制。縮埋咁係正常嘅反應。但到飛撲嘅時候更容易受傷同痛。所以當學飛撲嘅時候首先去學落地，去建立落地嘅信心以及身體嘅反應。透過一啲落地嘅動作練習，令自己覺得係唔痛。而且喺地上建立伸展嘅動作，對於之後真係起飛嘅時候都會成為一系列嘅反射動作。效率就更加高。
所以當要學飛撲嘅時候，要透過正式嘅守門員訓練一步一步去學習。會提供指導，按步就班去建立動作同心理。不但令成功率更高，更重要減低受傷機會。
其實幾年前都寫過一啲文章去講飛撲，不過隨着經驗，有更多唔同嘅觀點。可能仲有啲不足之處需要靠大家指點同補充。希望大家睇完之後到龍門嘅技術有更多了解。如果有機會希望再同大家分享一下🙏🏻
#Goalkeeper #GKTraining #飛撲 #Divingsave
gktraining 在 #gktraining - YouTube 的八卦
Shot Stopping + Recovery Movements | Co. Rapids Gk Training | 60 in 5 · Pro GK Academy. Pro GK Academy · 26K views 1 year ago ; Recovery Movement Drills | ... ... <看更多>